સ્ટોર માલિકે કહ્યું- બંનેએ નિયમોનું પાલન કર્યું, ઓસ્ટ્રેલિયન મીડિયાનો રિપોર્ટ શરમજનક.

Published By : B.K.NEWS DAINIK
Published Date : 2021-01-06 11:42:40
Views : 436
Modified Date : 2021-01-06 11:42:40

ઓસ્ટ્રેલિયામાં ભારતીય ટીમના ઓપનર રોહિત શર્મા, ઋષભ પંત, શુભમન ગિલ, પૃથ્વી શો અને નવદીપ સૈની તેમ જ વિરાટ કોહલી અને હાર્દિક પંડ્યા પર પણ કોરોના પ્રોટોકોલ તોડવાનો આરોપ લાગ્યો છે. ઓસ્ટ્રેલિયન મીડિયાએ એક ફોટો શેર કર્યો હતો જેમાં દાવો કરવામાં આવ્યો હતો કે કોહલી અને પંડ્યા વનડે સીરિઝ દરમિયાન એક દુકાનની મુલાકાતે આવ્યા હતા. ફોટો સિડનીના બેબી વિલેજમાં આવેલા બેબી સ્ટોરનો હતો.હવે બેબી સ્ટોરના માલિકે ઓસ્ટ્રેલિયન મીડિયા પર ફેક ન્યૂઝ ફેલાવવાનો આરોપ લગાવ્યો છે. બેબી વિલેજના માલિક નાથન પોંગ્રાસે કહ્યું કે ઓસ્ટ્રેલિયન મીડિયાનો રિપોર્ટ શરમજનક છે. તેમણે કહ્યું કે કોહલી અને પંડ્યાએ કોઈપણ પ્રોટોકોલનું ઉલ્લંઘન કર્યું નથી. આ ફોટાના સમયે (7 ડિસેમ્બર) ન્યૂ સાઉથ વેલ્સમાં કોઈ પ્રતિબંધ નહોતો. નાથેને કહ્યું, 'કોહલી અને પંડ્યા સ્ટોર પર આવ્યા અને થોડો સમય વિતાવ્યો.તે સમયે ન્યૂ સાઉથ વેલ્સમાં કોઈ સમસ્યા નહોતી. અમે તેમને ભેટ આપવા માંગતા હતા, પરંતુ તેઓ સહમત ન થયા અને કહ્યું કે તેઓ તમામ સામાન માટે પે કરશે.તેઓએ અમારી સાથે ખૂબ સારો વ્યવહાર કર્યો. તેમણે અમારા સ્ટાફ સાથે પણ વાત કરી. બંને ખૂબ સારા છે. '

નાથેને કહ્યું, 'કોહલી અને પંડ્યાએ અમારા કર્મચારીઓ સાથે ફોટા પણ લીધા હતા.અમે તેને સોશિયલ મીડિયા પર શેર કર્યો છે જેથી અમે ગર્વથી કહી શકીએ કે તેમણે ખરીદી માટે અમારો સ્ટોર પસંદ કર્યો છે.અમારા સ્ટાફને તેમને સ્પર્શ કરવાની અથવા હાથ મિલાવવાની મંજૂરી નહોતી, જ્યારે સિડનીમાં તે દિવસોમાં આવો કોઈ પ્રતિબંધો નહોતો.'નાથેને કહ્યું, આ દરમિયાન બંને ખેલાડીઓએ માસ્ક પણ પહેર્યા નહોતા. મેં અગાઉ કહ્યું તેમ, તે સમયે સિડનીમાં કોઈ કોરોના કેસ નહોતો.સિડનીમાં, તે દિવસોમાં 50માંથી 1 વ્યક્તિ માસ્ક પહેરતો હતો. મેં ફક્ત વૃદ્ધોને માસ્ક પહેરેલા જોયા. મેં સગર્ભા સ્ત્રીઓને પણ માસ્ક પહેરેલી જોઇ નથી.નાથેને કહ્યું કે તેણે અને સ્ટોર સ્ટાફે કોહલી અને પંડ્યા સાથે સારો સમય પસાર કર્યો. તેમણે કહ્યું કે આ અંગે ઓસ્ટ્રેલિયન મીડિયામાં જે બન્યું તે ખૂબ શરમજનક છે.ઓસ્ટ્રેલિયન મીડિયા રિપોર્ટ્સ અનુસાર, 3 જાન્યુઆરીથી ન્યૂ સાઉથ વેલ્સમાં ગેમિંગ રૂમ, હેર સલુન્સ અને શોપ જેવા ઇન્ડોર વેન્યુમાં માસ્ક ફરજિયાત છે. જ્યારે ત્યાં ડિસેમ્બરના મધ્યભાગથી કોરોના કેસ વધી રહ્યા હતા.

2 જાન્યુઆરીએ, સિડની મોર્નિંગ હેરાલ્ડે કોહલી અને પંડ્યા પર તેમના ફોટો વાયરલ થયા પછી બાયો-બબલના ઉલ્લંઘનનો આરોપ લગાવ્યો હતો.તે એકદમ આશ્ચર્યજનક છે કે 20 દિવસ પછી ઓસ્ટ્રેલિયન મીડિયાએ તેની આંખો ખોલી.પંડ્યા અને કોહલી 20 દિવસ પહેલા ભારત પરત ફર્યા છે. આ પછી તેણે રોહિત સહિત 5 ભારતીય ખેલાડીઓ પર પણ આ પ્રકારના આરોપો લગાવ્યા છે.ત્રીજી ટેસ્ટ મેચ માટે 4 જાન્યુઆરીએ મેલબોર્નથી સિડની પહોંચેલી ટીમ ઇન્ડિયાના તમામ ખેલાડીઓનો કોરોના ટેસ્ટ નેગેટિવ આવ્યો હોવાનું જાણવા મળ્યું છે.ત્રીજી ટેસ્ટ 7 જાન્યુઆરીથી રમાશે. રોહિત શર્મા સહિત પાંચ ખેલાડીઓ પણ ટીમ સાથે સિડની પહોંચ્યા છે.