બાંગ્લાદેશ સામે શ્રેષ્ઠ પ્રદર્શન કરનાર દિપક ચહર બોલર્સ રેન્કિંગમાં 42મા સ્થાને પહોંચ્યો

Published By : B.K.NEWS DAINIK
Published Date : 2019-11-11 17:43:05
Views : 477
Modified Date : 2019-11-11 17:43:05

ભારતીય ફાસ્ટ બોલર દિપક ચહરે બાંગ્લાદેશ સામે વર્લ્ડ રેકોર્ડ પ્રદર્શન કરતાં 7 રન આપીને 6 વિકેટ લીધી હતી. તેમના આ પ્રકારના પ્રદર્શનથી તેઓને બોલિંગ રંકિંગમાં 88 સ્થાનના ફાયદા સાથે તેઓ બોલર્સ રેન્કિંગમાં 42મા સ્થાને પહોંચી ગયો છે. જોકે બોલર્સ રેન્કિંગમાં સ્લો-બોલર્સનો દબદબો યથાવત રહ્યો છે. ટોપ-9માંથી 8 સ્પિનર્સ છે. જેમાં અફઘાનિસ્તાનના રાશિદ ખાન 757 પોઈન્ટ્સ સાથે નંબર 1 અને ન્યુજીલેંડના મિચેલ સેન્ટનર 700 પોઈન્ટ્સ સાથે વર્લ્ડ નંબર 2 બોલર છે.ત્યારે તાજેતરમાં ભારતના દિપક ચહર ભારત માટે T-20માં હેટ્રિક લેનાર પ્રથમ બોલર બન્યો હતો. તેના પ્રદર્શન થકી ભારતે 2-1થી સીરિઝ પોતાના નામે કરી હતી.આમ બાબર આઝમ પ્રથમ ક્રમે યથાવત ત્યારે ભારતના રોહિત અને રાહુલનો ટોપ-10માં સમાવેશ થયો છે. રોહિત શર્મા બેટ્સમેન રેન્કિંગમાં સાતમા સ્થાને છે. તેના પછી લોકેશ રાહુલનો નંબર આવે છે. રાહુલે 52 રન કર્યા હતા અને એક સ્થાનના ફાયદા સાથે આઠમા સ્થાને આવ્યો છે. ઇંગ્લેન્ડનો ડેવિડ મલાન 782 પોઈન્ટ્સ સાથે ત્રીજા સ્થાને છે. ઓસ્ટ્રેલિયાનો કપ્તાન આરોન ફિન્ચ 807 પોઈન્ટ્સ સાથે બીજા સ્થાને છે. બાબર આઝમે પોતાનો નંબર 1 રેન્ક જાળવી રાખ્યો છે, તે 876 પોઈન્ટ્સ સાથે પ્રથમ સ્થાને છે. ભારત સામેની નિર્ણાયક મેચમાં 81 રનની ઇનિંગ્સ મોહમ્મદ નઇમ, ઇંગ્લેન્ડના જોની બેરસ્ટો સાથે સંયુક્તપણે 38મા સ્થાને છે.ટીમ રેન્કિંગની જો વાત કરવામાં આવે તો તેમાં પાકિસ્તાન પ્રથમ સ્થાને, ઓસ્ટ્રેલિયા કરતા માત્ર 1 પોઇન્ટ આગળ પાકિસ્તાન 270 પોઈન્ટ્સ સાથે પ્રથમ સ્થાને છે. ઓસ્ટ્રેલિયા 269 પોઈન્ટ્સ સાથે બીજા સ્થાને છે. ઇંગ્લેન્ડ, સાઉથ આફ્રિકા અને ઇન્ડિયા અનુક્રમે ત્રીજા, ચોથા અને પાંચમા સ્થાને છે. ત્રણેય ટીમ વચ્ચે પાંચ-પાંચ પોઈન્ટ્સનો જ અંતર છે.

T-20 રેન્કિંગ:

રેન્ક	બેટ્સમેન	પોઈન્ટ્સ	બોલર્સ	પોઈન્ટ્સ	ટીમ	પોઈન્ટ્સ
1	બાબર આઝમ	876	રાશિદ ખાન	757	પાકિસ્તાન	868
2	આરોન ફિન્ચ	807	મિચેલ સેન્ટનર	700	ઓસ્ટ્રેલિયા	815
3	ડેવિડ મલાન	782	ઇમાદ વસીમ	686	ઇંગ્લેન્ડ	796
4	કોલીન મુનરો	778	એડમ ઝાંપા	678	સાઉથ આફ્રિકા	782
5	ગ્લેન મેક્સવેલ	765	શાદાબ ખાન	673	ઇન્ડિયા	727