ગ્રેગ ચેપલે કહ્યું, ભારતીય યુવા ખેલાડીઓની સરખામણીએ ઓસ્ટ્રેલિયન યંગ પ્લેયર હજી પ્રાથમિક શાળામાં.

Published By : B.K.NEWS DAINIK
Published Date : 2021-01-23 12:04:54
Views : 375
Modified Date : 2021-01-23 12:04:54

ટીમ ઇન્ડિયાએ આ મહિને ઓછા અનુભવી યુવા ખેલાડીઓની સાથે ઓસ્ટ્રેલિયાને તેના જ ઘરે ટેસ્ટ શ્રેણીમાં 2-1થી પરાજિત કર્યું હતું. ભૂતપૂર્વ ઓસ્ટ્રેલિયન ખેલાડી ગ્રેગ ચેપલે આ માટે પોતાની ટીમ અને મેનેજમેન્ટની ટીકા કરી હતી. તેમણે કહ્યું કે ભારતીય યુવા ખેલાડીઓની તુલનામાં ઓસ્ટ્રેલિયન યુવા ખેલાડીઓ હજી પ્રાથમિક શાળામાં છે.મોર્નિંગ હેરાલ્ડ માટે એક કોલમમાં ચેપલે લખ્યું કે, "અમારા યુવા ક્રિકેટરો ભારતીય કરતા ઘણા નબળા છે. ભારતીય ખેલાડીઓ 16 વર્ષની ઉંમરથી જ પડકારજનક મેચ રમવા માટે ટેવાયેલા છે."

ભારતીય ટીમના ભૂતપૂર્વ કોચ ચેપલે લખ્યું છે કે, "મને ચિંતા છે કે ઓસ્ટ્રેલિયાના ખેલાડીઓ વિલ પુકોવસ્કી અને કેમેરોન ગ્રીન અનુભવની દ્રષ્ટિએ હજુ પ્રાથમિક શાળામાં છે."તેમણે ભારત અને ઓસ્ટ્રેલિયા વચ્ચેના ક્રિકેટમાં થતા ખર્ચાનો મોટો તફાવત દર્શાવતા કહ્યું હતું કે, તમે આ ઇલેક્ટ્રિક કારના યુગમાં 1960ની હોલ્ડિંગ્સ કાર બનાવી શકતા નથી.ચેપલે કહ્યું કે, BCCI તેના ક્રિકેટરો પર કરોડો રૂપિયા ખર્ચ કરે છે. તેની તુલનામાં, ક્રિકેટ ઓસ્ટ્રેલિયા તેની સ્થાનિક ટૂર્નામેન્ટ શેફિલ્ડ શિલ્ડ પર ફક્ત 321 કરોડ રૂપિયા ખર્ચે છે.તે બંને વચ્ચેનું માત્ર અંતર નથી, પરંતુ પેસિફિક મહાસાગરનો સમાન તફાવત છે.જો ક્રિકેટ ઓસ્ટ્રેલિયા જલ્દી તેમાં સુધારો નહીં કરે તો તે આપણા ક્રિકેટ માટે એક મોટું નુકસાન સાબિત થશે.

ઓસ્ટ્રેલિયા સામેની ટેસ્ટ સીરિઝમાં ભારતીય ટીમના 9 ખેલાડીઓ ઘાયલ થયા હતા. 7 ખેલાડીઓ શ્રેણીમાંથી બહાર થઈ ગયા હતા.પ્રથમ ટેસ્ટ બાદ વિરાટ કોહલી પણ પેટરનિટી લીવ પર ગયો હતો. આવી સ્થિતિમાં ભારતીય ટીમ યુવા ખેલાડીઓ સાથે મેદાન પર ઉતરી હતી.પ્રથમ ટેસ્ટમાં હાર્યા બાદ, દિગ્ગજોએ કહ્યું હતું કે, ટીમ ઈન્ડિયા 0-4થી શ્રેણી ગુમાવશે, પરંતુ ભારતીય ટીમે તેમને યોગ્ય જવાબ આપ્યો અને શ્રેણી જીતી લીધી.