ટેસ્ટમાં ટીમ ઇન્ડિયાનો સૌથી ઓછો સ્કોર: ત્રીજા દિવસે ભારતીય ઇનિંગ્સ 90 મિનિટમાં 36 રને સમાપ્ત, ઓસ્ટ્રેલિયાને 90 રનનો ટાર્ગેટ.

Published By : B.K.NEWS DAINIK
Published Date : 2020-12-19 11:19:19
Views : 383
Modified Date : 2020-12-19 11:19:19

ભારતે ઓસ્ટ્રેલિયા સામે ચાર ટેસ્ટ સીરિઝની પહેલી મેચમાં એડિલેડ ખાતે બીજી ઇનિંગ્સમાં 9 વિકેટે 36 રન કર્યા છે. મોહમ્મદ શમી ઈજાગ્રસ્ત થતા ભારતીય ઇનિંગ્સ સમાપ્ત થઇ ગઈ છે. ઓસ્ટ્રેલિયાને 90 રનનો ટાર્ગેટ મળ્યો છે. આ ટીમ ઇન્ડિયાનો ટેસ્ટમાં સૌથી ઓછો સ્કોર છે. આ પહેલાં ટીમ ઇન્ડિયા 1974માં ઇંગ્લેન્ડ સામે લોર્ડ્સ ખાતે 42 રનમાં ઓલઆઉટ થઇ હતી.ભારતનો ટેસ્ટ ક્રિકેટમાં સૌથી ઓછો સ્કોર 42 રનનો છે. ટીમ 1974માં ઇંગ્લેન્ડ સામે લોર્ડ્સ ખાતે આટલા રનમાં ઓલઆઉટ થઇ ગઈ હતી. જોકે આજે ટીમે 19 રનમાં 6 વિકેટ ગુમાવી છે. ટેસ્ટ ક્રિકેટમાં 6 વિકેટના નુકસાને આ ભારતનો સૌથી ઓછો સ્કોર છે. આ પહેલાં ટીમે સાઉથ આફ્રિકા સામે 1996માં ડરબન ખાતે 25 રનમાં 6 વિકેટ ગુમાવી હતી. ત્યારે ભારત 66 રનમાં ઓલઆઉટ થયું હતું.

વિરાટ કોહલી 4 રને કમિન્સની બોલિંગમાં ગલીમાં ગ્રીનના હાથે કેચ આઉટ થયો હતો. ચેતેશ્વર પૂજારા શૂન્ય રને કમિન્સની બોલિંગમાં કીપર પેનના હાથે કેચ આઉટ થયો હતો. તે પછી મયંક અગ્રવાલ 9 રને જોશ હેઝલવુડની બોલિંગમાં કીપર પેનના હાથે કેચ આઉટ થયો હતો. જ્યારે અજિંક્ય રહાણે પણ શૂન્ય રને હેઝલવુડની બોલિંગમાં કીપર પેનના હાથે કેચ આઉટ થયો હતો.મયંકે ટેસ્ટ ક્રિકેટમાં 19મી ઇનિંગ્સ 1 હજાર રન પૂરા કર્યા છે. તે ભારત માટે સૌથી ઝડપી 1 હજાર રન પૂરા કરનાર ખેલાડીઓની સૂચિમાં ત્રીજા સ્થાને છે. વિનોદ કાંબલીએ સૌથી ઝડપી 14 ઇનિંગ્સમાં આ સિદ્ધિ મેળવી છે. જ્યારે ચેતેશ્વર પૂજારા 18 ઇનિંગ્સ સાથે બીજા સ્થાને છે.

મયંક અગ્રવાલ 2 રને રમી રહ્યો હતો ત્યારે કમિન્સની બોલિંગમાં કાંગારું કેપ્ટન ટિમ પેને તેનો કેચ છોડ્યો હતો.પૃથ્વી શોએ ફરી એકવાર બેટ સાથે નિરાશ કર્યા, તે 4 રને કમિન્સની બોલિંગમાં બોલ્ડ થયો હતો. જ્યારે જસપ્રીત બુમરાહ 2 રને કમિન્સની બોલિંગમાં રિટર્ન કેચ આપી બેઠો હતો.ઓસ્ટ્રેલિયાને પહેલીવાર પિન્ક બોલ ટેસ્ટમાં લીડ મળી નથી. આ પહેલા રમેલી તમામ 7 મેચમાં તેમને ફર્સ્ટ ઇનિંગ્સમાં લીડ મળી હતી. તેમણે આ પહેલાંની ડે-નાઈટ મેચોમાં 22, 124, 287, 215, 179, 287 અને 250 રનની લીડ મેળવી હતી.ઓસ્ટ્રેલિયા પ્રથમ દાવમાં 191 રનમાં ઓલઆઉટ થયું છે. ભારતને 53 રનની લીડ મળી છે. ઓસ્ટ્રેલિયા માટે કેપ્ટન ટિમ પેને પોતાના ટેસ્ટ કરિયરની આઠમી ફિફટી ફટકારતા સર્વાધિક 73* રન કર્યા. જ્યારે માર્નસ લબુશેને 47 રનનું યોગદાન આપ્યું. ભારત માટે રવિચંદ્રન અશ્વિને 4, જ્યારે ઉમેશ યાદવે 3 અને જસપ્રીત બુમરાહે 2 વિકેટ લીધી છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links