માર્કેટને ફળ્યા મહાદેવ! શ્રાવણનાં પહેલા સોમવારે શેરબજારમાં તેજી, સેન્સેક્સ નિફ્ટી બંનેમાં ઉછાળો

Published By : B.K.NEWS DAINIK
Published Date : 2022-08-01 11:49:50
Views : 297
Modified Date : 2022-08-01 11:49:50

સપ્તાહની શરૂઆતમાં શેરબજારમાં સારો એવો ઉછાળો મળ્યો છે.જેને લઈને સેન્સેક્સ-નિફ્ટી લીલા નિશાનમાં ખુલવામાં સફળ થયા છે. BSE સેન્સેક્સ અથવા 0.44 ટકાના વધારા સાથે 57,823.10 પર ખુલ્યો હતો. બીજી તરફ NSEનો નિફ્ટી 0.50 ટકાના ઉછાળા સાથે 17,243.20 પર ખુલ્યો હતો.

આજના કારોબારમાં NSEનો નિફ્ટી સારી વૃદ્ધિ દર્શાવે છે. તેના 50માંથી 33 શેરોમાં વધારો નોંધાઈ રહ્યો છે અને બાકીના 17 શેરો ઘટાડાનાં લાલ નિશાનમાં ટ્રેડ થઈ રહ્યાં છે. બેન્ક નિફ્ટી 26.6 પોઈન્ટ એટલે કે 37,518 ના સ્તર પર ટ્રેડ કરી રહ્યો છે.

સેક્ટોરિયસ સૂચકાંક

જો આપણે સેક્ટોરલ ઇન્ડેક્સની ચાલ પર નજર કરીએ, તો PSU બેન્ક, રિયલ્ટી, FMCG અને ITC સેક્ટર સિવાય અન્ય તમામ ક્ષેત્રીય સૂચકાંકો લીલા નિશાન સાથે ટ્રેડ થઈ રહ્યા હતા. મીડિયા શેરોમાં 1.33 ટકાનો ઉછાળો જોવા મળી રહ્યો છે. મેટલ અને ફાર્મા શેરોમાં 0.67-0.67 ટકાનો ઉછાળો જોવા મળી રહ્યો છે.

કયા શેરોમાં વધારો થયો

આજે, સૌથી ઝડપી શેરોમાં M&M 5.11 ટકાના ઉછાળા પર છે. સિપ્લા 3.78 ટકા અને મારુતિ 1.99 ટકા ઉપર છે. શ્રી સિમેન્ટ 1.61 ટકા અને ટાટા મોટર્સ 1.56 ટકાની મજબૂતી સાથે કારોબાર કરી રહ્યા છે.