સ્ટાફ સિલેક્શન કમિશને જુનિયર એન્જિનિયર પરીક્ષાની આન્સર કી બહાર પાડી, ઉમેદવારો 31 ડિસેમ્બર સુધી ઓબ્જેક્શન ફાઇલ કરાવી શકશે.

Published By : B.K.NEWS DAINIK
Published Date : 2020-12-28 12:02:18
Views : 261
Modified Date : 2020-12-28 12:02:18

સ્ટાફ સિલેક્શન કમિશન (SSC)એ SSC જુનિયર એન્જિનિયર (સિવિલ, મિકેનિકલ, ઇલેક્ટ્રિકલ અને ક્વોન્ટિટી સર્વેઇંગ અને કોન્ટ્રાક્ટ) પેપર-1 2019ની આન્સર કી જાહેર કરી દીધી છે. SSC JE ભરતી પરીક્ષા પેપર-1 2019માં સામેલ થયેલા ઉમેદવારો આયોગની ઓફિશિયલ વેબસાઇટ પરથી આન્સર કી ડાઉનલોડ કરી શકે છે.આયોગે જાહેર કરેલા નોટિફિકેશન મુજબ, ઉમેદવારો જે આન્સરથી સંતુષ્ટ ન હોય તેઓ 31 ડિસેમ્બર 2020 સુધીમાં તેની સામે પોતાનું ઓબ્જેક્શન મોકલી શકે છે. ઓબ્જેક્શન ફક્ત ઓનલાઇન સ્વીકારવામાં આવશે. આ માટે ઉમેદવારોએ પ્રશ્ન-જવાબ દીઠ 100 રૂપિયા ઓનલાઇન ફી સબમિટ કરવાની રહેશે. 31 ડિસેમ્બરે સાંજે 6.00 વાગ્યા પછી અથવા કોઈપણ અન્ય મોડ દ્વારા મોકલવામાં આવેલું ઓબ્જેક્શન સ્વીકારવામાં આવશે નહીં.

27થી 31 ઓક્ટોબર 2020 દરમિયાન દેશના વિવિધ પરીક્ષા કેન્દ્રો પર SSC JE પેપર-1 લેવામાં આવ્યું હતું. આન્સર કી જાહેર થયા બાદ હવે પરીક્ષાનું પરિણામ જાહેર કરવામાં આવશે. જે ઉમેદવારો પેપર-1 પરીક્ષામાં સફળ થશએ તેમને પેપર-2 પરીક્ષામાં સામેલ કરવામાં આવશે. પેપર-1 એક કમ્પ્યૂટર બેઝ્ડ એક્ઝામ હોય છે, જ્યારે પેપર-2 ડિસ્ક્રિપ્ટિવ ટાઇપ હશે.પરીક્ષા દ્વારા જુનિયર એન્જિનિયર-સિવિલ એન્જિનિયર, મિકેનિકલ એન્જિનિયર, ઇલેક્ટ્રિકલ એન્જિનિયર, ક્વોલિટી સર્વેઇંગ એન્જ કોન્ટ્રાક્ટના 887 જગ્યાઓ પર ભરતી થવાની છે. SSC જુનિયર એન્જિનિયર (સિવિલ ઇજનેર, મિકેનિકલ એન્જિનિયર, ઇલેક્ટ્રિકલ એન્જિનિયર, ક્વોલિટી સર્વેઇંગ અને કોન્ટ્રાક્ટ) પરીક્ષા 2019 માટે ઓનલાઇન એપ્લિકેશન પ્રોસેસ 13 ઓગસ્ટ 2019થી શરૂ થઈ હતી, જે 12 સપ્ટેમ્બર 2019 સુધી ચાલુ રાખવામાં આવી હતી.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links