વનડે ઈતિહાસનો સૌથી ઓછો સ્કોર: નેપાળ સામે અમેરિકા 35 રનમાં ઓલઆઉટ

Published By : B.K.NEWS DAINIK
Published Date : 2020-02-12 13:36:26
Views : 554
Modified Date : 2020-02-12 13:36:26

નેપાળે બુધવારના રોજ ક્રિકેટ જગતમાં ધમાકેદાર પ્રદર્શન કરીને ઈતિહાસ સર્જી દીધો છે. જેમાં નેપાળે અમેરિકાની ટીમને ફક્ત 35 જ રનમાં પેવેલિયન ભેગી કરી દીધી હતી. આ વનડે ઈન્ટરનેશનલના ઈતિહાસમાં સંયુક્ત રૂપમાં સૌથી ઓછામાં ઓછા રનનો વર્લ્ડ રેકોર્ડ છે. આમ આ અગાઉ 2004માં શ્રીલંકાએ ઝિમ્બાબ્વેની ટીમને આટલા જ સ્કોરમાં ઓલ આઉટ કરી દીધી હતી. મેન્સ આઈસીસી ક્રિકેટ વર્લ્ડ કપ લીગ 2ના 30માં મુકાબલામાં આ અદ્ભુત રેકોર્ડ સર્જાયો હતો. ત્રિભુવન યુનિવર્સિટી ઈન્ટરનેશનલ ક્રિકેટ ગ્રાઉન્ડ કીર્તિપુર (નેપાળ)માં રમાયેલી આ મેચમાં અમેરિકન ટીમ 12 ઓવરોમાં 35 રનમાં જ ઓલ આઉટ થઈ ગઈ હતી. નેપાળના સ્ટાર લેગ સ્પિનર સંદીપ લામિછાનેએ 16 રન આપીને છ વિકેટ ઝડપી હતી (6-1-16-6), જ્યારે અન્ય સ્પિનર સુશાન ભારીએ પાંચ રન આપીને ચાર વિકેટ ઝડપી હતી (3-13-5-4). અમેરિકાની સમગ્ર ટીમ 72 બોલમાં જ પેવેલિયન ભેગી થઈ ગઈ હતી. રમાયેલા બોલની દ્રષ્ટિએ આ ઈનિંગ સૌથી નાની રહી હતી. આ પહેલા સૌથી ઓછા બોલ્સમાં ઈનિંગને પૂર્ણ કરવાનો રેકોર્ડ 2017માં બન્યો હતો. ત્યારે અફઘાનિસ્તાનની સામે ઝિમ્બાબ્વેની ટીમ 83 બોલમાં 54 રન બનાવીને આઉટ થઈ ગઈ હતી. વનડે ઈન્ટરનેશનલ: સૌથી ઓછો સ્કોરની જો વાત કરવામાં આવે તો તેમાં અમેરિકા 35 રન, નેપાળની સામે 2020 (કીર્તિપુર), ઝિમ્બાબ્વે 35 રન, શ્રીલંકાની સામે 2004 (હરારે), કેનેડા 36 રન, શ્રીલંકાની સામે 2003 (પર્લ), ઝિમ્બાબ્વે 38 રન, શ્રીલંકાની સામે 2001 (કોલંબો), શ્રીલંકા 43 રન, સાઉથ આફ્રિકાની સામે 2012 (પર્લ), પાકિસ્તાન 43 રન, વેસ્ટઈન્ડિઝની સામે 1993 (કેપટાઉન)