ચારિત્ર્યની શંકાના કારણે પત્નીને છરીના ઘા મારીને હત્યા

Published By : B.K.NEWS DAINIK
Published Date : 2022-12-12 22:09:49
Views : 311
Modified Date : 2022-12-12 22:09:49

સિહોર (મધ્યપ્રદેશ)

મધ્યપ્રદેશના સિહોર જિલ્લાના શાહગંજ પોલીસ સ્ટેશન વિસ્તાર હેઠળના સંખેડી ગામમાં ગુરુવારે એક વ્યક્તિએ તેની પત્નીનું ગળું કાપીને હત્યા કરી દીધી હતી, એમ પોલીસે જણાવ્યું હતું. પોલીસે હત્યાનો ગુનો નોંધી તપાસ શરૂ કરી છે.
પોલીસ સૂત્રોના જણાવ્યા અનુસાર રમેશ પાર્ટેએ પોતાની પત્ની રામેતી (47)નું ગળું તિક્ષ્ણ હથિયારથી કાપી નાખ્યું હતું અને ઘટના સ્થળેથી ફરાર થઇ ગયો હતો. માહિતી મળતા જ પોલીસ ઘટના સ્થળે પહોંચી હતી અને પોસ્ટમોર્ટમ કર્યા બાદ મૃતદેહ પરિવારજનોને સોંપ્યો હતો. પોલીસે આ કેસમાં મૃતકના પુત્ર પાસેથી પણ માહિતી મેળવી છે.
એસડીઓપી શશાંક ગુર્જરે જણાવ્યું હતું કે આરોપીની ગૌહરગંજ વિસ્તારમાંથી ધરપકડ કરવામાં આવી છે. તેમને શાહગંજ લાવવામાં આવી રહ્યા છે. હત્યાના આરોપીની પૂછપરછ બાદ એ સ્પષ્ટ થઇ જશે કે હત્યાનું કારણ શું છે. પતિ-પત્ની વચ્ચે દરરોજ વિવાદ ચાલતો હોવાનું પ્રાથમિક માહિતીમાં બહાર આવ્યું છે. પતિને પત્નીના ચારિત્ર્ય પર શંકા ગઈ. આ કારણે પત્નીની નિર્મમ હત્યાની ઘટના સામે આવી છે.