ઈલેક્ટ્રિક વાહનોને પ્રોત્સાહનની વાતો વચ્ચે ઈલે. ટુ વ્હીલરના વેચાણમાં ગાબડું

Published By : B.K.NEWS DAINIK
Published Date : 2019-10-23 13:12:23
Views : 516
Modified Date : 2019-10-23 13:12:23

સરકાર દ્વારા પ્રદુષણની સમસ્યાના નિરાકરણ માટે ઈલેક્ટ્રિક વાહનોને પ્રોત્સાહન આપવાની નીતિ ઘડી રહી છે તેની બીજી તરફ ચાલુ નાણાંકીય વર્ષના પ્રથમ છ માસમાં સરકારની ઈન્સેન્ટિવ યોજના હેઠળ ઈલેક્ટ્રિક ટુ વ્હીલરના વેચાણમાં ૯૦ ટકાથી વધુનું ગાબડું નોંધાતા તંત્ર ચિંતામાં મુકાઈ જવા પામ્યું છે.ફાસ્ટ એડોપ્શન એન્ડ મેન્યુફેકચરીંગ વ્હિકલ્સના બીજા તબક્કા હેઠળ એપ્રિલ-સપ્ટેમ્બરમાં લગભગ ૩૦૦૦ ઈલેક્ટ્રિક ટુ-વ્હીલર વેચાયાં હતાં. જે ૨૦૧૮ના સમાન છ મહિનાના વેચાયેલા ૪૮૬૭૧ યુનિટની સરખામણીએ તીવ્ર ઘટાડો દર્શાવે છે. આ આંકડા સોસાયટી ઓફ મેન્યુફેકચર્સ ઓફ ઈલેક્ટ્રિક વ્હિકલ્સ (SMEV) તરફથી મળેલી માહિતીના છે.આ યોજના હેઠળ માત્ર સબસીડી નીચે નથી ગઈ. પરંતુ જે પ્રોડક્ટસની ઉપર આવા ઈન્સેન્ટિવ મળતાં હતાં તે પણ મોંઘી થઈ હોવાથી ખરીદદારો વધારે વાજબી અને ઓછી-સ્પીડ ધરાવતાં વાહનો ખરીદવાનું પસંદ કરે છે.ઉદ્યોગજગતના અંદાજ પ્રમાણે, ૨૦૧૯ના એપ્રિલ-સપ્ટેમ્બરની વચ્ચે ઓછી સ્પીડ ધરાવતા લગભગ ૪૯,૦૦૦ ઈલેક્ટ્રિક ટુ-વ્હીલર વેચાયાં હતાં. ઓછી સ્પીડવાળાં વાહનોમાં નાની લિથિયમ-આયન બેટરી હોય છે અને તેનોએક્વિઝિશન તથા રિપ્લેસમેન્ટ ખર્ચ પણ નીચો હોય છે.આ યોજના હેઠળ નાની બેટરીને સબસિડીનો લાભ મળતો નથી. માત્ર પ્રતિ કલાક ૪૦ કિલોમીટરની મહત્તમ સ્પીડ સાથેના ઈલેક્ટ્રિક ટુ-વ્હીલર્સ અને પ્રતિ ચાર્જ ૮૦ કિલોમીટરની રેન્જને જ સબસીડી મળે છે. આ નિયમને કારણે આવાં વાહનોને પાવર આપવા માટે મોટી બેટરીની જરૂર પડે છે પરંતુ તેમની ખરીદ કિંમત વધી જતી હોય છે. આ કારણથી લોકો ઈલેક્ટ્રિક ટુ-વ્હીલર ખરીદરવાથી દૂર થઈ ગયા છે.