પોતાના માલિકના બોડીને છોડવા તૈયાર નહોતા ક્રિકેટર સાયમંડ્સનાં શ્વાન, કાર એક્સિડેન્ટમાં બચી ગયા

Published By : B.K.NEWS DAINIK
Published Date : 2022-05-17 13:03:06
Views : 484
Modified Date : 2022-05-17 13:03:06

એન્ડ્ર્યુ સાયમન્ડ્સનું કાર અકસ્માતમાં મૃત્યુ

રમત-ગમતના ક્ષેત્ર માટે સૌથી ખરાબ સમાચાર સામે આવ્યા હતા. ઓસ્ટ્રેલિયન પૂર્વ ક્રિકેટર એન્ડ્ર્યુ સાયમન્ડ્સનું શનિવારે રાત્રે માર્ગ અકસ્માતમાં નિધન થયું હતું. મળતી માહિતી અનુસાર, એન્ડ્ર્યુ સાયમન્ડ્સનું શનિવારે રાત્રે ટાઉન્સવિલેમાં એક કાર અકસ્માતમાં મોત થયું હતું. જો કે, તેઓને બચાવવાના પ્રયત્નો કરવામાં આવ્યા પરંતુ તમામ પ્રયાસો નિષ્ફળ ગયા. પોલીસે જણાવ્યું કે, માર્ગ અકસ્માતમાં તેઓને ગંભીર ઈજાઓ થઈ હતી.

ગાડીમાં તેમના બે કુતરાઓ પણ હતા

નજીકના વિસ્તારમાં રહેતા રહેવાસીઓ સૌથી પહેલા અકસ્માત સ્થળે પહોંચ્યા હતા. જ્યારે લોકો અકસ્માત સ્થળ પર પહોંચ્યા, ત્યારે તેઓએ કારને ઊંધી જોઈને નોંધ્યું કે સાયમન્ડ્સ હજુ અંદર છે, એન્જિન ચાલી રહ્યું છે અને રેડિયો ચાલુ છે. સાક્ષીઓના જણાવ્યા મુજબ, બે પાલતુ કૂતરા પણ હાજર હતા અને તેમણે સાયમન્ડ્સને છોડવાનો ઇનકાર કર્યો હતો. રિપોર્ટ્સ મુજબ, મોટા અવાજ સાંભળ્યા પછી રહેવાસીઓને ક્રેશ વિશે જાણ થઈ હતી.

કુતરાઓ સાયમન્ડ્સને છોડવા માંગતા ન હતા

અકસ્માત સ્થળે સૌથી પહેલા પહોંચનાર વ્યક્તિઓમાંના એકે કહ્યું કે કાર ઉંધી વળી ગઈ હતી અને સાયમન્ડ્સ કારની અંદર હતા. તેના પાલતું કુતરાઓ તેમને છોડવા માંગતા ન હતા. અમે તેમને બહાર ખેંચવાની કોશિશ કરી, રેડિયો પણ વાગતો હતો.

જુઓ પત્નીએ શું કહ્યું

સાયમન્ડ્સની પત્નીએ કહ્યું કે તેઓ હજુ પણ શોકમાં છે અને જે બન્યું તેની સાથે સમાધાન કરવાની કોશિશ કરી રહ્યા છે. તે કહે છે કે હાલમાં તે પોતાના બે બાળકો માટે ચિંતિત છે કે આ ઘટનાની તેમના પર શું અસર થશે. તેણે તેના સ્વર્ગસ્થ પતિને શ્રદ્ધાંજલિ અર્પણ કરી, તેને "અત્યંત ચિલ્ડ ઓપરેટર" જણાવ્યા, જેની પાસે હંમેશા દરેક માટે સમય હતો.