EPFOએ તેના પોર્ટલ પર ઘણી સુવિધા શરૂ કરી, પેન્શન સંબંધિત માહિતી માટે ઓફિસના ધક્કા નહીં ખાવા પડે.

Published By : B.K.NEWS DAINIK
Published Date : 2021-03-26 17:02:59
Views : 495
Modified Date : 2021-03-26 17:02:59

રિટાયરમેન્ટ બાદ કર્મચારીઓને પેન્શન સંબંધિત નાની નાની જાણકારીઓ માટે ઓફિસના ધક્કા ખાવા પડે છે. આ સમસ્યાનો અંત લાવવા માટે કર્મચારી ભવિષ્ય નિધિ સંગઠને લાખો પેન્શનર્સને મોટી રાહત આપી છે. EPFOએ તેમના પોર્ટલ પર પેન્શનર્સ માટે ઘણી સુવિધાઓ આપી છે. જ્યાં પેન્શનર્સને પેન્શન સંબંધિત સવાલોના જવાબ મળી જશે.પેન્શનર્સને દર વર્ષે PF ઓફિસમાં લાઇફ સર્ટિફિકેટ (જીવન પ્રમાણપત્ર) જમા કરાવવાનું હોય છે. જેના કારણે તેમને ઓફિસના ધક્કા ખાવા પડે છે. પરંતુ હવે લાઇફ સર્ટિફિકેટ સંબંધિત દરેક જાણકારી પોર્ટલ પર જ ઉપલબ્ધ હશે.

PPO નંબરની મદદથી જ રિટાયરમેન્ટ બાદ પેન્શનર્સને પેન્શન મળે છે. આ એક 12 ડિજિટનો રેફરન્સ નંબર હોય છે. જે સેન્ટ્રલ પેન્શન અકાઉન્ટિંગ ઓફિસને કમ્યુનિકેશન કરવા માટે હોય છે. PPO નંબર પેન્શનરની પાસબુકમાં રજિસ્ટર થયેલો હોવો જોઈએ. બેંકની કોઈ એક બ્રાંચમાંથી બીજી બ્રાંચમાં પેન્શન અકાઉન્ટ ટ્રાન્સફર કરવા પર PPO નંબર જરૂરી હોય છે. હવે કર્મચારી પોર્ટલથી જાણકારી પ્રાપ્ત કરી શકશે. આ ઓપ્શન પર ક્લિક કર્યા બાદ PF નંબર અથવા રજિસ્ટર્ડ બેંક અકાઉન્ટ નંબર સબમિટ કરવો પડશે. ત્યારબાદ PPO નંબર જોવા મળશે.કર્મચારી પોતાના PPO સંબંધિત જાણકારી પણ અહીંથી જ પ્રાપ્ત કરી શકશે. સાથે જ ચૂકવણી સાથે જોડાયેલી જાણકારી પણ અહીં મળી જશે.

તેની મદદથી કર્મચારી પોતાના પેન્શનની વર્તમાન સ્થિતિને સરળતાથી જાણી શકશે. તેના માટે તેમને ઓફિસના ધક્કા નહીં ખાવા પડે.પેન્શનર્સ આ લિંકને https://mis.epfindia.gov.in/PensionPaymentEnquiry/ઓપન કરીને પોર્ટલ પર લાઇફ સર્ટિફિકેટ, પેમેન્ટ સંબંધિત જાણકારી અને તેમની પેન્શનની સ્થિતિ વિશેની જાણકારી મેળવી શકે છે.