હોન્ડાની હાઇનેસ CB350 બાઇકનો ફર્સ્ટ લુક રિલીઝ થયો, કિંમત ₹2 લાખની આસપાસ રહેવાની શક્યતા.

Published By : B.K.NEWS DAINIK
Published Date : 2021-02-01 12:37:51
Views : 249
Modified Date : 2021-02-01 12:37:51

થોડા સમય પહેલાં જાણવા મળ્યું હતું કે હોન્ડા તેની હાઇનેસ CB350 પ્લેટફોર્મ પર ઘણી નવી બાઇક્સ લોન્ચ કરવાની તૈયારી કરી રહી છે. હવે કંપનીએ આ નવી બાઇકનું ટીઝર ઓફિશિયલી રિલીઝ કરી દીધું છે. આ ટીઝરને કંપનીએ "Powered By Legacy Here To Create"ની ટેગલાઇન સાથે બહાર પાડ્યું છે.ટીઝરથી સ્પષ્ટ થઈ ગયું છે કે કંપની આ બાઇક 16 ફેબ્રુઆરી 2021ના રોજ લોન્ચ કરશે. જો કે, કંપનીએ સ્પષ્ટ રીતે એ નથી જણાવ્યું કે કઈ બાઇક લોન્ચ કરવામાં આવશે. પરંતુ અપેક્ષા રાખવામાં આવી રહી છે કે આ બાઇક હોન્ડા CB350 પર આધારિત કાફે રેસર બાઇક હોઈ શકે છે.

કંપની આ બાઇકને 350cc એન્જિન સાથે લોન્ચ કરશે. જેનો ઉપયોગ હોન્ડા હાઇનેસમાં પણ કરવામાં આવ્યો છે, જે 21bhp પાવર અને 30Nm ટોર્ક જનરેટ કરે છે. આ બાઇક 5 સ્પીડ ગિયર બોક્સ સાથે આવશે.

હોન્ડાની આ નવી બાઇકની કિંમત હજી બહાર આવી નથી. પરંતુ આ બાઇકની કિંમત 2 લાખ રૂપિયાથી ઓછી હોઈ શકે છે. કંપનીએ હાઇનેસને પણ આ જ પ્રાઇસ રેન્જમાં લોન્ચ કરી હતી.હોન્ડાની આ બાઇક અનેક મોડર્ન ફીચર્સથી સજ્જ છે. બાઇકમાં LED હેડલાઇટ્સ આપવામાં આવી છે. આ ઉપરાંત, બાઇકમાં સ્માર્ટ વોઇસ કંટ્રોલ, સિલેક્ટેબલ ટોર્ક કંટ્રોલ જેવાં ફીચર્સ આપવામાં આવ્યાં છે. આ બાઇક DLX અને DLX પ્રો વેરિઅન્ટમાં ઉપલબ્ધ હશે. બાઇકના તમામ પ્રકારના ટેરેન્સને ધ્યાનમાં રાખીને હેન્ડલિંગની ડિઝાઇન કરવામાં આવી છે. રાઇડર અપપાઇટ બોડી પોઝિશનમાં પણ સરળતાથી હેન્ડલ રીચ કરી શકે છે.