ભારતના સુંદર પિચાઇ ગૂગલ ઉપરાંત આલ્ફાબેટના પણ CEO બન્યા છે

Published By : B.K.NEWS DAINIK
Published Date : 2019-12-04 13:20:13
Views : 514
Modified Date : 2019-12-04 13:20:13

ગૂગલના સહ-સંસ્થાપકો લેરી પેજ અને સર્ગેય બ્રિનએ પેરેન્ટ કંપની આલ્ફાબેટમાંથી પોતાના પદેથી રાજીનામું આપી દીધુ છે.જેના કારણે ભારતીય મૂળના સુંદર પિચાઇ હવે ગૂગલની સાથે-સાથે આલ્ફાબેટના પણ CEO બન્યા છે. કોઇપણ ભારતીય કે ભારતીય મૂળના વ્યક્તિ માટે આ ગૌરવની વાત મનાય છે.બ્રિન અને પેજએ પોતાના રાજીનામા અંગે ગૂગલ બ્લોગ પોસ્ટમાં જણાવ્યુ હતું કે કંપનીની સ્થાપનાને 21 વર્ષ થયા છે. આમ સુંદર પિચાઇ ગૂગલ કંપની સાથે 2004માં જોડાયેલા હતા. સુંદરનો પહેલો પ્રોજેક્ટ પ્રોડક્ટ મેનેજમેન્ટ અને ઇનોવેશન બ્રાંચમાં હતો. તેઓનું કામ ગૂગલના સર્ચ ટૂલબારને શ્રેષ્ઠ બનાવવું અને અન્ય બ્રાઉઝરના ટ્રાફિકને ગૂગલ પર લાવવાનું હતું.આ દરમિયાન તેઓએ સુચન કર્યુ હતું કે ગૂગલે પોતાનું બ્રાઉઝર લૉન્ચ કરવું જોઇએ.આ આઇડિયાથી તેઓ લેરી પેજની નજરમાં આવ્યા.એન્ડ્રોઇડ ઓપરેટિંગ સિસ્ટમના ડેવલપમેન્ટ અને વર્ષ 2008માં ગૂગલ ક્રોમના લૉન્ચિંગમાં તેઓની ભૂમિકા મોટી રહી. પછી તેઓ ગૂગલ ડ્રાઇવ પ્રોજેક્ટનો હિસ્સો બન્યા.માર્ચ 2013માં સુંદર એન્ડ્રોઇડ પ્રોજેક્ટ સાથે જોડાયેલા. પહેલાં આ જવાબદારી એન્ડી રૂબિનની પાસે હતી.આમ ઉલ્લેખનીય છે કે દુનિયાને ગુગલ ક્રોમ,ગુગલ ડ્રાઇવ અને એન્ડ્રોઇડને ગુગલ સાથે જોડવાનો શ્રેય પણ સુંદર પિચાઇને જ જાય છે.જેમાં પિચાઈ CEO બન્યાં બાદ ગુગલની રેવન્યૂ 83% અને નફો 88% વધ્યો છે.જેમાં વર્ષ 1998માં શરૂ થયેલી ગુગલ કંપનીના પહેલાં સી.ઈ.ઓ લેરી પેજ હતા. તેઓએ 2001માં રાજીનામું આપ્યું. 2001થી 2011 સુધી એરિક શિમટ સીઈઓ રહ્યાં. 2011માં લેરી પેજ ફરી સીઈઓ બન્યાં. તે સમયે કંપનીનું માર્કેટકેપ 180 અબજ ડોલરની આસપાસ હતું. રેવન્યૂ 37.9 અબજ ડોલર અને નફો 9.7 અબજ ડોલર હતું. તેઓએ 2015માં રાજીનામું આપ્યું અને સુંદર પિચાઈ સીઈઓ બન્યાં. ત્યારે ગુગલનું માર્કેટ કેપ 450 અબજ ડોલર, રેવન્યૂ 75 અબજ ડોલર અને નફો 16.3 અબજ ડોલર હતો.આમ લેરીપેજ સાડા ચાર વર્ષના કાર્યકાળમાં માર્કેટકેપ 150%, રેવન્યૂ 97% અને નફો 68% વધ્યો છે. માર્કેટકેપ 816 અબજ ડોલર છે. એટલે કે સુંદર પિચાઈના 4 વર્ષના કાર્યકાળમાં માર્કેટકેપમાં 82%નો વધારો થયો છે. જ્યારે કંપની 2018માં રેવન્યૂ 136.8 અબજ ડોલર અને નફો 30.7 અબજ ડોલર રહ્યો. આ હિસાબે 2015ની તુલનાએ રેવન્યૂ 83% અને નફો 88% થયો.