એન્ડરસન મેચના પહેલા બોલે વિકેટ લેનાર પાંચમો બોલર બન્યો

Published By : B.K.NEWS DAINIK
Published Date : 2019-12-26 18:39:05
Views : 510
Modified Date : 2019-12-26 18:39:05

ઇંગ્લેન્ડનો જેમ્સ એન્ડરસન ટેસ્ટ મેચના પહેલા બોલે વિકેટ લેનાર આ દાયકાનો પાંચમો બોલર બન્યો છે. તેણે આ સિદ્ધિ દક્ષિણ આફ્રિકા સામેની સેન્ચુરિયન ટેસ્ટમાં મેળવી હતી. એન્ડરસને ડીન એલ્ગરને શૂન્ય રને આઉટ કર્યો હતો. આ પહેલા શ્રીલંકાના સુરંગા લકમલ, ઓસ્ટ્રેલિયાના મિચેલ સ્ટાર્ક અને દક્ષિણ આફ્રિકાના ડેલ સ્ટેને આ દાયકામાં પહેલા બોલે વિકેટ લીધી છે. લકમલે 2010 અને 2017માં એમ બે વાર આ સિદ્ધિ પોતાના નામે કરી હતી.એન્ડરસન 150 ટેસ્ટ રમનાર વર્લ્ડનો પહેલો બોલર બન્યો છે. તે સાથે જ આટલી મેચ રમનાર ઇંગ્લેન્ડનો બીજો અને દુનિયાનો નવમો ખેલાડી બન્યો છે. ઇંગ્લેન્ડ માટે પૂર્વ કપ્તાન એલિસ્ટર કુકે સૌથી વધુ 161 ટેસ્ટ રમી છે. સચિન તેંડુલકર 200 ટેસ્ટ રમનાર દુનિયાનો એકમાત્ર ક્રિકેટર છે. ઓલરાઉન્ડર્સમાં દક્ષિણ આફ્રિકાના જેક કાલિસે સૌથી વધુ 166 ટેસ્ટ રમી છે.

ઇંગ્લેન્ડ માટે સૌથી વધુ ટેસ્ટ:

ખેલાડી	મેચ
એલિસ્ટર કુક	161
જેમ્સ એન્ડરસન	150
સ્ટુઅર્ટ બ્રોડ	135
એલેક સ્ટુઅર્ટ	133
ઇયાન બેલ	118
ગ્રાહમ ગૂચ	118

લકમલે રાહુલને સીરિઝના પહેલા બોલે આઉટ કર્યો હતો.દક્ષિણ આફ્રિકાનો ડીન એલ્ગર સીરિઝના પહેલા બોલે આઉટ થનાર દુનિયાનો આઠમો ખેલાડી બન્યો છે. ક્રિકેટ ઇતિહાસમાં ઇંગ્લેન્ડના હર્બર્ટ સ્ટકલીફ સૌથી પહેલા 1932/33માં કિવિઝ સામે આઉટ થયા હતા. જયારે ભારતનો લોકેશ રાહુલ 2017/18માં લંકા સામે પહેલા બોલે પેવેલિયન ભેગો થયો હતો. રાહુલ ત્યારે પહેલા બોલે લકમલનો શિકાર થયો હતો.આમ સીરિઝના પ્રથમ બોલે આઉટ થનાર બેટ્સમેનમાં

ખેલાડી	દેશ	વિરુદ્ધ	વર્ષ
ડીન એલ્ગર	દક્ષિણ આફ્રિકા	ઇંગ્લેન્ડ	2019
લોકેશ રાહુલ	ભારત	શ્રીલંકા	2017
ટિમ મેકિટોસ	ન્યૂઝીલેન્ડ	પાકિસ્તાન	2009
વસીમ જાફર	ભારત	બાંગ્લાદેશ	2007
હનન સરકાર	બાંગ્લાદેશ	વેસ્ટ ઇન્ડિઝ	2002-2004
જિમ્મી કુક	દક્ષિણ આફ્રિકા	ભારત	1992
સ્ટાન વર્થીગ્ટન	ઇંગ્લેન્ડ	ઓસ્ટ્રેલિયા	1936
હર્બર્ટ સ્ટકલીફ	ઇંગ્લેન્ડ	ઝીલેન્ડ	1932