ખરાબ ફોર્મમાં ચાલી રહેલાં કેએલ રાહુલને લાગ્યો મોટો ઝટકો, બીસીસીઆઇએ કાર્યવાહી કરી

Published By : B.K.NEWS DAINIK
Published Date : 2023-02-21 15:27:37
Views : 525
Modified Date : 2023-02-21 15:27:37

ભારત અને ઓસ્ટ્રેલિયા વચ્ચે દિલ્હીમાં યોજાયેલી બીજી ટેસ્ટનો અંત થવાની સાથે ભારતીય ક્રિકેટ કંટ્રોલ બોર્ડ એટલે કે બીસીસીઆઇ સીરિઝની બચેલી બે મેચો માટે ભારતી ટીમની જાહેરાત કરી છે. બીસીસીઆઇ આમ તો સ્ક્વોડમાં કોઈ પણ જાતનો ફેરફાર કર્યો નથી, પણ ખરાબ ફોર્મમાં ચાલી રહેલાં કેએલ રાહુલ વિરૂદ્ધ મોટી કાર્યવાહી કરી છે. બીસીસીઆઇએ કેએલ રાહુલની વાઈસ કેપ્ટનસી છીનવી લીધી છે. કેએલ રાહુલ ભારતીય ટેસ્ટ ટીમમાં વાઈસ કેપ્ટન હતો.

તેને સીરિઝ પહેલાં બે મેચોમાં આ જવાબદારી મળી હતી. કદાચ આ જ જવાબદારીના કારણે તે પહેલી બે ટેસ્ટ મેચમાં ફ્લાઈંગ ઈલેવનમાં પોતાની જગ્યા બનાવી શક્યો હતો. પણ હવે બીસીસીઆઇએ આ જવાબદારી છીનવી લીધી છે. તો ફ્લાઈંગ ઈલેવનમાંથી પણ તેનું પત્તુ કપાઈ શકે છે. કેએલ રાહુલ જો ટીમમાંથી બહાર થઈ જાય તો રોહિત શર્મા સાથે શુભમન ગિલ મેદાનમાં ઉતરી શકે છે. પરંતુ સવાલ એ થાય છે કે રાહુલ પાસેથી આ જવાબદારી છીનવી લીધા બાદ કયો ખેલાડી હવે આ જવાબદારી સંભાળશે?

ટીમના વાઈસ કેપ્ટન બનવા માટે કોઈ પણ ખેલાડીએ સતત ટીમમાં રહેવું જરુરી છે. એટલે કે ખેલાડીની ફ્લાઈંગ ઈલેવનમાં જગ્યાને લઈ કોઈ પણ શંકા ન હોય. ત્યારે કેએલ રાહુલ પાસેથી વાઈસ કેપ્ટનનું પદ છીનવી લીધા બાદ એવા માત્ર ત્રણ જ ખેલાડીઓ છે કે જેમને આ જવાબદારી સોંપવામાં આવી શકે. ભવિષ્યને જોતા રોહિત શર્મા પોતાના ઉત્તરાધિકારી તરીકે શ્રેયસ ઐયરને તૈયાર કરી શકે છે. તે હાલ ખૂબ જ જોરદાર ફોર્મમાં ચાલી રહ્યો છે. હાલ તે સતત પાંચમા નંબરે છે. ત્યારે આવી સ્થિતિમાં રોહિત શર્મા તેને વાઈસ કેપ્ટન બનાવી શકે છે. જો ઋષભ પંત આ ટીમનો ભાગ હોત તો તેને સમજ્યા વિચાર્યા વગર જ વાઈસ કેપ્ટન બનાવવામાં આવી શકત.

તો બીજા બે વિકલ્પોમાં રવિન્દ્ર જાડેજા અને રવિચંદ્રન અશ્વિનનું નામ સામેલ છે. આ બંને ભારતીય અનુભવી સ્પિનર આ જવાબદારીને સારી રીતે નિભાવી શકે એમ છે. અશ્વિન ડોમેસ્ટિક ક્રિકેટ સિવાય આઈપીએલમાં પણ કેપ્ટનસી કરી ચૂક્યો છે અને તેને આ પદની સારી એવી સમજ પણ છે. તો તાજેતરમાં જ રવિન્દ્ર જાડેજાએ આઈપીએલમાં ચેન્નાઈ સુપર કિંગ્સની આગેવાની કરી હતી.