શુભમન ગિલ અને રોહિત શર્માએ પ્રથમ વિકેટ માટે 50* રનની ભાગીદારી કરી; ઓસ્ટ્રેલિયા પ્રથમ દાવમાં 338 રનમાં ઓલઆઉટ.

Published By : B.K.NEWS DAINIK
Published Date : 2021-01-08 11:46:42
Views : 393
Modified Date : 2021-01-08 11:46:42

ભારતે ઓસ્ટ્રેલિયા સામે ચાર ટેસ્ટ સીરિઝની ત્રીજી મેચમાં સિડની ક્રિકેટ ગ્રાઉન્ડ ખાતે વિના વિકેટે 70 રન કર્યા છે. રોહિત શર્મા અને શુભમન ગિલ ક્રિઝ પર ઊભા છે. એશિયાની બહાર 92 ઇનિંગ્સ પછી ભારતીય ઓપનિંગ જોડી ક્રિઝ પર 20 ઓવરથી વધુ સમય ઊભી રહી છે. આ પહેલાં ડિસ્મેબર 2010માં ગંભીર અને સહેવાગે સેન્ચુરીયન ખાતે 29.3 ઓવર બેટિંગ કરી હતી.રોહિત 24 રને રમી રહ્યો હતો ત્યારે તેને સ્પિનર નેથન લાયનની બોલિંગમાં કેચ આઉટ જાહેર કરવામાં આવ્યો હતો. રોહિતે રિવ્યૂનો ઉપયોગ કર્યો અને રિપ્લેમાં સ્પષ્ટ હતું કે બોલ તેના બેટને અડ્યો નહોતો. સ્નિકો મીટરમાં કોઈ મુવમેન્ટ જોવા મળી નહીં. રિવ્યૂ લઈને રોહિત બચ્યો.

ઓસ્ટ્રેલિયા ભારત સામે પ્રથમ ઇનિંગ્સમાં 338 રનમાં ઓલઆઉટ થયું છે. સ્ટીવ સ્મિથે પોતાના ટેસ્ટ કરિયરની 27મી સદી ફટકારતા 226 બોલમાં 16 ફોરની મદદથી 131 રન કર્યા હતા. ભારત માટે રવિન્દ્ર જાડેજાએ 4, જસપ્રીત બુમરાહ અને નવદીપ સૈનીએ 2-2, જ્યારે મોહમ્મદ સિરાજે 1 વિકેટ લીધી છે.

સ્મિથ સિવાય માર્નસ લબુશેને 91, વિલ પુકોવ્સ્કીએ 62 અને મિચેલ સ્ટાર્કે 24 રનનું યોગદાન આપ્યું. અન્ય કોઈ બેટ્સમેન 20 રનનો આંક વટાવી શક્યો નહોતો, પાંચ કાંગારું બેટ્સમેન સિંગલ ડિજિટમાં આઉટ થયા. જાડેજાએ ડાયરેક્ટ થ્રો મારીને સ્મિથને રનઆઉટ કર્યો.

-ડોન બ્રેડમેન: 70 ઇનિંગ્સ
-સ્ટીવ સ્મિથ: 136 ઇનિંગ્સ
-વિરાટ કોહલી: 141 ઇનિંગ્સ
-સચિન તેંડુલકર: 141 ઇનિંગ્સ
-સુનિલ ગાવસ્કર: 154 ઇનિંગ્સ

ઓસ્ટ્રેલિયાના કેપ્ટન ટિમ પેને ભારત સામે ટોસ જીતીને બેટિંગ લીધી છે. સીરિઝ અત્યારે 1-1ની બરાબરી પર છે. ભારતે પોતાની પ્લેઈંગ-11માં 2 ફેરફાર કર્યા છે. રોહિત શર્મા અને નવદીપ સૈનીને ટીમમાં સ્થાન મળ્યું છે. મયંક અગ્રવાલને ડ્રોપ કરાયો છે. જ્યારે ઈજાગ્રસ્ત ઉમેશને રિપ્લેસ કરીને નવદીપ ટેસ્ટ ક્રિકેટમાં ડેબ્યુ કરી રહ્યો છે. બીજી તરફ, ઓસ્ટ્રેલિયા માટે ઓપનર વિલ પુકોવ્સ્કી ડેબ્યુ કરી રહ્યો છે. તે ડેવિડ વોર્નરની સાથે ઓપનિંગ કરશે. વોર્નર ઇજાના લીધે પ્રથમ બે ટેસ્ટમાં રમી શક્યો નહોતો. આ બંનેને ટીમમાં જો બર્ન્સ અને ટ્રેવિસ હેડની જગ્યાએ સ્થાન મળ્યું છે.