ભારતે પહેલીવાર બોર્ડર-ગાવસ્કર ટ્રોફી જીતવાની હેટ્રિક લગાવી; ઓસ્ટ્રેલિયા 32 વર્ષે ગાબામાં ટેસ્ટ હાર્યું.

Published By : B.K.NEWS DAINIK
Published Date : 2021-01-19 13:30:57
Views : 397
Modified Date : 2021-01-19 13:41:02

ભારતે બ્રિસ્બેન ખાતે ચાર ટેસ્ટ સીરિઝની અંતિમ મેચમાં ઓસ્ટ્રેલિયાને 3 વિકેટે હરાવી 328 રનનો ટાર્ગેટ ચેઝ કર્યો છે. આ સાથે જ ટીમ ઇન્ડિયા શ્રેણી 2-1થી પોતાના નામે કરી છે. ભારતે પહેલીવાર સતત ત્રીજી વખત બોર્ડર-ગાવસ્કર ટ્રોફી જીતી છે. આ પહેલાં 2016-17માં આપણે ઘરઆંગણે ઓસ્ટ્રેલિયાને 2-1થી હરાવ્યું હતું. જ્યારે 2018-19માં ઓસ્ટ્રેલિયાને તેના ઘરે જ 2-1થી માત આપી હતી. ભારત અગાઉ ક્યારેય બોર્ડર ગાવસ્કર ટ્રોફીમાં સતત 3 સીરિઝ જીત્યું નહોતું.ઓસ્ટ્રેલિયા 32 વર્ષ ગાબામાં ટેસ્ટ મેચ હાર્યું છે. આ પહેલાં તેઓ 1988માં વેસ્ટ ઇન્ડિઝ સામે હાર્યા હતા. તે પછી અહીં 24 ટેસ્ટથી અપરાજિત હતા. તેમજ આ બ્રિસ્બેનમાં સૌથી સફળ રનચેઝ છે. આ પહેલાં સૌથી સફળ રનચેઝનો રેકોર્ડ અહીં ઓસ્ટ્રેલિયાના નામે હતો, તેમણે 1951માં વિન્ડીઝ વિરુદ્ધ 236 રનનો ટાર્ગેટ ચેઝ કર્યો હતો.

પંત 16 રને બેટિંગ કરી રહ્યો હતો ત્યારે ઓફ-સ્પિનર લાયનની બોલિંગમાં વિકેટકીપર પેને સ્ટમ્પિંગ કરવાની તક મિસ કરી હતી.33મી ઓવરનો પાંચમો બોલ ચેતેશ્વર પૂજારાને માથામાં વાગ્યો હતો. કમિન્સનો બાઉન્સર ધાર્યા જેટલો ઉછળ્યો નહોતો અને પૂજારાના હેલ્મેટના પાછળના ભાગમાં વાગ્યો હતો. કન્કશન ટેસ્ટ કરાયો હતો અને તે પછી પૂજારા રમવા માટે તૈયાર હતો.તે પછી 45મી ઓવરમાં હેઝલવુડનો બોલ પણ અપેક્ષા કરતા ઓછો ઉછળ્યો હતો અને પૂજારાને હાથમાં વાગ્યો હતો. ટીમ ફિઝિયોએ મેજિક સ્પ્રેનો ઉપયોગ કર્યો હતો અને પૂજારાએ બેટિંગ કરવાનું ચાલુ રાખ્યું.ત્યારબાદ 49મી ઓવરમાં ફરીથી હેઝલવુડનો બોલ પૂજારાને જમણા ગ્લવ્સમાં વાગ્યો હતો. ચેતેશ્વરે પેઈન કિલર્સ લઈને બેટિંગ કરવાનું ચાલુ રાખ્યું.51મી ઓવરનો પાંચમો બોલ હેઝલવુડે બાઉન્સર નાખ્યો હતો અને પૂજારાને માથામાં વાગ્યો હતો. તે ડક કરી શકે તેવી પોઝિશનમાં નહોતો.

શુભમન ગિલે રનચેઝમાં શાનદાર બેટિંગ કરતા 146 બોલમાં 8 ફોર અને 2 સિક્સની મદદથી 91 રન કર્યા હતા. તે પોતાની મેડન સદી ફટકારવાથી 9 રન માટે ચૂકી ગયો હતો. તે નેથન લાયનની બોલિંગમાં સ્લીપમાં સ્ટીવ સ્મિથના હાથે કેચ આઉટ થયો હતોમિચેલ સ્ટાર્કે ઇનિંગ્સની 46મી ઓવરમાં 20 રન આપ્યા હતા. આ તેના ટેસ્ટ કરિયરની સૌથી મોંઘી ઓવર હતી. આ ઓવરમાં ગિલે 2 ફોર અને 1 સિક્સ, જ્યારે પૂજારાએ 1 ફોર મારી હતી. તે ઉપરાંત એક સિંગલ અને એક રન નો-બોલનો આવ્યો હતો.શુભમન ગિલ (21 વર્ષ 133 દિવસ) ચોથી ઇનિંગ્સમાં ફિફટી મારનાર સૌથી યુવા ભારતીય ઓપનર બન્યો છે. અગાઉ આ રેકોર્ડ સુનિલ ગાવસ્કરના નામે હતો. ગાવસ્કરે 21 વર્ષ 243 દિવસની વયે વેસ્ટ ઇન્ડિઝ વિરુદ્ધ 1970/71માં પોર્ટ ઓફ સ્પેન ખાતે 67* રન કર્યા હતા.

-હનુમા વિહારી 6* (100) v ઓસ્ટ્રેલિયા 2021
-ચેતેશ્વર પૂજારા 11* (100) v ઓસ્ટ્રેલિયા 2021 (આજે)
-રાહુલ દ્રવિડ 16* (100) v ઓસ્ટ્રેલિયા 2004
-રાહુલ દ્રવિડ 16* (100) v ઓસ્ટ્રેલિયા 2007
-ચેતેશ્વર પૂજારા 16* (100) v ઓસ્ટ્રેલિયા 2021

ચેતેશ્વર પૂજારા 2 રને રમી રહ્યો હતો ત્યારે નેથન લાયનની બોલિંગમાં કાંગારુંએ LBW માટે અપીલ કરી હતી. અમ્પાયરે નોટઆઉટ આપતા કેપ્ટન ટિમ પેને રિવ્યૂ લીધો. થર્ડ અમ્પાયરે કહ્યું કે, પૂજારાએ શોટ નથી રમ્યો એટલે ઈમ્પૅક્ટ જોવામાં આવશે નહીં. બોલ ટ્રેકિંગમાં બોલ લેગ સ્ટમ્પને 50% કરતા ઓછો અડી રહ્યો હોવાથી ઓન-ફિલ્ડ અમ્પાયરનો નિર્ણય યથાવત રહ્યો. કાંગારું પૂજારાને પેવેલિયન ભેગા કરી શક્યા નહીં.328 રનનો પીછો કરતાં ભારતને પોતાના સીનિયર બેટ્સમેન રોહિત પાસેથી એક મોટી ઇનિંગ્સની અપેક્ષા હતી. જોકે, રોહિત સસ્તામાં પેવેલિયન ભેગો થયો હતો. તે 7 રને પેટ કમિન્સની બોલિંગમાં કીપર પંત દ્વારા કેચ આઉટ થયો હતો. પંતે પોતાની જમણી બાજુ ડાઇવ લગાવીને સારો કેચ કર્યો.

બ્રિસ્બેન ખાતે હજી સુધી ટેસ્ટની ચોથી ઇનિંગ્સમાં 250+ રનનો ટાર્ગેટ ચેઝ થયો નથી. અહીં સૌથી સફળ રનચેઝ 236 રનનો છે. ઓસ્ટ્રેલિયાએ નવેમ્બર 1951માં વેસ્ટ ઇન્ડીઝને 3 વિકેટે હરાવી આ ટાર્ગેટ ચેઝ કર્યો હતો.ઓસ્ટ્રેલિયા બીજી ઇનિંગ્સમાં 294 રનમાં ઓલઆઉટ થયું છે. કાંગારૂને ફર્સ્ટ ઇનિંગ્સમાં 33 રનની લીડ મળી હતી અને તેણે ભારતને મેચ જીતવા 328 રનનો ટાર્ગેટ આપ્યો છે. ટીમ ઇન્ડિયા માટે મોહમ્મદ સિરાજે 5, શાર્દૂલ ઠાકુરે 4 અને વી. સુંદરે 1 વિકેટ લીધી. સિરાજે પોતાના ટેસ્ટ કરિયરમાં પહેલીવાર એક ઇનિંગ્સમાં પાંચ વિકેટ લીધી.ઓસ્ટ્રેલિયા માટે બીજી ઇનિંગ્સમાં સ્ટીવ સ્મિથે 55, ડેવિડ વોર્નરે 48, માર્કસ હેરિસે 38 અને કેમરુન ગ્રીને 37 રનનું યોગદાન આપ્યું. ટિમ પેને 27 અને પેટ કમિન્સે 28 રન કરતા તેમણે છેલ્લી 3 વિકેટ માટે 52 રન ઉમેર્યા.