ભાજપનો વિકાસ પાકિસ્તાન સુધી પહોંચ્યો, પાક. નાગરિકને સક્રિય સભ્ય બનાવ્યો!

Published By : B.K.NEWS DAINIK
Published Date : 2019-09-13 12:32:19
Views : 638
Modified Date : 2019-09-13 12:32:19

ભાજપ દ્વારા દેશવ્યાપી સદસ્યતા અભિયાન ચલાવામાં આવી રહ્યું છે. જે અંતર્ગત મોટા મોટા કલાકારોથી લઇ સામાન્ય લોકો ભાજપમાં જોડાઇ રહ્યાં છે. ત્યારે સદસ્યતા અભિયાન હેઠળ કચ્છમાં પાકિસ્તાની નાગરિકને જ ભાજપનો સભ્ય બનાવી દેવાયો હોવાનું સામે આવ્યું છે.

ભાજપના સભ્ય તરીકે ફોર્મ સ્વીકારતો એક ફોટો હાલ સોશિયલ મીડિયામાં વાઇરલ થઇ રહ્યો છે. ફોટોમાં દેખાતો શખ્સ પાકિસ્તાનના મીઠી જિલ્લાનો રહેવાસી જયસિંહ છે. જયસિંહ છેલ્લા 4 વર્ષથી નખત્રાણામાં લોન્ગ ટર્મ વિઝા પર રહે છે. જો કે આ સમગ્ર મામલો બહાર આવ્યા બાદ ભાજપના પદાધિકારીઓ મૌન સેવી રહ્યાં છે.
ભારતીય જનતા પાર્ટી દ્વારા સક્રિય સદસ્ય અભિયાન આખરી તબક્કામાં પહોંચ્યું છે ત્યારે પક્ષના સભ્ય બનાવવા અંગેનો ટાર્ગેટ પૂરો કરવાનું જણવાઇ રહ્યું છે. જો કે જેને લઇને હોદ્દેદારોએ કચ્છના નખત્રાણામાં વિઝા પર રહેતા એક પાકિસ્તાની નાગરિકને ભાજપનો સક્રિય સભ્ય બનાવ્યો હોવાના અહેવાલ પ્રાપ્ત થયા છે.
આ વાત સોશિયલ મીડિયામાં ટીકાને પાત્ર બની છે. હાલ ભાજપ દ્વારા કચ્છમાં સદસ્ય અભિયાન હેઠળ સભ્ય બનાવવાને આખરી ઓપ અપાઇ રહ્યો છે. ત્યારે નખત્રાણામાં વિઝા પર રહેતા પાકિસ્તાનના નાગરિકને પણ ભાજપ સભ્ય પદ આપી દીધુ હોવાની વાત સોશિયલ મીડિયામાં ભારે ચર્ચા જગાવી છે.
જેમાં કચ્છના જિલ્લા અને તાલુકા ભાજપના હોદ્દેદારોએ ફોટા પણ સોશિયલ મીડિયામાં અપલોડ કરી દીધા હતા. ભાજપ દ્વારા સભ્ય બનાવવામાં આવેલા જયસિંહ છેલ્લા ત્રણ-ચાર વર્ષથી નખત્રાણામાં વિઝા પર રહે છે.
જેનું મૂળ વતન પાકિસ્તાનમાં આવેલ મીઠી જિલ્લાનું નાથળો ગામ છે. તેના પરિવારના સભ્યો કચ્છમાં અહી તેની સાથે રહે છે. જો કે એક સવાલ એ થાય છે કે આ અંગેની જાણકારી ભાજપના રાજ્યના હાઇકમાન્ડને ખબર છે કે નહીં.