જાપાનના આરોગ્ય મંત્રાલયે સ્વીકાર્યું કે, કોવિડ રસીકરણથી મૃત્યુ થઈ શકે

Published By : B.K.NEWS DAINIK
Published Date : 2023-03-10 16:10:33
Views : 458
Modified Date : 2023-03-10 16:10:33

જાપાનના આરોગ્ય, શ્રમ અને કલ્યાણ મંત્રાલયે પુષ્ટિ કરી છે કે રસીકરણ પછીના કુલ 1791 મૃત્યુમાંથી એક વ્યક્તિની મોત કોવિડ 19 રસીકરણને કારણે થયો હતો.
આજે પ્રકાશિત એક રિપોર્ટમાં આ જાણકારી આપવામાં આવી છે. રિપોર્ટમાં કહેવામાં આવ્યું છે કે, 42 વર્ષીય મહિલાને 5 નવેમ્બર, 2022 ના રોજ રસી આપવામાં આવી હતી અને રસીકરણના એક કલાક અને 40 મિનિટ પછી તેનું મોત નિપજ્યું હતું. આ મહિલા મેદસ્વીપણું, ડાયાબિટીસ અને હાઈ બ્લડપ્રેશરથી પીડાતી હતી, પરંતુ પરીક્ષણોમાં સૂચકાંકોમાં કોઈ વિચલન જોવા મળ્યું ન હતું, જેના કારણે સંભવતઃ તેનું મૃત્યુ થઈ શકે.
અહેવાલમાં કહેવામાં આવ્યું છે કે મંત્રાલયની નિષ્ણાત સમિતિએ તારણ કાઢ્યું છે કે રસીકરણ અને મૃત્યુ વચ્ચેની એક પ્રકારની કડીને નકારી શકાય નહીં. સાથે જ રસીકરણ કેન્દ્રના મેડિકલ સ્ટાફે પણ ગંભીર ભૂલો કરી હોવાનું નિષ્ણાતોએ જણાવ્યું હતું. તીવ્ર એલર્જીના સંકેતો હોવા છતાં મહિલાને એડ્રેનાલિનનું ઇન્જેક્શન આપવામાં આવ્યું ન હતું.
જાપાનમાં રોગચાળાની શરૂઆતથી અત્યાર સુધીમાં 3.32 મિલિયનથી વધુ ચેપ, 2.17 મિલિયન રિકવરી અને 72,989 લોકોનાં મોત નીપજ્યાં છે. દેશમાં કોરોના રસીના કુલ 28.97 કરોડ ડોઝ આપવામાં આવ્યા છે.