મ્યુચ્યુઅલ ફંડના ELSSએ 1 વર્ષમાં 60% સુધીનું રિટર્ન આપ્યું, 500 રૂપિયા ભરીને રોકાણની શરૂઆત કરી શકાશે.

Published By : B.K.NEWS DAINIK
Published Date : 2021-01-11 12:14:53
Views : 295
Modified Date : 2021-01-11 12:14:53

જો તમે હજી સુધી નાણાકીય વર્ષ 2020-21 માટે ટેક્સ સેવિંગ ઇન્વેસ્ટમેન્ટ શરૂ નથી કર્યું ચો ટૂંક સમયમાં જ યોગ્ય જગ્યાએ ઇન્વેસ્ટમેન્ટ ચાલુ કરી દો. ટેક્સ બચાવવા અને સારું રિટર્ન મેળવવા તમે ટેક્સ સેવિંગ મ્યુચ્યુઅલ ફંડમાં રોકાણ કરી શકો છો. આ સ્કીમ મ્યુચ્યુઅલ ફંડની જ એક કેટેગરીની છે. આને ઇક્વિટી લિંક્ડ સેવિંગ સ્કીમ એટલે કે ELSS પણ કહેવામાં આવે છે. મ્યુચ્યુઅલ ફંડની આ સ્કીમમાં રોકાણ કરવા પર ઇનક્મ ટેક્સ એક્ટ 80C હેઠળ 1.5 લાખ રૂપિયા સુધીના રોકાણ પર ટેક્સ છૂટનો લાભ ઉઠાવી શકાય છે.

ELSSમાં 3 વર્ષનો લોક-ઇન પિરિઅડ હોય છે. એટલે કે તમે તેમાં જે પૈસાનું રોકાણ કરો તે 3 વર્ષ પછી જ ઉપાડી શકાય છે. આ એ સ્કીમનું બહુ સારું ફીચર છે. આ સરકાર દ્વારા ચલાવવામાં આવતી અન્ય સ્કીમ્સના લોક-ઇન પિરિઅડ કરતાં બહુ ઓછો છે. PPFમાં 15 વર્ષનો લોક-ઇન પિરિઅડ હોય છે. ELSSના રોકાણકારોને એ સુવિધા મળે છે કે તેઓ 3 વર્ષ પૂરાં થયા પછી પણ તેમાં રોકાણ કરવાનું ચાલુ રાખી શકાય છે અને જ્યારે જરૂર પડે ત્યારે પૈસા ઉપાડી શકાય છે. આવો ઓપ્શન અન્ય સ્કીમ્સમાં નથી મળતો.

ELSSમાં સિસ્ટેમેટિક ઇન્વેસ્ટમેન્ટ પ્લાન (SIP) દ્વારા 500 રૂપિયાથી પણ રોકાણ કરી શકાય છે. આમાં રોકાણની કોઈ મહત્તમ મર્યાદા નથી. આ ફંડમાં રોકાણકારોને બે પ્રકારના ઓપ્શન મળે છે. તેમાં પહેલો ગ્રોથ અને બીજો ડિવિન્ડ પે આઉટ છે. ગ્રોથ ઓપ્શનમાં પૈસા સતત સ્કીમમાં રહે છે, જ્યારે ડિવિડન્ડ ઓપ્શનમાં કંપનીઓ સમયાંતરે લાભ મળતો રહે છે. ડિવિડન્ડ વિકલ્પવાળી સ્કીમમાં વર્ષમાં એકવાર ડિવિડન્ડ મેળવી શકાય છે. જો કે, કેટલીક સ્કીમ્સમાં વર્ષમાં એક કરતાં વધુ વખત ડિવિડન્ડ મળ્યું છે.

એક નાણાકીય વર્ષમાં તમે 1.5 લાખ રૂપિયા સુધીના રોકાણ પર ઇન્કમ ટેક્સ એક્ટ સેક્શન 80C હેઠળ ટેક્સ છૂટ મેળવી શકો છો. આ સિવાય ELSSમાં રોકાણ પર થતો લાભ અને રિડમ્પશન (રોકાણ યૂનિટને વેચવું)થી મળતી રકમ પણ સંપૂર્ણ ટેક્સ ફ્રી હોય છે.