2020માં બુમરાહને 1.38 અને કોહલીને 1.29 કરોડ પગાર મળ્યો, રોહિત ટોપ-5માં પણ નહીં.

Published By : B.K.NEWS DAINIK
Published Date : 2020-12-27 14:04:18
Views : 411
Modified Date : 2020-12-27 14:04:18

ભારતનો ફાસ્ટ બોલર જસપ્રીત બુમરાહ આ વર્ષે સૌથી વધુ સેલેરી મેળવનારો ક્રિકેટર બની ગયો છે. તેણે કેપ્ટન વિરાટ કોહલીને પણ પાછળ છોડી દીધો છે. ડાબોડી બોલર બુમરાહને આ વર્ષે સેલેરી તરીકે રૂ. 1.38 કરોડ મળ્યા છે.બીસીસીઆઈ દરેક ભારતીય ક્રિકેટરને એક ટેસ્ટ રમવાના રૂ. 15 લાખ, એક વન-ડે રમવાના રૂ. છ લાખ અને એક ટી-20 મેચ રમવાના રૂ. 3 લાખ ચૂકવે છે. જોકે, આ રકમમાં સેન્ટ્રલ કોન્ટ્રાક્ટનો સમાવેશ નથી થતો. બુમરાહે એક વર્ષમાં નવ વન ડે, આઠ ટી-20 અને ચાર ટેસ્ટ મેચ રમી છે.

આ યાદીમાં બુમરાહ પછી ટીમ ઈન્ડિયાનો કેપ્ટન વિરાટ કોહલી છે. કોહલીને ત્રણ ટેસ્ટ, નવ વન-ડે અને 10 ટી-20 રમવા માટે રૂ. 1.29 કરોડ મળ્યા છે. જો કોહલી બોક્સિંગ ડે ટેસ્ટ રમત તો ટોપ પર હોત. કોહલી પેટરનિટી લિવ પર હોવાથી આ ટુર્નામેન્ટમાં સામેલ થઈ શક્યો નથી. આ યાદીમાં ત્રીજા નંબરે રવીન્દ્ર જાડેજા છે, જેને એક વર્ષની સેલેરી તરીકે રૂ. 96 લાખ મળ્યા છે. તેણે આ વર્ષે બે ટેસ્ટ, નવ વન-ડે અને ચાર ટી-20 મેચ રમી છે. જાડેજા ઈજાના કારણે ઓસ્ટ્રેલિયા વિરુદ્ધની છેલ્લી બે ટી-20 અને પહેલી ટેસ્ટ રમી શક્યો ન હતો. આ કારણસર તે રૂ. એક કરોડ સુધી પહોંચી ના શક્યો.

આ યાદીમાં ટીમ ઈન્ડિયાનો લિમિટેડ ઓ‌વરની સીરિઝનો વાઈસ કેપ્ટન રોહિત શર્મા ટોપ-5માં પણ નથી. તેણે આ વર્ષે ફક્ત 3 વન-ડે અને ચાર ટી-20 મેચ રમી છે, જેના માટે તેને રૂ. 30 લાખ મળ્યા છે. રોહિત આ વર્ષે અનેકવાર ઈજાગ્રસ્ત થયો હતો. તેથી તે ન્યૂઝીલેન્ડ સામે ત્રણ વન-ડે અને બે ટેસ્ટ રમી શક્યો ન હતો. તે આ વર્ષે એક પણ ટેસ્ટ નથી રમ્યો. હવે ઓસ્ટ્રેલિયા વિરુદ્ધ ત્રીજી ટેસ્ટમાં રોહિત શર્માની વાપસીની શક્યતા છે. આ વર્ષે રોહિત શર્માથી વધુ મેચ ફી તો અજિંક્ય રહાણે અને ઋષભ પંતને મળી છે.

1.જસપ્રીત બુમરાહ - 1.38 કરોડ
2.વિરાટ કોહલી - 1.29 કરોડ
3.રવીન્દ્ર જાડેજા - 96 લાખ
4.અજિંક્ય રહાણે - 60 લાખ
5.ઋષભ પંત - 57 લાખ
રહાણેએ 2020માં ચાર ટેસ્ટ મેચ રમી હતી, જેથી તેને રૂ. 60 લાખ ફી મળી. પંતે આ વર્ષે 3 ટેસ્ટ, એક વન-ડે અને બે ટી-20 મેચ રમી છે. આ માટે તેને રૂ. 57 લાખ મળ્યા હતા.
- 1 ટેસ્ટ - 15 લાખ
- 1 વન-ડે - 6 લાખ
- 1 ટી-20 - 3 લાખ.