ડીસા કોલેજમાં યોજાયો વેસ્ટઝોન યુનિવર્સિટી કક્ષા નો ક્રિકેટ બહેનોનો પ્રશિક્ષણ કેમ્પ

Published By : B.K.NEWS DAINIK
Published Date : 2022-06-19 11:00:19
Views : 298
Modified Date : 2022-06-19 11:00:19

વિદ્યાર્થીઓ ભણતરની સાથોસાથ રમત ગમત વિશે જાણતા થાય તે માટે રાજ્ય સરકાર દ્વારા દર વર્ષે શાળા અને કોલેજ કક્ષાએ ખેલ મહાકુંભનું આયોજન કરવામાં આવતું હોય છે જેના કારણે આજે વિદ્યાર્થીઓ વિવિધ રમતો વિશે જાણી તૈયાર થી અને આજે દેશ અને દુનિયામાં નામના મેળવી રહ્યા છે અત્યાર સુધી વિવિધ રમતોમાં પુરુષો જ ભાગ લઇ સારું પ્રદર્શન કરતા હતા. પરંતુ હવે પુરુષોની સરખામણીમાં મહિલાઓ પણ વિવિધ રમતગમત માં જોડાઈ સારું પ્રદર્શન કરી દેશ અને દુનિયામાં પોતાનું નામ ગજવી રહ્યા છે જે અંતર્ગત ડીસા ખાતે આવેલી ડી.એન.પી આર્ટસ એન્ડ કોમર્સ કોલેજ ખાતે આજથી 6 દિવસ દરમ્યાન હેમચદ્રાચાર્ય ઉત્તર ગુજરાત યુનિવર્સીટીની ક્રિકેટ બહેનોનો પ્રશિક્ષણ કેમ્પ યોજવામાં આવ્યો છે. આ પ્રશિક્ષણ કેમ્પમાં મહેસાણા, ઊંઝા, પાટણ, ચાણસ્મા,અને ડીસાની 13 ખેલાડી બહેનોએ ભાગ હતો. અને સતત કલાકો સુધી કોચ દ્વારા આ બહેનોને કોચિંગ આપવામાં આવી રહ્યું છે.ડીસા ખાતે ક્રિકેટ મેચમાં પ્રશિક્ષણ મેળવ્યા બાદ આ બહેનો હવે આગામી 19 તારીખે પૂર્ણિમા યુનિવર્સિટી જયપુર રાજ્થાન ખાતે રમવા જશે.આ કેમ્પનું આયોજન ડીસા કોલેજના પ્રોફસર ડૉ.આર. ડી ચૌધરીએ કરેલ અને કોચિંગમાં ટી.સી.ડી કોચશ્રી વિપુલભાઈ આલ તથા શૈલષભાઈ મકવાણાએ ખુબજ સહકાર આપ્યો હતો.યુનિવર્સિટી ક્રિકેટ ટીમની ખેલાડીઓને અભિનંદન અને શુભેચ્છાઓ પાઠવવા, ટ્રસ્ટીશ્રીઓ,કેમ્પસ નિયામકશ્રી સી.એસ.પટેલ.કોલેજ પ્રિન્સિપાલશ્રી આર.ડી દેસાઈ, હાજર રહેલ.