વિરાટ કોહલી 936 પોઇન્ટ સાથે બીજા સ્થાને, ઓસ્ટ્રેલિયાના સ્ટીવ સ્મિથથી 1 પોઇન્ટ દૂર

Published By : B.K.NEWS DAINIK
Published Date : 2019-10-14 17:24:39
Views : 454
Modified Date : 2019-10-14 17:24:39

ભારતીય કપ્તાન વિરાટ કોહલી આઈસીસી ટેસ્ટ રેન્કિંગમાં 936 પોઈન્ટ્સ સાથે બીજા સ્થાને છે. તે વર્લ્ડ નંબર 1 બેટ્સમેન ઓસ્ટ્રેલિયાના સ્ટીવ સ્મિથ કરતાં માત્ર 1 પોઇન્ટ પાછળ છે. સ્મિથના 937 પોઈન્ટ્સ છે. દ. આફ્રિકા સામેની સીરિઝ પહેલા સ્મિથ અને કોહલી વચ્ચેનું અંતર 34 પોઇન્ટનું હતું. પુણેમાં અણનમ 254 રનની ઇનિંગ્સ રમ્યા પછી કોહલીને પોઈન્ટ્સમાં સારો ફાયદો થયો છે. ત્રીજી ટેસ્ટમાં રાંચી ખાતે સારું પ્રદર્શન તેને વર્લ્ડ નંબર 1 બેટ્સમેન બનાવી શકે છે.જાડેજા વર્લ્ડ નંબર 2 ઓલરાઉન્ડર, બોલર્સ રેન્કિંગમાં ટોપ-10ની બહાર થયો.કોહલી સિવાય બેટ્સમેન રેન્કિંગમાં ચેતેશ્વર પુજારા અને અજિંક્ય રહાણે ટોપ-10માં છે. પુજારા 817 પોઈન્ટ્સ સાથે ચોથા સ્થાને છે, જ્યારે રહાણે 721 પોઈન્ટ્સ સાથે નવમા સ્થાને છે. બોલર્સ રેન્કિંગમાં જસપ્રીત બુમરાહ 818 પોઈન્ટ્સ સાથે ત્રીજા સ્થાને યથાવત છે. તેના સિવાય રવિચંદ્રન અશ્વિન 792 પોઈન્ટ્સ સાથે સાતમા સ્થાને છે. રવિન્દ્ર જાડેજાને નુકસાન થયું છે. તે 753 પોઈન્ટ્સ સાથે 14મા સ્થાને છે. જોકે તે ઓલરાઉન્ડર રેન્કિંગમાં બીજા સ્થાને છે. અશ્વિનને ઓલરાઉન્ડર રેન્કિંગમાં પણ ફાયદો થયો હોવાથી તે દ. આફ્રિકાના વર્નોન ફિલેન્ડરને પાછળ છોડીને પાંચમા સ્થાને આવી ગયો છે.ટેસ્ટમાં ટોપ-5 બેટ્સમેન:

ક્રમ	ખેલાડી	દેશ	પોઈન્ટ્સ
1	સ્ટીવ સ્મિથ	ઓસ્ટ્રેલિયા	937
2	વિરાટ કોહલી	ભારત	936
3	કેન વિલિયમ્સન	ન્યૂઝીલેન્ડ	878
4	ચેતેશ્વર પુજારા	ભારત	817
5	હેનરી નિકોલસ	ન્યૂઝીલેન્ડ	749

ટોપ-5 બોલર્સ:

ક્રમ	ખેલાડી	દેશ	પોઈન્ટ્સ
1	પેટ કમિન્સ	ઓસ્ટ્રેલિયા	908
2	કગીસો રબાડા	દક્ષિણ આફ્રિકા	835
3	જસપ્રીત બુમરાહ	ભારત	818
4	જેસન હોલ્ડર	વેસ્ટ ઇન્ડિઝ	814
5	જેમ્સ એન્ડરસન	ઇંગ્લેન્ડ	798

ટોપ-5 ઓલરાઉન્ડર્સ:

ક્રમ	ખેલાડી	દેશ	પોઈન્ટ્સ
1	જેસન હોલ્ડર	વેસ્ટ ઇન્ડિઝ	472
2	રવિન્દ્ર જાડેજા	ભારત	414
3	શાકિબ અલ હસન	બાંગ્લાદેશ	397
4	બેન સ્ટોક્સ	ઇંગ્લેન્ડ	387
5	રવિચંદ્રન અશ્વિન	ભારત	328