18 વર્ષના ઇન્ટરનેશનલ કરિયર પછી પાર્થિવે નિવૃત્તિ લીધી, આ વખતે IPLમાં એકપણ મેચ નહોતો રમ્યો, ડેબ્યુ વખતે સૌથી યુવા વિકેટકીપર બનેલો

Published By : B.K.NEWS DAINIK
Published Date : 2020-12-09 12:59:22
Views : 408
Modified Date : 2020-12-09 12:59:22

ભારતના પૂર્વ વિકેટકીપર બેટ્સમેન પાર્થિવ પટેલે ઇન્ટરનેશનલ ક્રિકેટમાંથી નિવૃત્તિ જાહેર કરી છે. પાર્થિવે 18 વર્ષના લાંબા ઇન્ટરનેશનલ કરિયર દરમિયાન ભારત માટે 25 ટેસ્ટ, 38 વનડે અને 2 T-20 મેચ રમી. તે ગુજરાત માટે ડોમેસ્ટિક ક્રિકેટમાં 194 ફર્સ્ટ ક્લાસ મેચ રમ્યો છે. તેમજ તેની કપ્તાનીમાં જ ગુજરાત 2016-17માં પહેલીવાર રણજી ટ્રોફી ચેમ્પિયન બન્યું.પાર્થિવે ટ્વીટ કરીને નિવૃત્તિ અંગેની જાહેરાત કરી હતી. તેણે કહ્યુ કે, હું આજે તમામ પ્રકારના ક્રિકેટમાંથી નિવૃત્તિ જાહેર કરી રહ્યો છું. BCCIએ 17 વર્ષના યુવા ખેલાડી પર ભરોસો દાખવતા હું ડેબ્યુ કરી શક્યો હતો. તેમના સપોર્ટ બદલ હું બોર્ડનો આભાર માનું છું. હું જે બધા કપ્તાનો હેઠળ રમ્યો તેમનો પણ આભાર માનું છું, ખાસ કરીને મારા પહેલા કેપ્ટન - દાદા- સૌરવ ગાંગુલી. હું તમામ કોચ અને ફિઝિયોનો પણ આભાર માનું છું, જેમણે મને ફિટનેસ જાળવવામાં મદદ કરી. હું મારી હોમ ટીમ અને ગુજરાત સ્ટેટ એસોશિયેસનનો આભાર માનું છું. તેમણે મને તમામ ફોર્મેટમાં કપ્તાની સોંપી અને અમે બધા ટાઇટલ જીતી શક્યા, એ હંમેશા મને સારી રીતે યાદ રહેશે. હું કેટલો નસીબદાર છું, કારણકે મારા માટે આ ગુડબાય કહેવું અઘરું પડી રહ્યું છે.

ભારતે 2002માં 17 વર્ષ અને 153 દિવસની વયે ડેબ્યુ કર્યું હતું. તે સમયે પટેલ ટેસ્ટમાં રમનાર સૌથી યુવા વિકેટકીપર બન્યો હતો. 2004માં દિનેશ કાર્તિક અને મહેન્દ્રસિંહ ધોનીના લીધે પાર્થિવે ભારતીય ટીમમાંથી સ્થાન ગુમાવ્યું હતું.પાર્થિવે પોતાની ડેબ્યુ મેચ વિશે જુના ઇન્ટરવ્યૂમાં કહ્યુ હતુ કે, મને મારી પહેલી ડોમેસ્ટિક મેચ આજે પણ યાદ છે. અમે દિલ્હી સામે રમી રહ્યા હતા. તેમની ટીમમાં આશિષ નહેરા, આકાશ ચોપરા, અજય જાડેજા, મિથુન મનહાસ જેવા સ્ટાર ખેલાડીઓ હતા. 156 રન ચેઝ કરતા દિલ્હીએ 102 રનમાં 9 વિકેટ ગુમાવી દીધી હતી. અમે એ મેચ લગભગ જીતી જ ગયા હતા.

પાર્થિવની જ કપ્તાનીમાં ગુજરાત 2016-17ની સીઝનમાં રણજી ટ્રોફી જીત્યું હતું. મુંબઈ સામેની ફાઈનલમાં ગુજરાતે 313 રન ચેઝ કરીને ટાઈટલ પોતાના નામે કર્યું હતું. આ રણજીમાં સૌથી સફળ રનચેઝ છે. પાર્થિવે પહેલી ઇનિંગ્સમાં 90 અને બીજી ઇનિંગ્સમાં 143 રન કર્યા હતા. આમ, ડોમેસ્ટિકમાં કપ્તાન પાર્થિવે બેટથી લીડ કરીને ટીમને વિજય હઝારે અને રણજી ટ્રોફી જિતાડી હતી.પાર્થિવ હંમેશાથી પોતાની ક્રિઝ પર ઉભા રહેવાની ક્ષમતા માટે જાણીતો રહ્યો છે. ઇન્ટરનેશનલ લેવલે ડેબ્યુ ગેમમાં જ પોતાની પ્રતિભાનો પરચો આપતા તેણે 84 મિનિટ ક્રિઝ પર ઉભા રહીને ભારત માટે મેચ બચાવી હતી. ભારતે પ્રથમ દાવમાં 357 રન કર્યા હતા, જવાબમાં ઇંગ્લેન્ડે 617 રન ફટકાર્યા હતા. બીજા દાવમાં ભારતે 424/8 પર પાંચમા દિવસનો અંત લાવીને મેચ ડ્રો કરી હતી. પાર્થિવે 60 બોલ રમ્યા હતા અને અણનમ 19 રન કર્યા હતા. એન્ડ્રુ ફ્લિન્ટોફ, સ્ટીવ હાર્મિસન જેવા દિગ્ગજ ફાસ્ટ બોલર્સ સામે ટકી રહેવા બદલ તેના ખુબ વખાણ થયા હતા.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links