બોલ ગ્લવ્સને અડ્યો હોવા છતાં સ્મિથે કેચ માટે રિવ્યૂ કેમ લીધો? જાણો આ તર્ક પાછળનો ક્રિકેટનો નિયમ.

Published By : B.K.NEWS DAINIK
Published Date : 2021-01-18 12:25:36
Views : 462
Modified Date : 2021-01-18 12:25:36

સ્ટીવ સ્મિથે ભારત સામે બ્રિસ્બેન ટેસ્ટની ત્રીજી ઇનિંગ્સમાં કરિયરની 31મી ફિફટી મારીને ઓસ્ટ્રેલિયાને મજબૂત સ્થિતિમાં રાખી દીધું છે. તેણે 74 બોલમાં 55 રન કરીને કાંગારૂની લીડ સરળતાથી 225 રનને પાર કરાવી દીધી હતી અને ત્યાંથી યજમાન ભારતને મિનિમમ 300 આસપાસનો ટાર્ગેટ આપશે એવું સ્ટેજ સેટ કરી દીધું હતું.જોકે સ્મિથ સિરાજની બોલિંગમાં કેચ આઉટ થયો, ત્યારે તેણે રિવ્યૂ લીધો હતો, ખાસ કરીને જ્યારે બોલ તેના ગ્લવ્સને વાગ્યો હતો એવી પ્રતિક્રિયા આપ્યા બાદ તેણે DRS લેતાં ફેન્સ આશ્ચર્યમાં મુકાયા હતા. ચાલો, જાણીએ કે સ્મિથે આવું કેમ કર્યું?

મોહમ્મદ સિરાજનો બોલ સ્મિથના ધાર્યા કરતાં વધુ ઊછળ્યો હતો અને સ્મિથના ગ્લવ્સને કિસ કરીને સીધો ગલીમાં રહાણેના હાથમાં ગયો હતો. ભારતીય કપ્તાને ક્લીન કેચ કર્યો હતો. તો પછી સ્મિથે રિવ્યૂ કેમ લીધો?

આ નિયમ અનુસાર બેટ્સમેને બેટ હાથમાં પકડ્યું હોય અને બોલ ત્યારે તેના ગ્લવ્સને અડે તો જ તે આઉટ ગણાય. ઉદાહરણ રૂપે, જો બોલ સ્મિથના જમણા ગ્લવને અડ્યો અને ત્યારે તેણે એક હાથથી બેટ છોડી દીધું, માત્ર ડાબા હાથે બેટ પકડેલું અને જમણા હાથના ગ્લવ્સમાં બોલ વાગ્યો તો તે આઉટ ન ગણાય.સ્મિથને પણ લાગ્યું કે જ્યારે બોલ તેના ગ્લવ્સને અડ્યો ત્યારે એ હાથ બેટના સંપર્કમાં નહોતો, તેથી તેણે રિવ્યૂ લીધો. જોકે રિપ્લેમાં સ્પષ્ટ હતું કે ત્યારે ગ્લવ્સ અને બેટ ટચમાં હતા, તેથી તેણે પેવેલિયન ભેગું થવું પડ્યું હતું.