રાહુલ ગાંધીની સુરક્ષામાં મોટી ચૂકઃ શિલોંગમાં રેલી દરમિયાન અચાનક જ હેલિકોપ્ટર ચક્કર લગાવતા વિવાદ

Published By : B.K.NEWS DAINIK
Published Date : 2023-02-24 17:07:38
Views : 501
Modified Date : 2023-02-24 17:07:38

કોંગ્રેસ નેતા રાહુલ ગાંધી બુધવારે શિલોંગમાં ભાષણ આપી રહ્યા હતા. આ દરમિયાન અચાનક એક હેલિકોપ્ટર જમીનની ઉપરથી ચક્કર લગાવવા લાગ્યું. જેના કારણે તેમની સુરક્ષામાં તૈનાત સુરક્ષાકર્મીઓ પણ સતર્ક થઈ ગયા હતા. કોંગ્રેસ નેતા અલકા લાંબાએ ટ્વીટ કરીને આ અંગે માહિતી આપી હતી. તેમણે એક વીડિયો ટ્વીટમાં લખ્યું, આજે મેઘાલયના શિલોંગમાં રાહુલ જીના ભાષણની વચ્ચે અચાનક એક હેલિકોપ્ટર આવ્યું અને જમીનની બરાબર ઉપર ચક્કર મારવા લાગ્યું, રાહુલજીના સુરક્ષાકર્મીઓ પણ સતર્ક થઈ ગયા હતા.

રાહુલે શિલોંગમાં ભાજપ અને ટીએમસી પર આકરા પ્રહારો કર્યા હતા. તેમણે કહ્યું કે ભાજપને મેઘાલયની ભાષા, સંસ્કૃતિ અને ઈતિહાસને નુકસાન પહોંચાડવા દેવામાં આવશે નહીં. તે જ સમયે, તેમણે TMC વિશે કહ્યું કે મેઘાલયના લોકો ટીએમસીની પરંપરાઓ – પશ્ચિમ બંગાળમાં હિંસા અને કૌભાંડોથી વાકેફ છે. રાહુલે કહ્યું કે ગોવાની ચૂંટણીમાં ટીએમસીએ મોટો ખર્ચ કર્યો, તે જ મેઘાલયમાં ભાજપને જીતાડવા માટે કરી રહી છે.

રાહુલ ગાંધીએ આરોપ લગાવ્યો કે ભાજપ અને આરએસએસ પોતાની વિચારધારાથી દેશની સંસ્થાઓ પર હુમલો કરી રહ્યા છે. તેમણે આરોપ લગાવ્યો કે, “ચાહે તે તમિલનાડુ હોય, કર્ણાટક હોય, જમ્મુ અને કાશ્મીર હોય કે હરિયાણા – દરેક રાજ્ય પર આરએસએસ દ્વારા હુમલો કરવામાં આવી રહ્યો છે. તમામ રાજ્યો પર એક વિચાર લાદવામાં આવી રહ્યો છે.” તેમણે કહ્યું, “ભારતની દરેક સંસ્થા – પછી તે સંસદ હોય, મીડિયા હોય, નોકરશાહી હોય, ચૂંટણી પંચ હોય કે ન્યાયતંત્ર – આરએસએસ અને ભાજપની વિચારધારાના દબાણ હેઠળ હોય છે.

કર્ણાટકમાં ધર્માંતરણ વિરોધી કાયદા અને મોબ લિંચિંગની ઘટનાઓનો ઉલ્લેખ કરતા તેમણે આરોપ લગાવ્યો કે ભાજપ દેશમાં સાંપ્રદાયિક ધ્રુવીકરણ કરી રહી છે. ગાંધીએ કહ્યું, અમે તેનો વિરોધ કરીશું. તેમણે કહ્યું કે તેમની કન્યાકુમારીથી કાશ્મીર સુધીની ‘ભારત જોડો યાત્રા’ દેશને તેની સામે એકજૂટ કરવાની હતી