હોટેલ્સનાં ખોટાં રેન્કિંગ દર્શાવવા માટે ગૂગલને 9.5 કરોડનો દંડ, 2019થી તપાસ ચાલી રહી હતી.

Published By : B.K.NEWS DAINIK
Published Date : 2021-02-16 14:33:37
Views : 254
Modified Date : 2021-02-16 14:33:37

સર્ચ એન્જિન ગૂગલ પર 1.3 મિલિયન ડોલર (આશરે 9.5 કરોડ રૂપિયાનો) દંડ ફટકારાયો છે. આ દંડ ફ્રેન્ચ ઓથોરિટીના ફ્રાન્સની હોટેલ્સનાં ખોટાં રેન્કિંગ બતાડવા માટે લાગ્યો છે. આ પહેલાં, ગૂગલે હોટેલ્સને એકથી પાંચ સ્ટાર રેન્કિંગ આપવા માટે ઓફિશિયલ સોર્સ અટાઉટ ફ્રાન્સ અને હોટેલ ઈન્ડસ્ટ્રીની વેબસાઈટનો ઉપયોગ કરવામાં આવ્યો હતો.હોટેલ્સ ઓનર્સે ગૂગલ રેન્કિંગ માટે ફ્રાન્સની સરકારને ફરિયાદ કરી હતી. ત્યારબાદ ફ્રોડ અને કમ્પિટિશન માટે સરકારની એજન્સીએ 2019 અને 2020માં તપાસ શરૂ કરી હતી. એજન્સીનો હેતુ પ્લેટફોર્મ દ્વારા 7500 સંસ્થાની ઉપલબ્ધ માહિતીની દેખરેખ રાખવાનું હતું.

ગૂગલે કહ્યું કે તેણે ગૂગલ મેપ્સ અને સર્ચ પર હોટેલ્સના ઓફિશિયલ ફ્રાન્સિસી સ્ટાર રેન્ક દર્શાવવા માટે આવશ્યક ફેરફાર કર્યા છે.ડિસેમ્બર 2019માં ગૂગલ પર 16.7 કરોડ ડોલર (આશરે 1214 કરોડ રૂપિયા)ની પેનલ્ટી લાગી છે. આ પેનલ્ટી ફ્રાન્સના પ્રતિસ્પર્ધા પ્રાધિકરણે ઓનલાઈન જાહેરાત માર્કેટમાં પોતાનાં વર્ચસ્વનો ખોટો ઉપયોગ કરવા માટે કરી હતી.ગત વર્ષે ડિસેમ્બરમાં ફ્રાન્સની ડેટા પ્રાઈવસી ઓર્ગેનાઈઝેશને ગૂગલ અને એમેઝોન પર કુલ 16.3 કરોડ ડોલર (આશરે 1185 કરોડ રૂપિયા)નો દંડ ફટકાર્યો હતો. ત્યારે ગૂગલ પર જાહેરાતની કુકીઝ પર દેશના નિયમો તોડવાનો આરોપ લાગ્યો હતો.