ભારત જીતથી 2 વિકેટ દૂર, દક્ષિણ આફ્રિકા બીજી ઇનિંગ્સમાં 132/8; સાહા ઈજાગ્રસ્ત

Published By : B.K.NEWS DAINIK
Published Date : 2019-10-21 18:17:17
Views : 479
Modified Date : 2019-10-21 18:17:17

ભારતીય ટીમ રાંચી ખાતેની ત્રીજી ટેસ્ટમાં દક્ષિણ આફ્રિકા સામે જીતથી માત્ર 2 વિકેટ દૂર છે. ત્રીજા દિવસે દક્ષિણ આફ્રિકાની 16 વિકેટ પડી હતી. ભારતીય બોલર્સે ગ્રુપમાં એટેક કરતા પ્રથમ દાવમાં તેમને 162 રનમાં ઓલઆઉટ કર્યું હતું. 335 રનની લીડ મેળવી યજમાને ફોલોઓન કર્યું હતું. પ્રોટિયાસે બીજા દાવમાં 8 વિકેટે 132 રન કર્યા છે અને ભારતથી 203 રન પાછળ છે. બીજા દાવમાં ભારત માટે મોહમ્મદ શમીએ 3, ઉમેશ યાદવે 2 અને રવિન્દ્ર જાડેજાએ 1 વિકેટ લીધી હતી.એલ્ગરના કન્કશન સબસ્ટિટ્યૂટ તરીકે બ્રૂઇન બેટિંગ કરવા આવ્યો. ડિન એલ્ગર 16 રને રિટાયર્ડ હર્ટ થયો હતો. એલ્ગરને માથામાં બોલ વાગ્યો હોવાથી આઈસીસીના કન્કશન નિયમ પ્રમાણે બ્રૂઇન તેની જગ્યાએ બેટિંગ કરવા આવ્યો છે. ક્રિકેટમાં ત્રીજી વાર કન્કશન સબ્સ્ટિટયૂટનો ઉપયોગ થયો છે. અગાઉ માર્કસ લબુચાને સ્ટીવ સ્મિથનો અને વિન્ડીઝનો બ્લેકવુડ ડેરેન બ્રાવોનો સબસ્ટિટ્યૂટ રહ્યો હતો.કપ્તાન ફાફ ડુ પ્લેસીસ 4 રને શમીની બોલિંગમાં અલબીડબ્લ્યુ થયો હતો. ફાફે રિવ્યુ લીધો હતો પરંતુ તે અમ્પાયરનો નિર્ણય ફેરવી શક્યો ન હતો. ટેમ્બા બાવુમા શૂન્ય રને શમીની બોલિંગમાં કીપર સાહા દ્વારા કેચ આઉટ થયો હતો. ઇનિંગ્સની શરૂઆતમાં કવિન્ટન ડી કોક 5 રને ઉમેશ યાદવની બોલિંગમાં બોલ્ડ થયો હતો. તે પછી ઝુબેર હમઝા શૂન્ય રને શમીની બોલિંગમાં આઉટ થયો હતો. એક સીરિઝમાં ઓપનિંગ જોડીની સૌથી ઓછી એવરેજ (મિનિમમ 5 ઇનિંગ્સ) 3.33 પાકિસ્તાન vs વેસ્ટ ઇન્ડિઝ 1990/91, 3.83 શ્રીલંકા vs ઇંગ્લેન્ડ 2006, 4.50 શ્રીલંકા vs ઓસ્ટ્રેલિયા 2016, 4.83 દ.આફ્રિકા vs ભારત 2019/20, દ. આફ્રિકા પ્રથમ દાવમાં 162 રનમાં ઓલઆઉટ, ભારતે ફોલોઓન કર્યું.દક્ષિણ આફ્રિકા ભારત સામે રાંચી ખાતેની ત્રીજી ટેસ્ટમાં 162 રનમાં ઓલઆઉટ થયું છે. ભારતને પ્રથમ દાવમાં 335 રનની લીડ મળી છે અને તેણે મહેમાન ટીમ પર ફોલોઓન કર્યું છે. પ્રોટિયાસ માટે ઝુબેર હમઝાએ મેડન ફિફટી ફટકારતાં 62 રન કર્યા હતા. તે ઉપરાંત ટેમ્બા બાવુમાએ 32 રન અને જોર્જ લિન્ડેએ 37 રનનું યોગદાન આપ્યું હતું. તેમનો અન્ય કોઈ બેટ્સમેન ડબલ ડિજિટમાં રન સ્કોર કરી શક્યો ન હતો. ભારત માટે ઉમેશ યાદવે 3 વિકેટ, જયારે મોહમ્મદ શમી, રવિન્દ્ર જાડેજા અને શાહબાઝ નદીમે 2-2 વિકેટ લીધી હતી.ઉમેશ યાદવ ભારતમાં સતત પાંચ ઇનિંગ્સમાં 3થી વધુ વિકેટ લેનાર પ્રથમ ભારતીય બોલર બન્યો. ઘરઆંગણે છેલ્લી પાંચ ઇનિંગ્સમાં ઉમેશનું પ્રદર્શન: 6/88, 4/45, 3/37, 3/22 અને 3/40. ભારત ઘરઆંગણે છેલ્લે એક સીરિઝમાં શ્રીલંકા પર બે વાર ફોલોઓન કર્યું હતું. 1993ની તે સીરિઝમાં ઇન્ડિયાએ લંકા પર લખનૌ અને બેંગ્લુરુ ખાતે ફોલોઓન કર્યું હતું.સૌથી વધુ વાર વિરોધી ટીમ પર ફોલોઓન કરનાર ભારતીય કેપ્ટન:8 વિરાટ કોહલી, 7 મોહમ્મદ અઝહર, 5 એમએસ ધોની, 4 સૌરવ ગાંગુલી ભારતની પ્રથમ ઇનિંગ્સમાં દ. આફ્રિકા સામે સર્વાધિક લીડ: 347 કોલકાતા 2009/10, 335 રાંચી 2019/20, 326 પુણે 2019/20, 213 દિલ્હી 2015/16, 165 જોહાનેસબર્ગ 2006/07 136 નાગપુર 2015/16 ભારતીય બોલર્સ જેમણે સ્ટમ્પિંગ દ્વારા મેડન વિકેટ લીધી:ડબ્લ્યુ વી રમણ (કર્ટની વોલ્શ)એમ વેંકટરામન (ડી હાયન્સ)આશિષ કપૂર (કાર્લ હૂપર)શાહબાઝ નદીમ (ટેમ્બા બાવુમા)બીજા દિવસના અંતે દ. આફ્રિકા 9/2, ભારતથી 488 રન પાછળ, રોહિતે ટેસ્ટમાં પ્રથમ બેવડી સદી મારી.ભારત ત્રીજી ટેસ્ટમાં રાંચી ખાતે બીજા દિવસના અંતે દક્ષિણ આફ્રિકા સામે મજબૂત સ્થિતિમાં છે. ભારતે 497/9 દાવ ડિક્લેર કર્યો હતો. રોહિત શર્માએ કરિયરની પ્રથમ બેવડી સદી ફટકારતાં 212 રન અને અજિંક્ય રહાણે 11મી સદી ફટકારતાં 115 રનની ઇનિંગ્સ રમી હતી. જવાબમાં મહેમાન ટીમે 9 રનમાં 2 વિકેટ ગુમાવી દીધી છે અને ભારત કરતાં 488 રન પાછળ છે. ફાફ ડુ પ્લેસીસ 1 રને અને ઝુબેર હમઝા 0 રને અણનમ છે. ડિન એલ્ગર શૂન્ય અને કવિન્ટન ડી કોક ચાર રને અનુક્રમે મોહમ્મદ શમી અને ઉમેશ યાદવના શિકાર બન્યા હતા.રોહિત ટેસ્ટ અને વનડે બંનેમાં બેવડી સદી મારનાર ચોથો ખેલાડી બન્યો. રોહિતની શાનદાર ઇનિંગ્સ થકી ભારતે પ્રથમ દાવમાં જંગી સ્કોર કર્યો હતો. તેણે ગિડીની બોલિંગમાં પુલ શોટ રમીને ડીપ સ્કવેર લેગ પર સિક્સ મારીને 200 રન પૂરા કર્યા હતા. તે ટેસ્ટ અને વનડે બંનેમાં બેવડી સદી મારનાર વર્લ્ડનો ચોથો પ્લેયર બન્યો છે. તેની પહેલા સચિન તેંડુલકર, વિરેન્દ્ર સહેવાગ અને ક્રિસ ગેલે આ સિદ્ધિ મેળવી હતી. તે ઉપરાંત અજિંક્ય રહાણેએ પોતાના ટેસ્ટ કરિયરની 11મી સદી મારીને 115 રન કર્યા હતા. રોહિત- રહાણેએ ચોથી વિકેટ માટે 267 રનની ભાગીદારી કરી હતી. તે બંને સિવાય રવિન્દ્ર જાડેજાએ પણ કરિયરની 13મી ફિફટી મારી હતી. તે 51 રને આઉટ થયો હતો. તેમજ 9મા ક્રમે બેટિંગ કરવા આવેલા ઉમેશ યાદવે 10 બોલમાં 5 છગ્ગાની મદદથી 31 રનનું યોગદાન આપ્યું હતું. દક્ષિણ આફ્રિકા માટે જોર્જ લિન્ડેએ 4 વિકેટ લીધી હતી. રોહિત દ. આફ્રિકા સામે 500થી વધુ રન કરનાર પ્રથમ ભારતીય બન્યો. અગાઉ પ્રોટિયાસ સામે સૌથી વધુ રનનો રેકોર્ડ મોહમ્મદ અઝહરના નામે હતો. અઝહરે 1996/97માં 388 રન કર્યા હતા.ઘરઆંગણે ટેસ્ટમાં સૌથી વધુ એવરેજ:રોહિત શર્મા- 99.84, સર ડોન બ્રેડમેન- 98.22 રોહિત ભારત માટે સીરિઝમાં 500 રન કરનાર પાંચમો ઓપનર બન્યો. તેની પહેલા વિનુ માંકડ, બી કુંદરન, સુનિલ ગાવસ્કર (5 વાર) અને વિરેન્દ્ર સહેવાગ આ સિદ્ધિ મેળવી ચૂક્યા છે. અજિંક્ય રહાણે 115 રને જોર્જ લિન્ડેની બોલિંગમાં ક્લાસેન દ્વારા કેચ આઉટ થયો હતો. તેણે તેમજ ભારતમાં ત્રણ વર્ષ પછી ટ્રિપલ ડિજિટ સુધી પહોંચ્યો હતો. રહાણે અને રોહિતે ચોથી વિકેટ માટે 267 રનની ભાગીદારી કરી હતી.પ્રથમ દિવસના અંતે ભારત 224/3 ભારતે દક્ષિણ આફ્રિકા સામેની ત્રીજી ટેસ્ટમાં રાંચી ખાતે પ્રથમ દિવસના અંતે 3 વિકેટે 224 રન કર્યા છે. રોહિત શર્મા 116 રને અને અજિંક્ય રહાણે 83 રને રમી રહ્યા છે. ખરાબ પ્રકાશ (બેડ લાઈટ)ના લીધે મેચ અટકી હતી અને 58 ઓવરની રમત જ શક્ય બની હતી. રોહિતે પોતાના ટેસ્ટ કરિયરની છઠી સદી અને રહાણેએ 21મી ફિફટી મારી હતી. રોહિતે સ્પિનર પીટની બોલિંગમાં વાઈડ લોન્ગ-ઓફ પર સિક્સ મારીને સ્ટાઇલથી 100 રન પૂરા કર્યા હતા. ઘરઆંગણે છેલ્લી 11માંથી 9 ઇનિંગ્સમાં રોહિતે 50થી વધુનો સ્કોર કર્યો છે. રોહિતે સીરિઝમાં ત્રીજી સદી મારી છે, અગાઉ વિશાખાપટ્ટનમમાં 176 અને 127 રનની ઇનિંગ્સ રમી હતી. રોહિત એક સીરિઝમાં સૌથી વધુ રન સિક્સ બેટ્સમેન બન્યો. રોહિત શર્મા એક ટેસ્ટ સીરિઝમાં સૌથી વધુ 17 સિક્સ ફટકારનાર બેટ્સમેન બન્યો છે. તેણે વિન્ડીઝના શિમરોન હેટમાયરનો રેકોર્ડ તોડ્યો છે. હેટમાયરે 2018માં બાંગ્લાદેશ વિરુદ્ધ 15 સિક્સ મારી હતી. રોહિતની પહેલા ભારત માટે આ રેકોર્ડ હરભજનસિંહના નામે હતો. ભજ્જીએ 2010માં ન્યૂઝીલેન્ડ સામેની સીરિઝમાં 14 સિક્સ મારી હતી.અગ્રવાલ, પુજારા અને કોહલી ફ્લોપ રહ્યા, રોહિત-રહાણેએ બાજી સંભાળી ભારતે 39 રનમાં 3 વિકેટ ગુમાવી દેતા તેની શરૂઆત ખરાબ રહી હતી. મયંક અગ્રવાલ 10 રને રબાડાની બોલિંગમાં ત્રીજી સ્લીપમાં એલ્ગરના હાથે કેચ આઉટ થયો હતો. તે પછી ચેતેશ્વર પુજારા શૂન્ય રને રબાડાની બોલિંગમાં એલબીડબ્લ્યુ થયો હતો. જ્યારે કેપ્ટન વિરાટ કોહલી 12 રને એનરિચ નોર્ટજેની બોલિંગમાં એલબીડબ્લ્યુ થયો હતો, કોહલીએ રિવ્યુ લીધો હતો, પરંતુ અમ્પાયર્સ કોલ આવતા તેને પેવેલિયન ભેગું થવું પડ્યું હતું. પ્રથમ સેશનમાં 23 ઓવરમાં 3 વિકેટે 71 રન કર્યા હતા. તે પછી બીજા સેશનમાં રોહિત-રહાણેની ભાગીદારી થકી ભારતે વિના વિકેટે 134 રન ફટકાર્યા હતા અને બાજી સંભાળી હતી.