ટેસ્ટ રેન્કિંગમાં સ્મિથને પછાડીને વિરાટ કોહલી નંબર વન બન્યો

Published By : B.K.NEWS DAINIK
Published Date : 2019-12-04 18:28:25
Views : 557
Modified Date : 2019-12-04 18:28:25

ICCની ટેસ્ટ રેન્કિંગમાં ફરી એકવખત વિરાટ કોહલી એક નંબર પર આવી ગયો છે. જેમાં ખેલાડીઓને નવી રેન્કિંગમાં ભારતીય ક્રિકેટ ટીમનો કેપ્ટન વિરાટ કોહલી 928 પોઇન્ટ સાથે ટોપ સ્થાને પહોંચી ગયો છે. વિરાટે ઓસ્ટ્રેલિયાના પૂર્વ કેપ્ટન સ્ટીવ સ્મિથને પાછળ છોડીને આ સ્થાન મેળવ્યું છે. પાકિસ્તાન વિરુદ્ધ કંઇ ખાસ ન કરી શકવાના કારણે સ્મિથને નુકસાન થયું છે અને અત્યારે તે 923 પોઇન્ટ સાથે બીજા નંબરે છે.આમ ઓસ્ટ્રેલિયા-પાકિસ્તાન અને ઈંગ્લેન્ડ-ન્યૂઝીલેન્ડ વચ્ચે પૂર્ણ થયેલી સીરીઝ બાદ રેન્કિંગમાં બદલાવ જોવા મળ્યા છે. જેમાં ભારતનો મયંક અગ્રવાલ અત્યારે ટોપ-10માંથી બહાર થઇ જતાં તે અત્યારે 12મા સ્થાને છે. જોકે ટોપ-10માં હજુ ભારતના ત્રણ ખેલાડી છે. જેમાં ભારત તરફથી વિરાટ, ચેતેશ્વર પુજારા અને અજિંક્ય રહાણે છઠ્ઠા સ્થાને છે.આમ ટેસ્ટ રેન્કિંગમાં સૌથી મોટો ફાયદો ઓસ્ટ્રેલિયાના બેટ્સમેન ડેવિડ વોર્નરને થયો છે. ત્રેવડી સદી સહીત બે મેચમાં 400થી વધુ રન બનાવનાર વોર્નર અત્યારે પાંચમા સ્થાને પહોંચી ગયો છે. બીજીતરફ આ લિસ્ટમાં બેવડી સદી મારનાર જો રૂટ સાતમાં અને ઓસ્ટ્રેલિયાનો માર્નસ લબુશાને આઠમાં સ્થાને પહોંચી ગયો છે.તે સિવાય જો બોલર્સની રેન્કિંગમાં વાત કરવામાં આવે તો તેમાં ઓસ્ટ્રેલિયાનો પેટ કમિન્સ 900 પોઇન્ટ સાથે પહેલા નંબરે છે. કમિન્સ બાદ રબાડા, જેસન હોલ્ડર, નીલ વેગ્નર અને જસપ્રીત બુમરા ટોપ-5માં સામેલ છે.