બ્રાઝિલનું સૌથી મોટું બંદર ફૂટબોલર પેલે તરીકે ઓળખાશે

Published By : B.K.NEWS DAINIK
Published Date : 2022-12-31 13:50:40
Views : 275
Modified Date : 2022-12-31 13:50:40

બ્રાઝિલના સાન્તોસ શહેરના સૌથી મોટા બંદરનું નામ ત્રણ વખતના વિશ્વ ફૂટબોલ ચેમ્પિયન પેલેના નામ પરથી રાખવામાં આવશે. બ્રાઝિલના ન્યૂઝ પોર્ટલ જી1એ સાન્તોસના પૂર્વ મેયર પાઉલો એલેસેન્ડ્રી બાર્બોસાને ટાંકીને જણાવ્યું છે.
દુનિયાના ફૂટબોલના જાદુગર પેલે 82 વર્ષની ઉંમરે ગુરુવારે દુનિયાને અલવિદા કહી દીધું હતું. બ્રાઝિલના મીડિયાએ એક હોસ્પિટલને ટાંકીને અહેવાલ આપ્યો છે કે, પેલેને આંતરડાના કેન્સરની સારવાર છે. પેલેના મોટા ભાગના અંગો કામ ન કરવાને કારણે તેમનું મૃત્યુ થયું હતું.
બ્રાઝિલના રાષ્ટ્રપતિ જૈર બોલ્સોનારોએ પેલેના સન્માનના પ્રતીક રૂપે ત્રણ દિવસના શોકની જાહેરાત કરી હતી.
પેલેને સપ્ટેમ્બર ૨૦૨૧ માં કોલોન ટ્યુમર હોવાનું નિદાન થયું હતું. આ વર્ષે તેમને ટ્યુમર અને યુરિનરી ટ્રેક્ટ ઇન્ફેક્શનની સારવાર માટે બે વખત હોસ્પિટલમાં દાખલ કરવામાં આવ્યા હતા. 30 નવેમ્બર, 2022 ના રોજ, પેલેને હૃદય સંબંધિત સમસ્યાઓ અને શરીરમાં સોજો આવવાને કારણે હોસ્પિટલમાં દાખલ કરવામાં આવ્યા હતા. પેલે કીમોથેરાપી આપ્યા પછી પણ કોઈ ફાયદો થયો ન હતો.