બ્રાઝિલમાં ચાર મહિનામાં 570 બાળકોના મોતઃ મેડિકલ ઈમરજન્સી જાહેર કરાઈ

Published By : B.K.NEWS DAINIK
Published Date : 2023-01-24 16:45:42
Views : 478
Modified Date : 2023-01-24 16:45:42

બ્રાઝિલના આરોગ્ય મંત્રાલયે ગેરકાયદેસર સોનાની ખાણને કારણે કુપોષણ અને થતા અન્ય રોગોથી બાળકોના મૃત્યુના અહેવાલો પછી વેનેઝુએલાની સરહદે આવેલ દેશના સૌથી મોટા રિઝર્વ યાનોમામીમાં મેડિકલ કટોકટી જાહેર કરી છે.

કુપોષણની સાથે-સાથે મેલેરિયા, ઝાડા-ઊલટીના કારણે બાળકોના મોત થઈ રહ્યા છે. તેની પાછળનું કારણ સોનાની ખાણ છે. આ લોકો માઇનિંગ દ્વારા સોનું કાઢવાની પ્રક્રિયામાં પારાનો ઉપયોગ કરે છે, જેના કારણે બાળકો મૃત્યુ પામી રહ્યા છે.

રાષ્ટ્રપતિ લુઇઝ ઇનાસિયો લુલા દા સિલ્વાની સરકારે જણાવ્યું કે, મેડિકલ ઈમરજન્સી જાહેર કરવાનો હેતુ યાનોમામીના લોકો માટે આરોગ્ય સેવાઓ પહોંચાડવાનો હતો. જેને પુરોગામી બોલ્સોનારો દ્વારા નાબૂદ કરવામાં આવી હતી. બોલ્સોનારોના શાસનના ચાર વર્ષમાં, 570 યાનોમામી બાળકો અસાધ્ય રોગોથી મૃત્યુ પામ્યા. અમેઝન જર્નલ મંચ સુમૌમાએ FOIA દ્વારા મેળવેલા ડેટા દ્રારા જણાવ્યું કે, આ બાળકોનું મૃત્યુ મુખ્યત્વે કુપોષણ સાથે સાથે મેલેરિયા અને ઝાડાથી પણ થયા છે.

લુલાએ શનિવારે રોરૈઈમા રાજ્યના બોઆ વિસ્ટામાં યાનોમામી આરોગ્ય કેન્દ્રની મુલાકાત લીધી હતી, બાળકો અને વૃદ્ધ પુરુષો અને સ્ત્રીઓની મુલાકાત કરી હતી, તેમની પાંસળીઓ ખૂબ જ પાતળી દેખાઈ રહી છે. લુલાએ ટ્વિટર પર કહ્યું કે મેં રોરૈમામાં માનવીય કટોકટી કરતાં વધુ જે જોયું તે નરસંહાર હતો. યાનોમામી સામે પૂર્વયોજિત અપરાધ, પીડા પ્રત્યે અસંવેદનશીલ સરકાર દ્વારા આચરવામાં આવ્યો હતો.

દાયકાઓથી ગેરકાયદે સોનાના દાણચોરો દ્વારા આરક્ષણ પર આક્રમણ કરવામાં આવ્યું છે, પરંતુ 2018માં બોલ્સોનારોની જીત બાદ ઘૂસણખોરીમાં અનેકગણો વધારો થયો છે. સંગઠિત અપરાધ સાથે જોડાયેલા હોવાના પણ સંકેતો મળી રહ્યા છે.

તાજેતરની હિંસક ઘટનાઓમાં, નદીઓ પર સ્પીડ બોટ પર સવાર માણસોએ ગામડાઓ પર ઓટોમેટિક હથિયારોથી ગોળીબાર કર્યો હતો. આ લોકો ખાણ માફિયાઓના પ્રવેશનો વિરોધ કરે છે. અધિકારોનું રક્ષણ કરતી એનજીઓ, ઇન્સ્ટિટ્યુટો સોશિયોએમ્બિયેન્ટલના સંશોધક, એસ્ટેવો સેનારાએ જણાવ્યું હતું કે લુલા સરકાર સત્તામાં આવી ત્યારથી કેટલાક સોનાની ખાણ માફિયાઓએ ડરથી વિસ્તાર છોડી દીધો છે અને તેઓ સરહદ પાર કરીને પડોશી ગુયાના અને સુરીનામમાં જતા રહ્યા હોવાનું જણાવ્યું હતું.

બ્રાઝિલમાં બાળકોના મોતની ઘટનાઓ નવી નથી. પરંતુ યાનોમામીમાં સોના ખીણના માફિયાઓનો આતંક વધી રહ્યો છે. આ લોકો થોડા પૈસા માટે બાળકો માટે કાળ બની રહ્યા છે. નવુ વર્ષ અને નવા રાષ્ટ્રપતિ લુલા દા સિલ્વા બ્રાઝિલ માટે શુભ સંકેતો સાબિત થઈ રહ્યા નથી. 1 જાન્યુઆરી, 2023ના રોજ દા સિલ્વાએ શપથ લીધા. આ પછી, અમેરિકન સંસદ જેવી સ્થિતિ અહીં બની. બોલ્સોનારોના સમર્થકોએ સંસદનો ઘેરાવ કર્યો હતો.

જ્યારે સ્થિતિ વધુ ખરાબ થઈ ત્યારે સેના પ્રમુખને પદ પરથી હટાવી દેવામાં આવ્યા હતા. હવે અહીંના એક વિસ્તારમાં મેડિકલ ઈમરજન્સી લાગાવવામાં આવી છે. ભૂતપૂર્વ રાષ્ટ્રપતિ બોલ્સોનારોના ચાર વર્ષમાં 570 યાનોમામી બાળકોના રોગોથી મૃત્યુ થયા હતા.