સુરેશ રૈના, સુઝાન ખાન અને ગુરુ રંધાવા સહિત 34 સેલેબ્સ પર કેસ, મુંબઇનાં પબમાં મોડી રાત સુધી પાર્ટી કરતાં હતા.

Published By : B.K.NEWS DAINIK
Published Date : 2020-12-22 13:52:10
Views : 453
Modified Date : 2020-12-22 13:52:10

મુંબઇ એરપોર્ટ નજીક ડ્રેગન ફ્લાય ક્લબમાં પોલીસે સોમવારે રાત્રે અઢી વાગ્યે દરોડો પાડ્યો હતો. ક્રિકેટર સુરેશ રૈના સહિત 27 સેલિબ્રિટીઝ અને 8 સ્ટાફ સામે IPC કલમ-188, 269 અને 34 હેઠળ કેસ નોંધવામાં આવ્યો છે. ક્લબમાં અનેક સેલિબ્રિટીઝ ઉપસ્થિત રહી હતી.મળતી માહિતી મુજબ જેડબ્લ્યુ મેરીયોટ ખાતેની ડ્રેગન ફ્લાય ક્લબ પર ડીસીપી જૈન, પીઆઈ યાદવ (ગોડવી પોલીસ સ્ટેશન)ની ટીમે દરોડો પાડ્યો હતો. રાજ્યમાં હજી પણ લોકડાઉનના નિયમો ચાલુ છે. આ નિયમો અંતર્ગત, રાત્રે 11 વાગ્યા પછી કોઈપણ પ્રકારની પાર્ટી અથવા જાહેર કાર્યક્રમો પર પ્રતિબંધ છે. આ પાર્ટીમાં દિલ્હીના 19 લોકો હતા. અન્ય લોકો પંજાબ અને દક્ષિણ મુંબઈના હતા. તેમાંના મોટાભાગના લોકોએ દારૂ પીધો હતો.મળતી માહિતી મુજબ દરોડા દરમિયાન ક્રિકેટર સુરેશ રૈના, ગાયક ગુરુ રંધાવા, સુઝાન ખાન (રિતિક રોશનની એક્સ વાઇફ) ત્યાં હાજર હતી. પોલીસ સૂત્રોએ જણાવ્યું કે, એક મોટો ગાયક પણ દરોડા દરમિયાન પાછલા ગેટ પરથી ભાગી ગયો હતો. આમાં બાદશાહનું નામ પણ સામે આવી રહ્યું છે.

લોકડાઉનના નિયમોનું ઉલ્લંઘન કરનાર સામે આઈપીસીની કલમ 188 અંતર્ગત કાર્યવાહી કરવામાં આવે છે. 1897ના મહામારી કાયદાના સેક્શન 3માં આ વાતનો ઉલ્લેખ કરવામાં આવ્યો છે કે જો કોઈ નિયમો ભંગ કરે છે અથના સરકાર નિયમ/ કાયદાનો ભંગ કરે છે તો તેમના પર ભારતીય કાયદાની કલમ 188 અંતગત દંડ કરવામાં આવે છે. આ જ રીતે કોઈ સરકારી કર્મચારી દ્વારા આપવામાં આવેલા આદેશનું પણ ઉલ્લંઘન કરવામાં આવે તો આ કલમ લગાવી શકાય છે. જો તમને સરકાર દ્વારા આપવામાં આવેલા આદેશો વિશે માહિતી છે અને તેમ છતાં તમે તે નિયમો તોડો છો તો કલમ 188 અંતર્ગત કાયદાકીય કાર્યવાહી કરવામાં આવે છે.