ઇંગ્લેન્ડના સ્ટેન્ડ-ઈન કેપ્ટન જોસ બટલરે ટોસ જીતીને બોલિંગ લીધી, ભારતીય ટીમમાં શ્રેયસ ઐયરની જગ્યાએ ઋષભ પંતને તક

Published By : B.K.NEWS DAINIK
Published Date : 2021-03-26 13:25:03
Views : 352
Modified Date : 2021-03-26 13:25:03

ઇંગ્લેન્ડના સ્ટેન્ડ-ઈન કેપ્ટન જોસ બટલરે ભારત સામે ત્રણ વનડે શ્રેણીની બીજી મેચમાં પુણે ખાતે ટોસ જીતીને બોલિંગ લીધી છે. ઇંગ્લેન્ડનો નિયમિત કપ્તાન ઓઇન મોર્ગન ઇજાને લીધે શ્રેણીમાંથી બહાર થઈ ગયો છે. ભારત શ્રેણીમાં 1-0થી આગળ છે.

ટીમ ઇન્ડિયાએ પોતાની પ્લેઈંગ-11માં માત્ર એક ફેરફાર કર્યો છે. ઈજાગ્રસ્ત શ્રેયસ ઐયરની જગ્યાએ ઋષભ પંતને પ્લેઈંગ-11માં તક મળી છે. ઐયરને પ્રથમ વનડે દરમિયાન ફિલ્ડિંગ કરતી વખતે ડાબા ખભામાં ઇજા થઈ હતી. તે મિનિમમ 3 મહિના ક્રિકેટથી દૂર રહેશે.જ્યારે ઇંગ્લેન્ડની ટીમમાં ત્રણ ફેરફાર કરવામાં આવ્યા છે. ઓઇન મોર્ગનની જગ્યાએ ડેવિડ મલાન, સેમ બિલિંગ્સની જગ્યાએ લિયમ લિવિંગ્સ્ટોન અને માર્ક વુડની જગ્યાએ આર. ટોપ્લે રમી રહ્યા છે.

ભારતની પ્લેઈંગ-11: રોહિત શર્મા, શિખર ધવન, વિરાટ કોહલી (કેપ્ટન), ઋષભ પંત, લોકેશ રાહુલ (વિકેટકીપર), હાર્દિક પંડ્યા, કૃણાલ પંડ્યા, ભુવનેશ્વર કુમાર, શાર્દુલ ઠાકુર, કુલદીપ યાદવ અને પ્રસિદ્ધ કૃષ્ણ

ઇંગ્લેન્ડની પ્લેઈંગ-11: જેસન રોય, જોની બેરસ્ટો, બેન સ્ટોક્સ, ડેવિડ મલાન, જોસ બટલર (કેપ્ટન/ વિકેટકીપર), લિયમ લિવિંગ્સ્ટોન, મોઇન અલી, ટોમ કરન, સેમ કરન, આર. ટોપ્લે અને આદિલ રાશિદ

ભારતે ત્રણ વનડે શ્રેણીની પ્રથમ મેચમાં પુણે ખાતે ઇંગ્લેન્ડને 66 રને હરાવ્યું હતું. ટોસ હાર્યા પછી પ્રથમ બેટિંગ કરતાં ભારતે 50 ઓવરમાં 5 વિકેટે 317 રન કર્યા હતા. જવાબમાં ઇંગ્લિશ ટીમ 42.1 ઓવરમાં 251 રનમાં ઓલઆઉટ થઈ હતી. મેચ જીતીને ભારતે શ્રેણીમાં 1-0ની લીડ મેળવી લીધી છે. તેમજ પ્રસિદ્વ કૃષ્ણ ડેબ્યુ પર 4 વિકેટ લેનાર પ્રથમ ભારતીય બોલર બન્યો હતો.ભારતીય ટીમ જો આ મેચ જીતે તો ઘરઆંગણે ઇંગ્લેન્ડ સામે સતત છઠ્ઠી બાઈલેટરલ શ્રેણી પોતાના નામે કરશે. ટીમ ઇન્ડિયાએ ઘરમાં માર્ચ 2006માં ઇંગ્લેન્ડને 5-1થી માત આપી હતી. તે પછી ટીમ ઇન્ડિયા સતત પાંચ શ્રેણી જીતી ચૂકી છે.

ભારતીય ટીમે છેલ્લે જાન્યુઆરી 2017માં ઇંગ્લેન્ડને ઘરઆંગણે 2-1થી હરાવ્યું હતું. સાથે જ ટીમ ઇન્ડિયા પોતાના ઘરે 29 વર્ષથી ઇંગ્લેન્ડ સામે બાઈલેટરલ શ્રેણી હારી નથી. આજની મેચ જીતતા એ રેકોર્ડ પણ કાયમ રહેશે. છેલ્લે ઇંગ્લેન્ડે ડિસેમ્બર 1984માં ભારતને ભારતમાં 4-1થી હરાવ્યું હતું.