ઓક્સફોર્ડ પર વેક્સિનના ટ્રાયલમાં ગડબડનો આરોપ, શરૂઆતના તબક્કમાં વોલેન્ટિયર્સને વેક્સિનના ખોટા ડોઝ આપવામાં આવ્યા.

Published By : B.K.NEWS DAINIK
Published Date : 2021-02-02 12:09:54
Views : 379
Modified Date : 2021-02-02 12:09:54

ઓક્સફોર્ડ પર કોરોના વેક્સિનના ટ્રાયલમાં ગડબડ કરવાનો આરોપ લાગ્યો છે. ન્યુઝ એજન્સી રાયટર્સે તેની માહિતી આપી છે. રિપોર્ટ મુજબ શરૂઆતમાં ટ્રાયલમાં સામેલ થનારી 1500 વોલિન્ટિયર્સને વેક્સિનનો ખોટો ડોઝ આપવામાં આવ્યો હતો. તેમને આ અંગે જાણ પણ કરવામાં આવી ન હતી. ટ્રાયલના ચીફ ઈન્વેસ્ટિગેટર અને ઓક્સફોર્ડ યુનિવર્સિટીના પ્રોફેસર એન્ડ્રયૂ જે પોલાર્ડના એક લેટરથી આ અંગે ઘટસ્ફોટ થયો છે. જોકે ઓક્સફોર્ડે ભૂલ માનવાથી ઈન્કાર કર્યો છે.

પોર્ટુગલમાં 44 ટકા મૃત્યુ માત્ર જાન્યુઆરીમાં પોર્ટુગલમાં કોરોનાથી થતા મૃત્યુ વધી ગયા છે. અત્યાર સુધીમાં અહીં 12 હજાર 482 લોકોએ જીવ ગુમાવ્યો છે. ચિંતાની વાત એ છે કે તેમાંથી 44.7 ટકા એટલે કે 5576 લોકોના મોત આ વર્ષે જાન્યુઆરીમાં થયા છે.વિશ્વમાં અત્યાર સુધીમાં 10 કરોડ 39 લાખ 18 હજારથી વધુ લોકો સંક્રમણનો ભોગ બન્યા છે. તેમાંથી 7 કરોડ 57 લાખ લોકો સાજા થઈ ચૂક્યા છે. જ્યારે 22 લાખ 46 હજાર 963 લોકોના મોત થઈ ચૂક્યા છે. 2 કરોડ 59 લાખ દર્દી એવા છે, જેમની સારવાર ચાલી રહી છે. તેમાં 1 લાખથી વધુની સ્થિતિ ગંભીર હોવાનું કહેવાઈ રહ્યું છે.

અમેરિકામાં અત્યાર સુધીમાં 2 કરોડ 60 લાખથી વધુ લોકોને કોરોનાની વેક્સિન લગાવવામાં આવી છે. તેમાં 50 લાખ લોકો એવા છે, જેમને વેક્સિનના બે ડોઝ આપવામાં આવ્યા છે. વેક્સિનેશનના મામલામાં અમેરિકા હાલ પ્રથમ નંબરે ચાલી રહ્યું છે.યુરોપના બ્રસેલ્સ, બુડાપેસ્ટ અને વિયનામાં કોવિડ-19ના નિયમોને લઈને દેખાવો ઉગ્ર થયા છે. બેલ્જિયમમાં અત્યાર સુધીમાં 656 દેખાવકારોની ધરપકડ કરવામાં આવી છે. આ લોકો લોકડાઉન તોડીની રસ્તા પર ઉતરી આવ્યા હતા. હંગરીના બુડાપેસ્ટમાં પણ લોકોએ રેલી કાઢી હતી. રેલી દરમિયાન દેખાવકાર અને પોલીસની વચ્ચે ઝપાઝપી થઈ હતી. ઓસ્ટ્રિયાના વિયનામાં પણ આ જ સ્થિતિ હતી. અહીં પણ 62 લોકોની લોકડાઉન તોડવાના આરોપમાં ધરપકડ કરવામાં આવી હતી.

વેસ્ટર્ન ઓસ્ટ્રેલિયાના પ્રીમિયર માર્ક મેકગોવન જાહેરાત કરી કે લોકો માત્ર જરૂરી ખરીદી, મેડિકલ, એક્સરસાઈઝ જેવા કામ માટે જ નીકળી શકશે. જેને ઘરેથી કરાવા શકય નહિ હોય. સ્કુલ, મોટાભાગના બિઝનેસ, ઈન્ટરનેટ વેન્યુ અને ધાર્મિક સ્થળ બંધ કરવામાં આવ્યા છે. CNNના જણાવ્યા મુજબ મેકગોવને કહ્યું કે અહીં સ્થિતિ ખૂબ જ ગંભીર છે. આપણામાંથી દરેકે કમ્યુનિટીમાં વાઈરસ ફેલાતો અટકાય તેવી કોશિશ કરવી પડશે. લોકડાઉનવાળા વિસ્તારોની વસ્તી 20 લાખથી વધુ છે. આ પૈકીના મોટાભાગના રાજ્યની રાજધાની પર્થમાં છે.

ચીનમાં નકલી વેક્સિનના કારણે સરકાર પરેશાન છે. તેની વિરુદ્ધ દેશમાં કેમ્પેન ચલાવવવામાં આવી રહ્યું છે. CNNના જણાવ્યા મુજબ, અત્યાર સુધીમાં 80 લોકોની નકલી વેક્સિન ઓપરેશન અગેંસ્ટ ફેક વેક્સિન અતર્ગત ધરપકડ કરવામાં આવી છે. ત્રણ શહેરોમાં જિયાંગ્સૂ, બીજિંગ અને શાનડોંગમાં સ્થિતિ ગંભીર છે. રિપોર્ટ મુજબ, આ શહેરોમાંથી લગભગ 3000 નકલી ડોઝ જપ્ત કરવામાં આવ્યા છે. ચીન સરકારે સ્પષ્ટ કર્યું છે કે કોઈ પણ પ્રકારની નકલી વેક્સિન બનાવનારઓની વિરુદ્ધ સખ્ત કાર્યવાહી કરવામાં આવે.

વેસ્ટર્ન ઓસ્ટ્રેલિયામાં હોટલનો સિક્યોરિટી સ્ટાફ સંક્રમિત મળ્યા પછી 5 દિવસનું લોકડાઉન લાગુ કરવામાં આવ્યું છે. પર્થ મેટ્રોપોલિટન એરિયા અને સાઉથ વેસ્ટ રીઝનમાં સંપૂર્ણ રીતે લોકાડાઉન રહેશે. આ એરિયામાં 20 લાખથી વધુ લોકો રહે છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links