ઝેલેન્સ્કી-બિડેને સંરક્ષણ-નાણાકીય સહાયની અંગે ચર્ચા કરી

Published By : parth lakhtaria
Published Date : 2022-12-14 17:31:34
Views : 207
Modified Date : 2022-12-14 17:31:34

યુક્રેનના રાષ્ટ્રપતિ વોલોદિમીર ઝેલેન્સ્કી અને અમેરિકાના રાષ્ટ્રપતિ જો બિડેને યુક્રેનને અમેરિકા દ્વારા આપવામાં આવતી સંરક્ષણ અને નાણાકીય સહાય અંગે ચર્ચા કરી છે.
ઝેલેન્સ્કીની પ્રેસ સર્વિસે સોમવારે જણાવ્યું હતું કે બંને નેતાઓ વચ્ચે ફોન કોલ દરમિયાન, ઝેલેન્સ્કીએ બિડેનને તેમના સમર્થન બદલ આભાર માન્યો હતો. તેમણે કહ્યું કે, અમેરિકાના સમર્થનથી યુક્રેનને યુદ્ધના મેદાન પર આગળ વધવામાં અને આર્થિક સ્થિરતા જાળવવામાં મદદ મળી છે.
ઝેલેન્સ્કીએ ગયા શુક્રવારે યુનાઇટેડ સ્ટેટ્સ દ્વારા જાહેર કરાયેલા વધુ 275 મિલિયન ડોલરના સંરક્ષણ સહાય પેકેજ અને યુક્રેનની ઉર્જા પ્રણાલીના પુનર્નિર્માણ માટે સહાય માટે બિડેનનો વિશેષ આભાર વ્યક્ત કર્યો હતો.
બંને નેતાઓએ રૂસ-યુક્રેનિયન યુદ્ધનો અંત લાવવાના હેતુથી દસ મુદ્દાની પદ્ધતિ પર પણ ચર્ચા કરી હતી, જેનું ગયા મહિને ઝેલેન્સ્કીએ અનાવરણ કર્યું હતું. બંને નેતાઓએ યુક્રેનની હવાઈ સંરક્ષણ ક્ષમતા અને હુમલાઓથી મહત્વપૂર્ણ માળખાગત સુવિધાઓના રક્ષણ અંગે પણ ચર્ચા કરી હતી.