T20 વર્લ્ડ કપ માટે શાર્દુલ ઠાકુરનો સમાવેશ, દીપક ચહર ટૂર્નામેન્ટમાંથી બહાર

Published By : PIYUSH PARMAR
Published Date : 2022-10-12 12:28:46
Views : 934
Modified Date : 2022-10-12 12:31:10

T20 વર્લ્ડ કપ માટે ભારતીય ટીમને લઈને એક મોટું અપડેટ સામે આવ્યું છે. અહેવાલો અનુસાર, ટીમના ઝડપી બોલર દીપક ચહરને ટૂર્નામેન્ટમાંથી બહાર કરી દેવામાં આવ્યો છે અને તેના સ્થાને શાર્દુલ ઠાકુરને રિઝર્વ ખેલાડીઓમાં રાખવામાં આવ્યો છે. આ સિવાય મોહમ્મદ શમી અને મોહમ્મદ સિરાજ ગુરુવારે T20 વર્લ્ડ કપ માટે ઓસ્ટ્રેલિયા જવા રવાના થશે.જસપ્રીત બુમરાહ T20 વર્લ્ડ કપ પહેલા ઈજાના કારણે ટૂર્નામેન્ટમાંથી બહાર થઈ ગયો હતો અને તેનાથી ટીમ ઈન્ડિયાને મોટો ફટકો પડ્યો છે. તેમની બદલીની હજુ જાહેરાત કરવામાં આવી નથી. આ માટે મોહમ્મદ શમી, મોહમ્મદ સિરાજ અને દીપક ચહરના નામની ચર્ચા થઈ રહી હતી. જોકે, હવે ચહર ઈજાના કારણે બહાર થઈ ગયો છે અને શાર્દુલ ઠાકુરને તેના સ્થાને રિઝર્વ ખેલાડીઓમાં રાખવામાં આવ્યો છે.સ્પોર્ટ્સ તકના સમાચાર અનુસાર, મોહમ્મદ શમી, મોહમ્મદ સિરાજ અને શાર્દુલ ઠાકુર ગુરુવારે ઓસ્ટ્રેલિયા જવા રવાના થશે. અગાઉ શમી, રવિ બિશ્નોઈ, શ્રેયસ અય્યર અને દીપક ચહર સ્ટેન્ડબાય ખેલાડીઓનો ભાગ હતા પરંતુ હવે સિરાજ અને શાર્દુલને પણ રિઝર્વ ખેલાડીઓમાં સામેલ કરવામાં આવ્યા છે. જોકે, બુમરાહના સ્થાને હજુ સુધી કોઈ ખેલાડીને ટીમમાં સામેલ કરવામાં આવ્યો નથી.જો દીપક ચહરની વાત કરીએ તો તેને રિઝર્વ ખેલાડીઓમાં સામેલ કરવામાં આવ્યો હતો પરંતુ દક્ષિણ આફ્રિકા સીરીઝ દરમિયાન તે ઈજાનો શિકાર બન્યો હતો. ચહર હવે નેશનલ ક્રિકેટ એકેડમી (NCA)માં પુનર્વસનમાંથી પસાર થશે. બીજી તરફ, મોહમ્મદ સિરાજે તાજેતરમાં જે રીતે પ્રદર્શન કર્યું છે તે જોઈને ઘણા દિગ્ગજોએ તેને T20 વર્લ્ડ કપ ટીમમાં સામેલ કરવાની માંગ કરી છે. સિરાજે સાઉથ આફ્રિકા સિરીઝમાં સારી બોલિંગ કરી હતી અને આ કારણે તેને પ્લેયર ઓફ ધ સિરીઝ જાહેર કરવામાં આવ્યો હતો.