સેમસંગે ‘ગેલેક્સી A31’ સ્માર્ટફોનની કિંમતમાં 2000 રૂપિયાનો ઘટાડો કર્યો, ફોનની નવી કિંમત ₹ 17,999

Published By : B.K.NEWS DAINIK
Published Date : 2020-12-30 13:54:03
Views : 306
Modified Date : 2020-12-30 13:54:03

ભારતમાં સેમસંગ ગેલેક્સી A31ની કિંમતમાં એકવાર ફરીથી ઘટાડો થયો છે. આ સ્માર્ટફોન એકમાત્ર 6 GB રેમ અને 128 GB સ્ટોરેજ વેરિઅન્ટમાં આવે છે અને તેને આ વર્ષે જૂન મહિનામાં 21,999 રૂપિયાના પ્રાઈઝ ટેગ સાથે લોન્ચ કર્યો હતો. ત્યારથી આ ફોનની કિંમતમાં ઘણીવાર ઘટાડો થઈ ચૂક્યો છે. છેલ્લા ઘટાડા પછી તેની કિંમત 19,999 રૂપિયા હતી.હવે સેમસંગે ગેલેક્સી A31ની કિંમતમાં ફરીથી ઘટાડો કર્યાની જાહેરાત કરી છે. ગ્રાહકો હવે આ ફોનને 17,999 રૂપિયામાં ખરીદી શકશે. તેમાં 48MPના પ્રાઈમરી રિઅર કેમેરા સાથેનું 4 રિઅર કેમેરા સેટઅપ મળે છે. ફોનમાં એન્ડ્રોઈડ 10 ઓપરેટિંગ સિસ્ટમ અને મીડિયાટેક પ્રોસેસર આપવામાં આવ્યું છે. ફોનમાં બેટરી 5000 mAhની છે.

કંપનીએ જાહેરાત કરી છે કે સેમસંગ ગેલેક્સી A31ના એકમાત્ર 6GB+128GB સ્ટોરેજ મોડલની કિંમત ઘટીને 17,999 રૂપિયા થઈ ગઈ છે. ફોન 2000 રૂપિયા સસ્તો થયો. આ ફોન પ્રિઝ્મ ક્રશ બ્લેક, પ્રિઝ્મ ક્રશ બ્લૂ અને પ્રિઝ્મ વ્હાઈટ કલર ઓપ્શનમાં અવેલેબલ છે.નવી કિંમત સાથે આ ફોન એમેઝોન પર વેચાણ માટે અવેલેબલ છે. એમેઝોન ફ્રી ડિલિવરીની સુવિધા પણ ઓફર કરી રહ્યું છે. રિટેલ સ્ટોર, સેમસંગ ઓપેરા હાઉસ, સેમસંગ ડોટ કૉમ અને અન્ય ઓનલાઈન પોર્ટલ્સ પર નવી કિંમતે ફોન ખરીદી શકાશે.

આ ફોન ડ્યુઅલ નેનો સિમ સપોર્ટ કરે છે.સિક્યોરિટી માટે ફોનમાં ઈન ડિસ્પ્લે ફિંગર પ્રિન્ટ સેન્સર આપવામાં આવ્યું છે.કનેક્ટિવિટી માટે ફોનમાં 4G LTE, WCDMA, GSM, 4G, 3G, 2G, વાઈફાઈ, બ્લુટૂથ 5.0, USB પોર્ટ અને 3.5mmનો ઓડિયોજેક મળશે.ફોનમાં ઈન બિલ્ટ સેમસંગ પે, સેમસંગ હેલ્થ અને સેમસંગ Knoxની સુવિધા મળશે

ડિસ્પ્લે સાઈઝ	6.4 ઈંચ
ડિસ્પ્લે ટાઈપ	ફુલ HD+ sAMOLED ઈનફિનિટી-U
OS	એન્ડ્રોઈડ 10 વિથ One UI
પ્રોસેસર	ઓક્ટા કોર મીડિયાટેક હીલિયો P65
રિઅર કેમેરા	48MP + 8MP + 5MP + 5MP
ફ્રન્ટ કેમેરા	20MP
રેમ	6GB
સ્ટોરેજ	128GB એક્સપાન્ડેબલ 512GB
બેટરી	5000mAh વિથ 15 વૉટ ફાસ્ટ ચાર્જિંગ
વજન	185 ગ્રામ