બ્રુક બની શકે છે કોહલીની જેમ તમામ ફોર્મેટનો ખેલાડીઃ સ્ટોક્સ

Published By : parth lakhtaria
Published Date : 2022-12-14 18:05:53
Views : 406
Modified Date : 2022-12-14 18:05:53

ઇંગ્લેન્ડના ટેસ્ટ કેપ્ટન બેન સ્ટોક્સે સોમવારે કહ્યું કે યુવા બેટ્સમેન હેરી બ્રૂક ભારતના વિરાટ કોહલીની જેમ તમામ ફોર્મેટમાં સફળ ખેલાડી બની શકે છે.
સ્ટોક્સે સ્કાય સ્પોર્ટ્સને જણાવ્યું હતું કે, "તે એવા દુર્લભ ખેલાડીઓમાંનો એક છે જેને તમે તમામ ફોર્મેટમાં જુઓ છો અને તમે તેને દરેક જગ્યાએ સફળ થતો જોઈ શકો છો." આ કદાચ થોડી મોટી વાત છે, પરંતુ વિરાટ કોહલી એક એવી વ્યક્તિ છે જેની ટેકનિક સરળ છે અને દરેક જગ્યાએ કામ કરે છે. તેમણે વિપક્ષ પર જે દબાણ કર્યું છે તે જ દબાણ અમે કરવાનો પ્રયાસ કરી રહ્યા છીએ.
ઈંગ્લેન્ડના 23 વર્ષીય બેટ્સમેને મુલ્તાન ટેસ્ટની બીજી ઈનિંગમાં 109 રન ફટકાર્યા હતા, જેની મદદથી ઈંગ્લેન્ડે પાકિસ્તાનને 26 રનથી હરાવ્યું હતુ. આ ટેસ્ટ શ્રેણીની બે મેચમાં બ્રૂકની આ બીજી સદી હતી.
સ્ટોક્સે કહ્યું, બ્રૂક એક એવો ખેલાડી છે જેની ટેકનિક ત્રણેય ફોર્મેટને અનુકૂળ છે. તે હંમેશા વિરોધી ટીમ પર દબાણ બનાવવા માંગે છે અને ઇંગ્લેન્ડ માટે બીજી મેચ જીતી છે. આ પહેલા સપ્ટેમ્બરમાં ઇંગ્લેન્ડના
પાકિસ્તાન પ્રવાસ દરમિયાન બ્રૂક પોતાની ટીમ માટે સૌથી વધુ રન બનાવનાર બેટ્સમેન હતો. હાલ તે વન-ડે ટીમમાં સામેલ નથી, પરંતુ જોની બેયરસ્ટોની એડીની ઇજા ઠીક નહીં થાય તો તે ટૂંક સમયમાં ત્રીજા ફોર્મેટમાં પણ ઇંગ્લેન્ડનું પ્રતિનિધિત્વ કરી શકે છે.
સ્ટોક્સે કહ્યું, તેની સાથે કેપ્ટનશીપ કરવી સરળ છે. તે માત્ર પોતાની રમત વિશે વિચારે છે, પોતાની બેટિંગને પસંદ કરે છે, સતત સુધારો કરવા માંગે છે અને સતત તેના પર કામ કરે છે. તે તમારા ડ્રેસિંગ રૂમ માટે ખૂબ જ સારો ખેલાડી છે.