ઇન્ડિયા-ઇંગ્લેન્ડની પ્રથમ T-20માં યજમાન ફરી અપનાવશે સ્પિન-ટુ-વિન ફોર્મ્યુલા; વાંચો મેચનો ટેક્ટિકલ પ્રીવ્યૂ અને રેકોર્ડ્સ ઇન મેકિંગ.

Published By : B.K.NEWS DAINIK
Published Date : 2021-03-12 10:39:58
Views : 348
Modified Date : 2021-03-12 10:39:58

ભારત અને ઇંગ્લેન્ડ વચ્ચે 5 T-20 શ્રેણીની પ્રથમ મેચ આજે સાંજે 7 વાગે અમદાવાદના નરેન્દ્ર મોદી સ્ટેડિયમ ખાતે રમાશે. ટીમ ઇન્ડિયા છેલ્લી 7 શ્રેણીથી T-20માં અજેય છે. ટીમે છેલ્લે ફેબ્રુઆરી 2019માં કાંગારૂ સામે ક્રિકેટના સૌથી નાના ફોર્મેટમાં શ્રેણી ગુમાવી હતી. જ્યારે ઇંગ્લેન્ડ સામે તો 2014થી બાઈલેટરલ શ્રેણી ગુમાવી નથી, પરંતુ T-20માં ભૂતકાળના રેકોર્ડ અને માભા કરતાં વર્તમાન ફોર્મ અને મોમેન્ટમનું વધુ મહત્ત્વ છે. ટેસ્ટ શ્રેણી પોતાના નામે કર્યા છે પછી યજમાન ફરી એકવાર સ્પિન-ટુ-વિન ફોર્મ્યુલા અપનાવી શકે છે.

ભારત આ મેચમાં સિલેક્શનના ટેન્શન સાથે મેદાને ઊતરશે. પ્રથમ T-20 માટેની પ્લેઈંગ-11માં વિરાટ કોહલી, રોહિત શર્મા, હાર્દિક પંડ્યા અને યુઝવેન્દ્ર ચહલ જ શ્યોરશોર્ટ સ્ટાર્ટર છે. બીજા ઓપનર માટે શિખર ધવન અને લોકેશ રાહુલ વચ્ચે રેસ જામી હતી. જોકે મેચના એક દિવસ પહેલાં વિરાટે પ્રેસ- કોન્ફરન્સમાં ક્લિયર કરી દીધું છે કે રોહિત અને રાહુલ ફર્સ્ટ ચોઈસ ઓપનર્સ છે, ધવન ત્રીજો ઓપનર છે. જ્યારે મિડલ ઓર્ડરમાં બે સ્થાન માટે ઋષભ પંત, શ્રેયસ ઐયર, સૂર્યકુમાર યાદવ અને ઈશાન કિશાન વચ્ચે રેસ છે. આખી શ્રેણી દરમિયાન મિડલ ઓર્ડરમાં સ્પોટ માટે બધા ધુરંધરો વચ્ચે ઇન્ટેન્સ ફાઇટ જોવા મળશે.

રવીન્દ્ર જાડેજાની ગેરહાજરીમાં વી.સુંદર, અક્ષર પટેલ અને રાહુલ તેવટિયા વચ્ચે સાતમા ક્રમને પોતાનો કરવા માટેની રેસ જામશે. જો ટીમ મેનેજમેન્ટ ત્રણ સ્પિનર્સ સાથે રમવાનું વિચારે તો આ ત્રણમાંથી બે પ્લેયર્સને અંતિમ-11માં જગ્યા મળી શકે છે. એનાથી ટીમની બેટિંગને પણ સારી ડેપ્થ મળી જશે, તેથી લાગી રહ્યું છે કે કેપ્ટન કોહલી ત્રણ સ્પિનર્સને રમાડી શકે છે.ટીમ ઇન્ડિયા માટે અનુમાન લગાવવામાં આવી રહ્યું છે એમ માત્ર બે ફાસ્ટ બોલર સાથે રમે તો આ માટે કેપ્ટન કોહલીએ ભુવનેશ્વર કુમાર, દીપક ચહર, નવદીપ સૈની અને શાર્દૂલ ઠાકુરમાંથી બેની પસંદગી કરવાની રહેશે. લાંબા સમયથી ઇજાથી બહાર રહેલા ભુવનેશ્વરને રિધમ મેળવતાં ટાઇમ લાગશે, પરંતુ 6 મહિના પછી વર્લ્ડ કપ હોવાથી તેણે જલદી જ પોતાનું મહત્ત્વ સાબિત કરવું પડશે. તેની ગેરહાજરીમાં દીપક ચહરે સ્વિંગ બોલર તરીકે પોતાની સારી છબિ બનાવી લીધી છે તેમજ જસપ્રીત બુમરાહ અને ટી. નટરાજન હોય ત્યારે ભુવનેશ્વર માટે ખાલી માભાના આધારે અંતિમ-11માં સ્થાન મેળવવું અઘરું રહેશે.

ઇન્ડિયા-ઇંગ્લેન્ડ ટેસ્ટ શ્રેણી પહેલાં નરેન્દ્ર મોદી સ્ટેડિયમ ખાતે સૈયદ મુસ્તાક અલીની નોકઆઉટ મેચ રમાઈ હતી. ક્વાર્ટર ફાઇનલ, સેમિ-ફાઇનલ અને ફાઇનલ સહિતની સાત મેચમાં કોઈપણ ટીમ 180 રનનો આંક વટાવી શકી નહોતી. આ દરમિયાન હાઈએસ્ટ સ્કોર 164 રનનો રહ્યો હતો. ઓવરઓલ સાતેય મેચમાં ફર્સ્ટ ઇનિંગ્સનો એવરેજ સ્કોર 138 રન હતો. 7માંથી 5 મેચ ચેઝ કરનાર ટીમ જીતી હતી, જ્યારે 2 મેચ ડિફેન્ડ કરનાર ટીમ જીતી હતી.મોટેરા ખાતે સૈયદ મુસ્તાક અલીની મેચોથી એ અંદાજો આવી ગયો કે તાપમાનનો મેચના રિઝલ્ટ પર અને સ્પિનના યુઝ પર સીધો ઈમ્પૅક્ટ રહેશે. ઇન્ડિયન ડોમેસ્ટિક ક્રિકેટની 7 નોકઆઉટ મેચમાં એ સ્પષ્ટ થયું કે, પ્રથમ ઇનિંગ્સમાં સ્પિનર્સને બીજી ઇનિંગ્સની સરખામણીએ વધુ ફાયદો થયો. બીજી ઇનિંગ્સમાં ખાસ કરીને ઝાકળ બોલર્સ માટે બોલ ગ્રિપ કરવાનું કામ અઘરું કરશે. સૈયદ મુસ્તાક અલીમાં ફર્સ્ટ ઇનિંગ્સમાં સ્પિનર્સે દર 25 રને એક વિકેટ ઝડપી જયારે બીજી બોલિંગ કરતી વખતે દર 47 રને એક વિકેટ ઝડપી.

ભારતની સરખામણીએ ઇંગ્લેન્ડની બેટિંગ લાઈન-અપ વધુ સેટલ્ડ છે. જેસન રોય, જોસ બટલર, ડેવિડ મલાન, જોની બેરસ્ટો, બેન સ્ટોક્સ અને ઓઇન મોર્ગન. તેમના ટોપ-6 એકદમ નક્કી છે. જ્યારે બોલિંગ ડિપાર્ટમેન્ટમાં જોફરા આર્ચર, આદિલ રાશિદ અને ક્રિસ જોર્ડનનું પણ પ્લેઈંગ-11માં રમવું નિશ્ચિત છે. આર્ચરની ઇન્જરી વિશે સસ્પેન્સ યથાવત છે. એ જોતાં ઇંગ્લેન્ડ પાસે 2-3 સ્પોટ ખાલી રહે છે. સાતમા, આઠમા નંબરે મોઇન અલી, સેમ કરનમાંથી કોઈ બેની પસંદગી થશે. અને જો આર્ચર ઈજાગ્રસ્ત હોય તો માર્ક વૂડ અથવા રીસ ટોપ્લેમાંથી એકને તક મળશે.

ઇંગ્લેન્ડ આદિલ રાશિદ સિવાય બીજા સ્પિનર તરીકે મોઇન અલીને રમાડે તે લગભગ નક્કી છે. હવે મોઇન અલી ડાબોડી બેટ્સમેન સામે વધુ સફળ રહ્યો છે. જમણા હાથના ઓફ-સ્પિનર પાસેથી આપણે આવી જ કંઈક અપેક્ષા રાખતા હોઈએ છીએ. ગયા વર્ષે ઇંગ્લેન્ડે મોઇનનો પાવરપ્લે બોલર તરીકે ઉપયોગ કર્યો હતો. તેણે પાકિસ્તાનના ફકર ઝમાન અને સાઉથ આફ્રિકાના કવિન્ટન ડી કોકને બાંધી પણ રાખ્યા હતા. જોકે ભારત સામે ટોપમાં મોઇનને ડાબોડી સામે નાખવાનો આનંદ નસીબ નહીં થાય. રોહિત, રાહુલ, કોહલી અને ઐયર/સૂર્યકુમાર ભારતના ટોપ-4 રાઈટ હેન્ડેડ રહેશે, તેવું લગભગ નક્કી છે. મોઇન અલીએ 2018થી જમોડી બેટ્સમેન સામે 11.77ની ઈકોનોમીથી રન આપ્યા છે અને આ દરમિયાન તેને એકપણ વિકેટ મળી નથી. જ્યારે રાશિદને મિડલ ઓવર્સમાં કોહલી, ઐયર, હાર્દિક અને પંત ચારેકોર મારવા સક્ષમ છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links