અમદાવાદમાં મચ્છરજન્ય રોગચાળો વકર્યો

Published By :
Published Date : 2022-09-20 15:33:52
Views : 309
Modified Date : 2022-09-20 15:33:52

ચાલુ માસ દરમિયાન ડેન્ગ્યુન કેસો વધ્યા
અમદાવાદ મ્યુનિસિપલ કોર્પોરેશનના આરોગ્ય વિભાગના ઇન્ચાર્જ વડા ડો. ભાવિન સોલંકીએ જણાવ્યું હતું કે ચાલુ માસ દરમિયાન ડેન્ગ્યુન કેસોમાં વધારો જોવા મળ્યો છે. 17 સપ્ટેમ્બર સુધીમાં મચ્છરજન્ય રોગોમાં ડેન્ગ્યુના 470, મેલેરિયાના 135, ચિકનગુનિયાના 28 અને ઝેરી મેલેરિયા 13 કેસો નોંધાયા છે. પાણીજન્ય રોગોમાં ઝાડા ઉલટીના 293, ટાઈફોઈડ 196, કમળાના 119 કેસો નોંધાયા છે. ડેન્ગ્યુના સૌથી વધુ કહેશો શહેરના પશ્ચિમ વિસ્તારમાં બોડકદેવ, થલતેજ, વસ્ત્રાપુર, બોપલ, ઘુમા, નવરંગપુરા અને પાલડી સહિતના વિસ્તારોમાં જ્યારે પૂર્વ વિસ્તારમાં રામોલ, હાથીજણ અને લાંભા વોર્ડમાં નોંધાયા છે.

સ્વાઇન ફલૂમાં 70 ટકા દર્દીઓ હોસ્પિટલમાં
સ્વાઈન ફ્લૂના કેસો સપ્ટેમ્બર મહિનામાં 216 જેટલા નોંધાયા છે. જેમાં સ્વાઇન ફલૂમાં 70 ટકા દર્દીઓ હોસ્પિટલમાં અને 30 ટકા દર્દીઓ ઘરે સારવાર લઈ રહ્યાં છે. સ્વાઈન ફ્લૂના કેસોમાં ઘટાડો જોવા મળ્યો છે. શહેરમાં સૌથી વધુ કહેર સ્વાઈન ફ્લૂ અને ડેન્ગ્યુ, ઝાડા-ઊલટી જોવા મળી રહ્યો છે. સરકારી અને ખાનગી હોસ્પિટલો વાઇરલ ઇન્ફેકશનના દર્દીઓ વધ્યા છે.વધુમાં તેમણે જણાવ્યું હતું કેશહેરના વિવિધ વિસ્તારોમાં રોગચાળોને રોકવા માટેના પ્રયાસ પણ મ્યુનિસિપલ કોર્પોરેશન તંત્ર દ્વારા કરવામાં આવી રહ્યા છે.

સપ્ટેમ્બર મહિનામાં 751 પાણીના સેમ્પલ લેવામાં આવ્યા
અમદાવાદ મ્યુનિસિપલ કોર્પોરેશનના આરોગ્ય વિભાગ દ્વારા શહેરના વિવિધ વિસ્તારમાંથી સપ્ટેમ્બર મહિનામાં 751 પાણીના સેમ્પલ લેવામાં આવ્યા હતા. જેમાં 24 જેટલા સેમ્પલ અનફીટ જાહેર થયા છે. અનફીટ જાહેર થયેલા સેમ્પલોમાં મુખ્યત્વે શહેરના પૂર્વ વિસ્તારમાં જાહેર થયા છે. જ્યાંથી પાણીના સેમ્પલ અનફીટ જાહેર થયા છે ત્યાં કોર્પોરેશનના એન્જિનિયરિંગ વિભાગ દ્વારા પાણીની પાઇપ લાઇન બદલવાની અને સાફ કરવાની કામગીરી કરવામાં આવે છે અને આરોગ્ય વિભાગ દ્વારા ક્લોરિનની ગોળીઓનું વેચાણ કરવામાં આવે છે.