અજય દેવગને અમદાવાદમાં ખોલ્યું 4 સ્ક્રીન મલ્ટીપ્લેક્સ

Published By :
Published Date : 2022-09-16 15:59:50
Views : 238
Modified Date : 2022-09-16 15:59:50

અજય દેવગને તેના બાળકોના નામે મલ્ટિપ્લેક્સ ખોલ્યું છે. ફિલ્મ એનાલિસ્ટ તરણે પોતાના સોશિયલ મીડિયા પર પોસ્ટ કરીને અમદાવાદમાં 4 સ્ક્રીન મલ્ટિપ્લેક્સ વિશે જાણકારી આપી હતી. તરણે ટ્વીટમાં લખ્યું- અજય દેવગને અમદાવાદમાં 4 સ્ક્રીનનું મલ્ટિપ્લેક્સ ખોલ્યું છે, જે આમ્રકુંજમાં આવેલું છે. થોડા વર્ષો પહેલા અજયે એનવાય સિનેમાની શરૂઆત કરી હતી, જેની હવે આણંદ, સુરત અને રાજકોટમાં ઘણી બ્રાન્ચ ખુલી છે. આ મલ્ટીપ્લેક્સ આ એનવાય સિનેમાનો એક ભાગ છે. ટૂંક સમયમાં આ 4 સ્ક્રીન મલ્ટીપ્લેક્સ થ્રીડીમાં શરૂ થશે. તમને જણાવી દઈએ કે અજયે આ મલ્ટિપ્લેક્સનું નામ તેના બાળકોના નામ પર રાખ્યું છે. હાલમાં જ કંગના રનૌતે અજય દેવગનના વખાણ કર્યા છે. થોડા દિવસો પહેલા કંગનાએ અજય પર તેની ફિલ્મો ન કરવાનો આરોપ લગાવ્યો હતો. થોડા મહિનાઓ બાદ હવે એક્ટ્રેસ અજયના વખાણ કરી રહી છે. કંગનાએ તેના ઈન્સ્ટાગ્રામ સ્ટોરી પર ટ્રેડ એનાલિસ્ટ તરણ આદર્શનું ટ્વીટ શેયર કર્યું છે. જેમાં કંગનાએ લખ્યું- આ સૌથી સારો અને સૌથી અસરકારક નિર્ણય છે, જેના દ્વારા સુપરસ્ટાર પોતાના પૈસા અને પાવરનો ઉપયોગ કરી શકે છે. આ મલ્ટિપ્લેક્સ માત્ર રોજગાર જ નથી આપતો, પરંતુ આપણી સ્ક્રીનની સંખ્યામાં પણ વધારો કરે છે. ભારતમાં અત્યાર સુધીમાં કુલ 7000 સ્ક્રીન છે જ્યારે ચીનમાં 70000થી વધુ સ્ક્રીન છે. આવી પરિસ્થિતિમાં મલ્ટિપ્લેક્સ ખોલવાનો નિર્ણય ઘણો સારો છે. અભિનંદન સર.