અમદાવાદમાં લાખો લોકો તમાકુનું કરે છે સેવન, પરંતુ લાખો લોકોની સામે ફક્ત આટલો દંડ!

Published By : B.K.NEWS DAINIK
Published Date : 2019-07-02 13:12:30
Views : 453
Modified Date : 2019-07-02 13:12:30

અમદાવાદમાં લાખો લોકો તમાકુનું સેવન કરી રહ્યા છે. આંકડો જાણીને તમે ચોંકી ઉઠ્શો. પરંતુ છેલ્લા 10 વર્ષથી તમાકુ નિયંત્રણનો કાયદો બન્યો છે , ફક્ત મામૂલી રૂપિયા બસો જેવો દંડ લઈને જાહેરમાં ધુમ્રપાન કરનારને છોડી દેવામાં આવે છે.ત્યારે અમદાવાદનાં પોશ વિસ્તારોમાં અલગ અલગ ફલેવરના તમાકુનું સેવન પણ કરવામાં આવી રહ્યુ છે. 2008 થી 2019 સુધીમાં રૂ.10 લાખનો દંડ વસુલાયો છે. અમદાવાદ મહાનગર પાલિકા – અમપામાં વર્ષના પાંચ મહિનામાં મે-૨૦૧૯ સુધીમાં કલમ-ચાર, મુજબ, શહેરમાં જાહેરમાં ધુમ્રપાન કરવુ કે તમાકુનુ સેવન અથવા ગુટખાનુ સેવન કરવા સામે ૧૯૪ કેસ કરવામાં આવ્યા છે.અમદાવાદમાં 60 લાખની વસતી છે. જેમાં 25 લાખથી વધું લોકો ધુમ્રપાન કરતાં હોવાનું અનુમાન છે. જેની સામે રૂ.૨૨,૮૦૦ની રકમ દંડ પેટે વસુલવામાં આવી છે. કલમ-પાંચના ભંગ બદલ શહેરમાં ઉપરોકત સમયગાળા સુધીમાં માત્ર ૧૧૦ કેસો કરવામાં આવ્યા છે. જે સામે માત્ર રૂપિયા ૧૬,૮૧૦ જેટલી રકમ દંડ પેટે વસુલવામાં આવી છે. કલમ-છ મુજબ, શહેરમાં ૧૮ વર્ષથી નીચેનાઓને તમાકુ સેવન પર પ્રતિબંધ ફરમાવવામાં આવ્યો છે. ઉપરાંત આ વયના લોકોને તમાકુ, ગુટખા, બીડી કે સિગારેટ આપી શકાશે નહીંકુલ ૨૧૭ કેસ કરવામાં આવ્યા છે. જેની સામે માત્ર રૂપિયા ૨૮,૦૫૦નો દંડ વસુલ કરવામાં આવ્યો છે. ઉપરાંત અમદાવાદમાં ૩૦ રૂમ ધરાવતી હોટલ અથવા રેસ્ટોરામાં જાહેરમાં ધુમ્રપાન કરી શકાશે નહીં. એરપોર્ટ પર ખાસ જગ્યામાં જ ધુમ્રપાન કરી શકાશે. કલમ-પાંચ મુજબ, શહેરમાં તમાકુ કે તમાકુની કોઈ પણ પ્રોડકટની જાહેરાત કરી શકાશે નહીં..