ડ્યુઅલ રિયર કેમેરા સાથે લોન્ચ થયો ‘આઈટેલ A47’ બજેટ સ્માર્ટફોન, જાણો ફીચર્સ અને સ્પેસિફિકેશન.

Published By : B.K.NEWS DAINIK
Published Date : 2021-02-02 12:57:22
Views : 277
Modified Date : 2021-02-02 12:57:22

આઈટેલે તેનો બજેટ સ્માર્ટફોન ‘આઈટેલ A47’ લોન્ચ કર્યો છે. ડ્યુઅલ સિક્યોરિટી ફીચરથી સજ્જ આ ફોનમાં 5.5 ઈંચની HD+ ફુલ સ્ક્રીન ડિસ્પ્લે મળે છે. કંપનીએ ફોનનાં કોસ્મિક પર્પલ અને આઈસ લેક બ્લૂ કલર વેરિઅન્ટ લોન્ચ કર્યાં છે. ફોનની કિંમત 6000 રૂપિયા કરતાં પણ ઓછી છે.

આ બજેટ સ્માર્ટફોનની ખરીદી એમેઝોન પરથી 5 ફેબ્રુઆરીથી બપોરે 12 વાગ્યાથી કરી શકાશે. ફોનની ખરીદી EMIથી પણ કરી શકાશે. તેનાં 2GB+32GB સિંગલ વેરિઅન્ટની કિંમત 5,499 રૂપિયા છે.સિક્યોરિટી માટે તેમાં ડ્યુઅલ ફીચર મળે છે. તે ફેસ અનલોક અને મલ્ટિ ફંક્શનલ ફિંગર પ્રિન્ટ સેન્સર સપોર્ટ કરે છે.આ બજેટ સ્માર્ટફોન એન્ડ્રોઈડ 9 પાઈ (ગો એડિશન) પર રન કરે છે.તેમાં 2.5D ગ્લાસ ધરાવતી 5.5 ઈંચની HD+ ફુલ સ્ક્રીન ડિસ્પ્લે છે. સ્ક્રીનનો આસ્પેક્ટ રેશિયો 18:9 છે.ફોન 1.4GHz ક્વૉડ કોર પ્રોસેસરથી સજ્જ છે.આઈટેલના આ ફોનમાં 5MP+ AI લેન્સનું ડ્યુઅલ રિયર કેમેરા સેટઅપ મળે છે. તે પોટ્રેટ મોડ, બ્યુટી મોડ અને સ્માર્ટ રેકગ્નિશન જેવાં ફીચર સપોર્ટ કરે છે. સેલ્ફી અને વીડિયો કોલિંગ માટે તેમાં 5MPનો ફ્રન્ટ કેમેરા છે.ફોન 3020mAhની બેટરી ધરાવે છે. કનેક્ટિવિટી માટે તે 4G VoLTE, વાઈફાઈ, બ્લુટૂથ 4.2, માઈક્રો USB પોર્ટ અને 3.5mmનો ઓડિયો જેક સહિતના ઓપ્શન સપોર્ટ કરે છે.