પીવી સિંધુ અને સાઈના નહેવાલ કોરિયા ઓપનના પહેલા રાઉન્ડમાં જ બહાર થયા

Published By : B.K.NEWS DAINIK
Published Date : 2019-09-25 17:01:31
Views : 491
Modified Date : 2019-09-25 17:01:31

ભારતીય શટલર પીવી સિંધુ બુધવારે કોરિયા ઓપનના પહેલા રાઉન્ડમાં જ બહાર થઇ હતી. સિંધુને અમેરિકાની ઝેંગ બેઈવેને હરાવી હતી. ઝેગે આ મેચ 7-21, 24-22, 21-15થી પોતાના નામે કરી હતી. બીજી તરફ સાઈના નહેવાલ પણ પ્રથમ રાઉન્ડમાં બહાર થઇ હતી. નહેવાલની મેચ કોરિયાની કિમ ગે સામે હતી. તે પ્રથમ ગેમ 21-19થી જીત્યા બાદ બીજી ગેમ 18-21થી હારી ગઈ હતી, અને રિટાયર્ડ હર્ટ થઇ ત્યારે અંતિમ ગેમમાં 1-8થી પાછળ હતી.સિંધુએ બેઈવન વિરુદ્ધ પ્રથમ ગેમ 21-7થી પોતાના નામે કરી હતી. પહેલી ગેમ સરળતાથી જીત્યા પછી એવું લાગતું હતું કે સિંધુ બીજી ગેમ જીતીને મેચ પોતાના નામે કરી લેશે. પરંતુ બેઈવેને જોરદાર વાપસી કરી હતી. તેણે બીજી ગેમ 24-22થી જીતી હતી. ત્રીજી ગેમમાં મેચ 1-1ની બરોબરી પર હતી ત્યારે બંને ખેલાડીઓએ સતત સારું પ્રદર્શન કર્યું હતું, જોકે અંતે અમેરિકનના નેટ પ્લે સામે સિંધુનો પરાજય થયો હતો. તેણે અંતિમ ગેમ 15-21થી ગુમાવી હતી.સિંધુ ચાઈના ઓપનના ક્વાર્ટરફાઇનલમાં હારી હતી. 27 વર્ષીય સિંધુ ગયા અઠવાડિયે ચાઈના ઓપનના ક્વાર્ટફાઇનલમાં પણ હારી હતી. તેને વર્લ્ડ નંબર-9 ઇન્ડોનેશિયાના એંથોની સિનિસુકાએ હરાવી હતી. સિંધુએ ગયા મહિને વર્લ્ડ ચેમ્પિયનશિપમાં ગોલ્ડ મેડલ જીત્યો હતો. તે આ ચેમ્પિયનશિપ જીતનાર પ્રથમ ભારતીય શટલર બની હતી.મેન્સમાં બી સાઈ પ્રણીત ઇજાના લીધે ટૂર્નામેન્ટની બહાર થઇ ગયો છે. તે ડેનમાર્કના આંદ્રેસ અનેટોન્સન વિરુદ્ધ પ્રથમ રાઉન્ડની મેચમાં રિટાયર થયો હતો. તે પહેલી ગેમ 9-21થી હારી ગયો હતો અને બીજી ગેમમાં પણ 7-11થી પાછળ ચાલી રહ્યો હતો.