પીવી સિંધુએ રચ્યો ઇતિહાસ! સિંગાપોર ઓપનની ફાઇનલમાં ચાઈનીઝ ખેલાડીને હરાવીને પ્રથમ વખત જીત્યું ટાઇટલ

Published By : B.K.NEWS DAINIK
Published Date : 2022-07-17 12:33:07
Views : 331
Modified Date : 2022-07-17 12:33:07

સિંગાપુર ઓપન 2022માં ભારતીય બેડમિંટન સ્ટાર પીવી સિંધુએ ધમાલ મચાવતા ખિતાબ પોતાના નામે કર્યો છે. બે વારની ઓલંપિક પદક વિજેતા પીવી સિંધુએ ફાઈનલમાં ચાઈનીઝ ખેલાડી જી યી વાંગને 21-9, 11-21, 21-15 પરાજય આપ્યો છે.

આ અગાઉ દુનિયા નંબર-7 બેડમિંટન સ્ટાર પીવી સિંધુએ સેમીફાઈનલમં જાપાનની વરીય સાઈના કાવાકામીને હરાવી હતી. સિંધુએ સેમીફાઈનલમાં 21-15, 21-7 અંતરથી સરળતાથી જીતી લીધી હતી. જાપાની સ્ટાર કાવાકામની એક પણ વાર સિંધુ પર ભારે પડી શકી નહોતી.

બે વખતની ઓલમ્પિક મેડલિસ્ટ અને વિશ્વ રેન્કિંગમાં સાતમાં નંબરની ખેલાડી પીવી સિંધુ લગભગ બે મહિના પછી પહેલી વખત ફાઇનલમાં પંહોચી હતી. અને જીતી પણ હતી. એમને થાઈલેન્ડ ઓપનમાં સેમિફાઇનલ સુધી પંહોચીને હારનો સામનો કરવો પડ્યો હતો. હાલના ટુર્નામેંટમાં સિંધુ એકલી ભારતીય ખેલાડી બચી છે. જે ફાઇનલ્સમાં પંહોચી હતી.