છેલ્લા 10 વર્ષમાં ભારતમાં શ્રેણી જીતનાર એકમાત્ર ટીમ છે ઇંગ્લેન્ડ, 2012માં ટીમ ઇન્ડિયાને 2-1થી માત આપી હતી.

Published By : B.K.NEWS DAINIK
Published Date : 2021-01-27 13:07:41
Views : 365
Modified Date : 2021-01-27 13:08:37

ઓસ્ટ્રેલિયા સામે તેના ઘરે ટેસ્ટ સીરિઝ જીત્યા બાદ હવે ભારતીય ટીમ પોતાના ઘરઆંગણે ઇંગ્લેન્ડ સામે ટકરાશે. 5 ફેબ્રુઆરીથી શરૂ થઈ રહેલી 4 ટેસ્ટની આ સીરિઝમાં ભારત ફેવરિટ તરીકે મેદાને ઉતરશે. જોકે, ટીમ ઇન્ડિયાને ઘરઆંગણે છેલ્લા 10 વર્ષમાં કોઈએ ટેસ્ટ સીરિઝમાં હરાવ્યું હોય તો ઇંગ્લેન્ડ છે. આ દરમિયાન તેમણે ભારતને સૌથી વધુ વખત માત આપી છે.2012માં ઈંગ્લેન્ડે ભારતમાં રમાયેલી ચાર ટેસ્ટ મેચની શ્રેણીમાં ટીમ ઈન્ડિયાને 2-1થી હરાવી હતી. તે શ્રેણીમાં ભારતે અમદાવાદમાં રમાયેલી પ્રથમ ટેસ્ટ મેચ જીતી હતી. આ પછી, ઇંગ્લેન્ડે મુંબઇ અને કોલકાતા ટેસ્ટ જીતીને લીડ લીધી હતી. નાગપુરમાં છેલ્લી ટેસ્ટ મેચ ડ્રો રહી હતી.

ઇંગ્લેન્ડની ટીમે છેલ્લા 10 વર્ષમાં ટીમ ઈન્ડિયાને ટેસ્ટ ક્રિકેટમાં સૌથી વધુ વખત માત આપી છે. આ દરમિયાન, બંને ટીમો વચ્ચે 23 ટેસ્ટ રમાઈ છે. તેમાંથી ભારતે 7 જીતી છે. તે જ સમયે, ઇંગ્લેન્ડે 13માં જીત મેળવી છે. 3 ટેસ્ટ ડ્રો રહી છે. આ સમયગાળામાં ઇંગ્લેન્ડની એકમાત્ર ટીમ હતી જેણે ભારત સામેની હાર્યા કરતા વધુ મેચ જીતી છે. આ 10 વર્ષમાં, ભારતીય ધરતી પર બંને ટીમો વચ્ચે 9 મેચ રમાઈ છે. આમાં ભારતે 5 અને ઇંગ્લેન્ડે 2 મેચ જીતી હતી. 2 મેચ ડ્રો રહી હતી.

ભારતીય ટીમે ઇંગ્લેન્ડ સામે 2016માં ઘરઆંગણે 5 ટેસ્ટની શ્રેણી 4-0થી જીતી હતી. રાજકોટમાં પ્રથમ ટેસ્ટ મેચ ડ્રો રહી હતી. આ પછી ભારત વિશાખાપટ્ટનમ, મોહાલી, મુંબઇ અને ચેન્નાઈમાં ટેસ્ટ જીત્યું હતું. આ સાથે ટીમ ઇન્ડિયાએ 2012ની હારનો બદલો લીધો હતો.

* ભારતમાં રમાયેલી ઇન્ડિયા-ઇંગ્લેન્ડ ટેસ્ટ શ્રેણી:

વર્ષ	મેચ	ભારત	ઇંગ્લેન્ડ	ડ્રો
1933	3	0	2	1
1951	5	1	1	3
1961	5	2	0	3
1964	5	0	0	5
1972	5	2	1	2
1976	5	1	3	1
1980	1	0	1	0
1981	6	1	0	5
1984	5	1	2	2
1993	3	3	0	0
2001	3	1	0	2
2006	3	1	1	1
2008	2	1	0	1
2012	4	1	2	1
2016	5	4	0	1