સૂર્યકુમાર અને પ્રસિદ્ધ કૃષ્ણા ને પ્રથમ વખત ભારતીય ટીમમાં તક મળી, ઓલરાઉન્ડર કૃણાલ પંડ્યાએ પણ ટીમમાં સ્થાન મેળવ્યું

Published By : B.K.NEWS DAINIK
Published Date : 2021-03-19 14:16:36
Views : 410
Modified Date : 2021-03-19 14:17:43

ભારતીય ક્રિકેટ કંટ્રોલ બોર્ડ (BCCI)એ ઈંગ્લેન્ડ સામેની વનડે સિરીઝ માટે શુક્રવારે ટીમ ઈન્ડિયાની જાહેરાત કરી હતી. ટી-20 માં ડેબ્યૂ કરનાર સૂર્યકુમાર યાદવને વનડે ટીમમાં પણ તક આપવામાં આવી છે. ઓલરાઉન્ડર કૃણાલ પંડ્યા અને ઝડપી બોલર કૃષ્ણાને પ્રથમ વખત વનડે ટીમમાં સામેલ કરવામાં આવ્યા છે. આ ઉપરાંત ઓસ્ટ્રેલિયા સામેની ટેસ્ટ સિરીઝમાં શાનદાર પ્રદર્શન કરનાર મોહમ્મદ સિરાજને પણ 18 સભ્યોની ટીમમાં તક આપવામાં આવી છે. ભારત અને ઈંગ્લેન્ડ વાચે 3 મેચની વન-ડે સિરીઝ 23 માર્ચથી પુણેમાં રમાવાની છે.

વિરાટ કોહલી (કેપ્ટન), રોહિત શર્મા (વાઇસ-કેપ્ટન), શિખર ધવન, શુભમન ગિલ, શ્રેયસ અય્યર, સૂર્યકુમાર યાદવ, હાર્દિક પંડ્યા, ઋષભ પંત (વિકેટકીપર), કેએલ રાહુલ (વિકેટકીપર), યુઝવેન્દ્ર ચહલ, કુલદીપ યાદવ, કૃણાલ પંડ્યા, વોશિંગ્ટન સુંદર, ટી નટરાજન, ભુવનેશ્વર કુમાર, મોહમ્મદ સિરાજ, પ્રસિદ્ધ કૃષ્ણા અને શાર્દુલ ઠાકુર.

સૂર્યકુમારે ઈંગ્લેન્ડ સામેની ડેબ્યૂ ટી-20 ઇનિંગમાં ફિફ્ટી બનાવીને સૌને પ્રભાવિત કર્યા હતા. તેણે 31 બોલમાં શાનદાર 57 રન બનાવ્યા હતા. આ દરમિયાન તેણે 3 છગ્ગા અને 6 ચોગ્ગા ફટકાર્યા હતા. તેની ઇનિંગને કારણે ભારતે ઈંગ્લેન્ડને ચોથી ટી-20માં 8 રનથી હરાવી 5 મેચની શ્રેણીમાં 2-2થી બરાબરી કરી લીધી હતી. તેને મેન ઓફ ધ મેચ પણ પસંદ કરાયો હતો. ટી-20 સિરીઝની છેલ્લી મેચ 20 માર્ચે અમદાવાદમાં રમાશે.વડોદરાનો ઓલ રાઉન્ડર કૃણાલ ટી-20માં ભારત માટે રમી ચૂક્યો છે. તેને 18 સભ્યોના સ્કવોર્ડમાં પણ સામેલ કરવામાં આવી શકે છે. કૃણાલે વિજય હજારે ટ્રોફીમાં 2 અણનમ સદી અને બે ફિફ્ટી ફટકારી હતી.

કર્ણાટકના પ્રસિદ્ધએ વિજય હજારે ટ્રોફીમાં 14 વિકેટ લીધી હતી. છેલ્લા કેટલાક સમયમાં તે ભારતીય ડોમેસ્ટિક સર્કિટના સર્વશ્રેષ્ઠ પેસર્સમાંથી એક રહ્યો છે. તેની વિશેષતા એ છે કે તે 145 પ્લસની ગતિથી બોલિંગ કરી શકે છે. IPLમાં તે કોલકાતા નાઈટ રાઇડર્સ તરફથી રમે છે.ફાસ્ટર ભુવનેશ્વર કુમારની વન-ડે સિરીઝમાં 17 મહિના બાદ વાપસી થઈ છે. જો કે ભુવનેશ્વર ટી-20 સિરીઝમાં સામેલ છે. તેમણે પોતાની છેલ્લી વનડે મેચ ઓગસ્ટ 2019માં વેસ્ટઈન્ડિઝ સામે ક્વિંસ ઓવલમાં રમી હતી.આંગળીમાં ફ્રેક્ચર બાદ પ્રેક્ટિસ શરૂ કરનાર રવિન્દ્ર જાડેજાએ આરામ આપવામાં આવ્યો છે. તેણે હજી પોતાની ફિટનેસ સાબિત કરવાની છે. જ્યારે, હાલમાં જ લગ્નના બંધનમાં બંધાયેલ ફાસ્ટર જસપ્રીત બુમરાહને પણ આ ટીમમાં સ્થાન મળ્યું નથી.

ઘર આંગણે રમાયેલી સિરીઝમાં શાનદાર પ્રદર્શન કરનાર પૃથ્વી શો અને દેવદત્ત પડિક્કલને ટીમમાં સ્થાન આપવામાં આવ્યું નથી. આવું એટલા માટે કે ટીમમાં પહેલેથી જ ઓપનર્સની જગ્યા ફૂલ છે. ટીમમાં લોકેશ રાહુલ, શિખર ધવન, શુભમન ગિલ અને રોહિત શર્મા જેવા ખેલાડી હાજર છે. એવામાં તેમનું ટીમમાં સ્થાન મેળવવું શક્ય ન હતુ.ચેતન શર્માના નેતૃત્વવાળી પસંદગી સમિતિએ ઈંગ્લેન્ડ સિરીઝ માટે જે વન-ડે ટીમની જાહેરાત કરી છે, તેમાં ઓસ્ટ્રેલિયા પ્રવાસે ગયેલા વન-ડે ટીમના 6 ખેલાડીઓના નામ છે. જાડેજા- બુમરાહ ઉપરાંત મનીષ પાંડે, મયંક અગ્રવાલ, સંજુ સેમસન અને ઇજાગ્રસ્ત મોહમ્મદ શમીને પણ ટીમમાં સામેલ કરવામાં આવ્યા નથી.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links