ટીવી એક્ટ્રેસ અમરીન ભટની હત્યાનો 24 કલાકમાં લીધો બદલો, જમ્મુ કાશ્મીરમાં સુરક્ષાદળોએ લશ્કરનાં 2 આતંકીઓને કર્યા ઠાર

Published By : B.K.NEWS DAINIK
Published Date : 2022-05-27 11:33:45
Views : 290
Modified Date : 2022-05-27 11:33:45

ગુરુવારે મોડી રાત્રે સુરક્ષા દળોએ 2 આતંકવાદીઓને ઠાર કર્યા

આ બંને આતંકવાદીઓ એ ટીવી એક્ટ્રેસ અમરીન ભટની કરી હતી હત્યા

આતંકવાદીઓની ઓળખ શાહિદ મુસ્તાક ભટ અને ફરહાન હબીબ તરીકે થઈ

જમ્મુ-કાશ્મીર પોલીસના જણાવ્યા અનુસાર, આ બંને એ જ આતંકવાદીઓ છે જેમણે અમરીન ભટની હત્યા કરી હતી. કાશ્મીર ઝોનના પોલીસ મહાનિરીક્ષક વિજય કુમને જણાવ્યું કે માર્યા ગયેલા બે આતંકવાદીઓની ઓળખ શાહિદ મુસ્તાક ભટ અને ફરહાન હબીબ તરીકે થઈ છે.તેણે લશ્કર-એ-તૈયબાના કમાન્ડર લતીફના નિર્દેશ પર ટીવી અભિનેત્રી અમરીન ભટ વિરુદ્ધ ગુનો કર્યો હતો. બંને તાજેતરમાં જ આતંકવાદી સંગઠનમાં જોડાયા હતા.

અમરીન ભટ સોશિયલ મીડિયા સ્ટાર હતી

પોલીસના જણાવ્યા અનુસાર માર્યા ગયેલા આતંકવાદીઓ પાસેથી 1 AK-56 રાઈફલ, 4 મેગેઝીન અને એક પિસ્તોલ મળી આવી છે. તે જ સમયે, શ્રીનગરના સૌરા વિસ્તારમાં એન્કાઉન્ટરમાં માર્યા ગયેલા લશ્કરના બે આતંકવાદીઓની ઓળખ શાકિર અહેમદ વાઝા અને આફરીન આફતાબ મલિક તરીકે થઈ છે. તેમની પાસેથી હથિયારો અને દારૂગોળો સહિતની ગુનાહિત સામગ્રી મળી આવી છે.આતંકવાદીઓના નિશાના પર બનેલી અમરીન ભટ ટીવી એક્ટ્રેસ હોવાની સાથે સોશિયલ મીડિયા સ્ટાર હતી. દેશમાં Tiktok પર પ્રતિબંધ પહેલા, તે આ પ્લેટફોર્મ પર તેના વીડિયો માટે ખૂબ જ પ્રખ્યાત હતી. ઉલ્લેખનીય છે કે, અમરીન ભટને બુધવારે બડગામના ચદૂરામાં આતંકવાદીઓએ તેમની ગોળી મારીને હત્યા કરી હતી.

હુમલામાં અમરીનનો ભત્રીજો પણ ઘાયલ થયો હતો

અમરીન ભટના સાળા ઝુબેર અહેમદે જણાવ્યું કે રાત્રે લગભગ 8 વાગે 2 લોકો ઘરે આવ્યા અને અમરીન ભટ (29)ને એક જગ્યાએ શૂટિંગ પર જવા માટે બોલાવ્યા. અમરીન ઘરની બહાર આવતાની સાથે જ ફાયરિંગ શરૂ કરી દીધું હતું. ગોળી વાગવાથી અમરીનનું ઘટનાસ્થળે જ મોત થયું હતું. અમરીનનો ભત્રીજો ફુરહાન ઝુબૈર પણ ગોળીબારમાં ઘાયલ થયો હતો, જેને મિલિટરી હોસ્પિટલમાં દાખલ કરવામાં આવ્યો છે, જ્યાં તેની હાલત નાજુક છે. આ ઘટના બાદ સુરક્ષાદળોએ સમગ્ર વિસ્તારને ઘેરી લીધો હતો અને સર્ચ ઓપરેશન શરૂ કર્યું હતું.