કોહલી ICC ક્રિકેટર ઓફ ધ ડેકેડ બન્યાં, ધોનીને સ્પિરિટ ઓફ ક્રિકેટ એવોર્ડ.

Published By : B.K.NEWS DAINIK
Published Date : 2020-12-28 16:32:37
Views : 380
Modified Date : 2020-12-28 16:32:37

ઈન્ટરનેશનલ ક્રિકેટ કાઉન્સિલ (ICC)એ સોમવારે ક્રિકેટ એવોર્ડ્સના વિજેતાઓના નામની જાહેરાત કરી છે. ભારતીય કેપ્ટન વિરાટ કોહલીને 'સર ગારફીલ્ડ સોબર્સ મેલ ક્રિકેટર ઓફ ધ ડેકેડ' (2011-2020) અને 'વનડે પ્લેયર ઓફ ધ ડેકેડ' એવોર્ડથી નવાજવામાં આવ્યા છે. આ ઉપરાંત ભારતના પૂર્વ કેપ્ટન મહેન્દ્રસિંહ ધોનીને સ્પિરિટ ઓફ ક્રિકેટ એવોર્ડ ઓફ ધ ડેકેટ માટે પસંદ કરવામાં આવ્યા છે.

કોહલીએ 2011થી 2020 સુધી ટેસ્ટ, વનડે અને ટી-20 ઈન્ટરનેશનલ મળીને 20,396 રન બનાવ્યા છે. આ દરમિયાન કોહલીએ 66 સેન્ચુરી અને 94 હાફ સેન્ચુરી ફટકારી છે. કોહલીએ આ દરમિયાન 70 ઈનિંગ્સમાં 56.97ની એવરેજથી રન બનાવ્યાં છે. તેઓ 2011માં વર્લ્ડ કપ જીતનારી ટીમ ઈન્ડિયામાં પણ સામેલ હતા. તો માત્ર વનડેમાં કોહલીએ આ દશકામાં 61.93ની એવરજેથી 10 હજારથી વધુ રન બનાવ્યાં છે. આ દરમિયાન કોહલીએ 39 સેન્ચુરી અને 48 ફિફ્ટી લગાવી છે. છેલ્લાં 10 વર્ષમાં વનડેમાં તેઓએ 112 કેચ પકડ્યા છે.આ ઉપરાંત ઓસ્ટ્રેલિયાના સ્ટીવ સ્મિથને 'ટેસ્ટ પ્લેયર ઓફ ધ ડેકેડ' તરીકે પસંદ કર્યો છે. સ્મિથે 2011થી 2020 વચ્ચે ટેસ્ટ ક્રિકેટમાં 65.79ની સરેરાશથી 7,040 રન બનાવ્યા.આ દરમિયાન તેમની સરેરાશ ટેસ્ટના હાલના ટોપ-50 બેટ્સમેનથી સૌથી વધુ છે. આ દરમિયાન તેઓએ 26 સેન્ચુરી અને 28 ફિફ્ટી મારી છે.

અફઘાનિસ્તાનના રાશિદ ખાનને ICC મેન્સ 'ટી-20 ક્રિકેટર ઓફ ધ ડેકેડ' એવોર્ડથી નવાજવામાં આવ્યા છે. તેઓએ આ દશકામાં ટી-20માં સૌથી વધુ 89 વિકેટ લીધી. આ દરમિયાન તેમની સરેરાશ 12.62 રહી. તેઓએ 3 મેચમાં ચાર વિકેટ અને 2 વખત પાંચ વિકેટ ઝડપી છે.ભારતના પૂર્વ કેપ્ટન મહેન્દ્રસિંહ ધોનીને 'ICC સ્પિરિટ ઓફ ક્રિકેટ એવોર્ડ'થી નવાજવામાં આવ્યો છે. ધોનીએ 2011માં ઈંગ્લેન્ડ વિરૂદ્ધ સીરીઝ દરમિયાન ઈયાન બેલને રાઉઆઉટ હોવા છતાં તેને મેદાન પર પરત બોલાવ્યો હતો. ફેન્સે તેમને તે જેશ્ચરને માટે સ્પિરિટ ઓફ ક્રિકેટ એવોર્ડ માટે પસંદ કર્યો છે.મહિલાઓમાં ઓસ્ટ્રેલિયાની એલિસ પેરી 'રેચેલ હેહો ફ્લિન્ટ ફિમેલ ક્રિકેટર ઓફ ધ ડેકેડ' તરીકે ચૂંટાઈ. આ સાથે જ તેઓને 'વુમન્સ વન પ્લેયર' અને 'ટી-20 પ્લેયર ઓફ ધ ડેકેડ' તરીકે પસંદ કરવામાં આવી છે. એલિસે 2011થી 2020ની વનડે અને ટી-20 ઈન્ટરનેશનલ મળીને 4,349 રન બનાવ્યાં.

ICC મેલ ક્રિકેટ ઓફ ધ ડેકેડ	વિરાટ કોહલી	ભારત
ICC મેન્સ વનડે ક્રિકેટર ઓફ ધ ડેકેડ	વિરાટ કોહલી	ભારત
ICC મેન્સ ટી-20 ક્રિકેટર ઓફ ધ ડેકેડ	રાશિદ ખાન	અફઘાનિસ્તાન
ICC મેન્સ ટેસ્ટ ક્રિકેટર ઓફ ધ ડેકેડ	સ્ટીવ સ્મીથ	ઓસ્ટ્રેલિયા
ICC સ્પિરિટ ઓફ ક્રિકેટ એવોર્ડ ઓફ ધ ડેકેડ	મહેન્દ્રસિંહ ધોની	ભારત
ICC ફિમેલ ક્રિકેટર ઓફ ધ ડેકેડ	એલિસ પેરી	ઓસ્ટ્રેલિયા
ICC વુમન્સ વનડે ક્રિકેટર ઓફ ધ ડેકેડ	એલિસ પેરી	ઓસ્ટ્રેલિયા
ICC વુમન્સ ટી-20 ક્રિકેટર ઓફ ધ ડેકેડ	એલિસ પેરી	ઓસ્ટ્રેલિયા