ત્રીજા તબક્કાની ભરતી પરીક્ષા માટે શિડ્યુઅલ જાહેર, 31 જાન્યુઆરીથી 21 ફેબ્રુઆરી સુધી 28 લાખ ઉમેદવારો માટે પરીક્ષા લેવામાં આવશે.

Published By : B.K.NEWS DAINIK
Published Date : 2021-01-21 12:29:18
Views : 286
Modified Date : 2021-01-21 12:29:18

રેલવે રિક્રુટમેન્ટ બોર્ડ (RRB)એ NTPC ભરતી પરીક્ષાના ત્રીજા તબક્કાની ઓનલાઈન પરીક્ષા માટે એક્ઝામ શિડ્યુઅલ જારી કર્યું છે. બોર્ડની તરફથી જારી નોટિફિકેશનના અનુસાર, ત્રીજા તબક્કાની એક્ઝામ 31 જાન્યુઆરીથી શરૂ થશે, જે 12 ફેબ્રુઆરી સુધી ચાલશે. ત્રીજા તબક્કાની પરીક્ષામાં લગભગ 28 લાખ ઉમેદવારો સામેલ થશે. અગાઉ બીજા તબક્કાની એક્ઝામ 16 જાન્યુઆરીથી શરૂ થઈ ગઈ છે, જે 30 જાન્યુઆરી સુધી ચાલુ રહેશે.

ત્રીજા તબક્કાની પરીક્ષા માટે એક્ઝામ સિટી અને ડેટ ચેક કરવાની લિંક 21 જાન્યુઆરી 2021થી ઓફિશિયલ વેબસાઈટ http://www.rrbcdg.gov.in/અને રેલવેની રિઝનલ વેબસાઈટ પર એક્ટિવ થઈ જશે. ઉમેદવારોને તેમના મોબાઈલ નંબર અને ઈ-મેલ આઈડી પર જાણકારી આપવામાં આવશે. જે ઉમેદવારોના મોબાઈલ પર મેસેજ નહીં આવે, તેમની એક્ઝામ આગામી તબક્કામાં લેવામાં આવશે, જેની તારીખો ફેબ્રુઆરીમાં જાહેર કરવામાં આવશે.

પરીક્ષા માટે એડમિટ કાર્ડ પરીક્ષાના 4 દિવસ પહેલાં જારી થશે. એટલે કે તમામ રિઝનલ વેબસાઈટ પર એડમિટ કાર્ડ ડાઉનલોડ કરવાની લિંક 27 જાન્યુઆરીથી એક્ટિવ થશે. કોઈપણ પ્રકારની સમસ્યા થવા પર વિદ્યાર્થીઓ જારી કરવામાં આવેલા હેલ્પલાઈન નંબર પર સંપર્ક કરી શકે છે. તે ઉપરાંત બોર્ડે વિદ્યાર્થીઓને સલાહ આપી છે કે તેઓ કોઈપણ અન્ય સોર્સ પાસેથી મળતી જાણકારીથી ગેરમાર્ગે ન દોરાય અને માત્ર ઓફિશિયલ વેબસાઈટ પર જારી સૂચના પર જ વિશ્વાસ કરે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links